Eklesiasta 7:14 - Xitsonga (Bibele)

¹⁴ Hi siku ra ku kateka, tsaka, kambe hi siku ra khombo anakanya. Xikwembu lexi endleke un'wana ni un'wana leswaku munhu a nga tshuki a tiva nchumu wa leswi nga ta n'wi humelela endzhaku.

BIBELE Mahungu Lamanene

¹⁴ Hi siku ra minkateko, tsaka, kambe u tianakanya esikwini ra khombo, hikuva masiku lawa, ha mambirhi, ma endliwile hi Xikwembu; kutani swa masiku lawa ya ha taka, xi hi fihlela swona ha vomu.

Eklesiasta 7:14 Referans Kwoze

Eklesiasta 3:22

Loko swi ri tano, ndzi vonile leswaku a ku na vunene lebyi tlulaka leswaku munhu a tsakela mitirho ya yena, hikuva hi kona ku averiwa ka yena. Hikuva a nga tlherisiwa hi mani ku ta tsakela leswi nga ta sala endzhaku ka yena?

Eklesiasta 3:4

Nkarhi wu kona wa ku rila, wu kona nkarhi wa ku hleka, nkarhi wu kona wa ku kolola, wu kona nkarhi wa ku cina.

Eklesiasta 12:13

A hi yingiseni makumu ya timhaka hinkwato: Chava Xikwembu, u hlayisa milawu ya xona, hikuva hi yona mfanelo hinkwayo ya munhu;

Duteronoma 28:47

“Hikuva a ku tirhelanga Yehovha, Xikwembu xa wena, hi ku tsaka, ni mbilu hinkwayo ya wena, hikwalaho ka ndzalo ya swilo hinkwaswo,

Duteronoma 8:3

U ku tsongahatile, u ku tshikile u ri ni ndlala, u ku dyisile manna, leyi u nga yi tivangiki, leyi vatata wa wena, na vona, va nga yi tivangiki, a va a ku dyondzisa leswaku munhu a nga ka a nga hanyi hi vuswa ntsena, kambe munhu a hanya hi hinkwaswo leswi humaka enon'wini wa Xikwembu.

Esaya 26:11

Yehovha, voko ra wena ri ni matimba, kambe a va ri voni. Va ta vona ku hiseka ka wena loku u hisekelaka tiko ra wena hakona, kutani va ta va ni tingana. Ndzilo wu ta hisa lava nga valala eka wena.

Yakobo 5:13

Un'wana exikarhi ka n'wina loko a ri enhlomulweni, a a khongele; loko a tsakile a a yimbelele tinsimu;

Matewu 9:13

Kambe yanani mi ya dyondza rito leri nge: ‘Ndzi rhandza tintswalo, ma nga ri magandzelo!’ Hikuva a ndzi telanga ku vitina lava lulameke eku tshikeni, kambe vadyohi.”

Mikiya 6:9

Rito ra Yehovha ri huwelele muti; kutani la nga ni vutlhari u ta chava vito ra wena! “Yingisani nhonga ni loyi a yi leriseke.

Yeremiya 23:20

Vukari bya Yehovha byi nga ka byi nga tlheri a nga si endla ni ku heta ku anakanya ka mbilu ya yena; enkarhini wa makumu mi ta swi vonisisa.

Pisalema 119:71

Swi lulamile eka mina leswi ndzi nga tsongahatiwa, Leswaku ndzi ta dyondza timfanelo ta wena.

Timhaka 14:22

va tiyisa timbilu ta vadyondzisiwa, va va khongotela ku tiyisela eku pfumeleni, va ri karhi va va ringanisela leswaku hi fanele ku nghena eku fumeni ka Xikwembu hi maxangu layo tala.

Pisalema 40:3

U nghenise enon'wini wa mina risimu lerintshwa, Ku dzunisa Xikwembu xa hina. Lavo tala va swi vonile va ve ni ku chava, Kutani va tshembile Yehovha.

Esaya 42:25

Hikwalaho u cheletile Israele hi ku pfurha ka vukari bya yena, ni ku leva ka mivango. Mivango yi pfurhile, yi n'wi rhendzele hinkwako, kambe a nga swi twanga, yi n'wi lovisile kutani a nga swi hlayisanga.

Eklesiasta 12:8

Vuhava bya swahava, ku vula Mudyondzisi, hinkwaswo i swahava.

1 TIHOSI 8:47

loko va tiyingisa etikweni leri va nga ta va makhumbi eka rona, loko va tlhelela eka wena va ku khongela etikweni ra lava va va khomeke va ku: ‘Hi dyohile, hi endlile leswo biha, hi onhile!’

Duteronoma 8:5

Pfumela embilwini ya wena leswaku Yehovha, Xikwembu xa wena, a ku laya kukotisa munhu loko a laya n'wana wa yena.

Duteronoma 26:11

U ta titsakela u ri ni Mulevhi, ni muluveri la nga ta va exikarhi ka wena, hi rifuwo hinkwaro leri Yehovha, Xikwembu xa wena, a ku nyikeke rona ni yindlu ya wena.

Ntirho 2:10

Yobo a ku eka yena: “U vulavula kukotisa xihunguki loko xi vulavula. Xana hi ta amukela leswo saseka emavokweni ya Xikwembu, hi nga amukeri swo biha-ke?” Etimhakeni toleto hinkwato Yobo a nga dyohanga hi nomu wa yena.

Eklesiasta 8:7

A nga tivi niswitsanana leswi nga ta n'wi humelela, hikuva la nga ta n'wi byela leswi nga ta tumbuluka i mani xana?

Eklesiasta 9:7

Famba, u ya dya swakudya swa wena hi ku tsaka, u nwa vhinyo ya wena hi mbilu leyi titsakelaka hikuva Xikwembu xi tsakisiwile hi mitirho ya wena.

Eklesiasta 10:14

Kambe xiphukuphuku xi andzisa marito. Munhu a nga ka a nga vuli leswi nga ta tumbuluka endzhaku ka yena. I mani la nga ta va endzhaku ka yena ku n'wi byela?

Eklesiasta 11:9

Jaha, tsakela vuntshwa bya wena, mbilu ya wena yi ku tsakisa hi masiku ya vuntshwa bya wena, u famba hi ku rhandza ka mbilu ya wena, ni ku languta ka mahlo ya wena;

Eklesiasta 5:17

Kutani u dya hi masiku hinkwawo vuswa bya yena emunyameni, a ri ni tingana letikulu, a karihile hi ku vaviseka ka yena.

Swirilo 3:38

Swilo leswo saseka ni leswo biha Xana a swi humi enon'wini wa La nge henhla?