Eklesiasta 7:17 - Xitsonga (Bibele)

¹⁷ U nga tshuki u tiendla lowo biha ku tlurisisa, kambe u nga tshuki u tiendla xihunguki, hikuva a u ta fela yini wu nga si va nkarhi wa wena xana?

BIBELE Mahungu Lamanene

¹⁷ Naswona u nga homboloki ku tlula mpimo, chava ku hundzuka phuphula; xana u lava ku tisunga ke?

Eklesiasta 7:17 Referans Kwoze

Swivuriso 10:27

Xichavo xa Yehovha xi andzisa masiku, Kambe malembe ya vadyohi ma ta komisiwa.

Pisalema 55:23

Wena Xikwembu u ta va xikisa ekheleni ra ku lova; Vanhu lava va nga va ngati ni va ku xisa, Va nga ka va nga fiki exikarhi ka masiku ya vona; Kambe mina ndzi tshembile wena.

Ntirho 22:16

Kasi va susiwile wu nga si va nkarhi, Vuako bya vona byi fana ni nambu lowu khulukaka.

Timhaka 12:23

Kutani hi nomu lowu, ntsumi ya Hosi yi n'wi ba, hikuva a nga dzunisanga Xikwembu; kutani a dyiwa hi swivungu, a fa.

Timhaka 5:10

Kutani hi nomu lowu a wela emilengeni ya yena, a hlala. Kakuloko majaha ma nghenile, ma n'wi kuma a file, kutani va ya n'wi lahla eka nuna wa yena.

Timhaka 5:5

Kakuloko Ananiya a twa marito walawo, a wela ehansi, a hlala. Kutani vayingisi hinkwavo, va khomiwa hi ku chava lokukulu.

1 SAMIELE 25:38

Kuteloko ku hundzile masiku lama lavaka ku va khume. Yehovha a ba Nabala, kutani a fa.

Yakobo 1:21

Hikwalaho, cukumetani thyaka hinkwaro, ni hinkwaswo swa lunya, mi amukela hi ku olova rito leri byariweke etimbilwini ta n'wina, leri kotaka ku londzovota mimoya ya n'wina.

Ezekiele 16:20

“U tekile varisanyana ni vanhwanyana lava u ndzi velekeleke vona, u gandzerile ha vona leswaku swi ta va swakudya swa swona.

Ezekiele 8:17

A ku eka mina: “Xana u swi vonile, wena, n'wana wa munhu? Xana i xilo lexitsongo eka yindlu ya Yuda, manyala lawa va ma endlaka halenu? Va tatisa tiko hi vuhunguki bya vona, va nga tshiki ku ndzi pfuka hi byona. Vona, va tshineta rhavi etinhompfini ta vona!

2 SAMIELE 6:20

Na yena Davhida a muka ku ya katekisa yindlu ya yena; kutani Mikala, n'wana Sawulo, a huma ku ya hlangana na Davhida, a ku: “Hosi ya Israele yi tidzunisile swonghasi namuntlha, yi tifunungula namuntlha emahlweni ka malandza ya xisati ya malandza ya yona, hi laha munhu wa hava a nga endlaka hakona!”

Timhaka 16:28

Kambe Pawulo a n'wi huwelela hi rito lerikulu, a ku: “U nga tshuki u tivavisa, hikuva ha ha ri kona hinkwerhu.”