Eklesiasta 6:6 - Xitsonga (Bibele)

⁶ Hambiloko a hanyile malembe ya khume ra madzana lama hlayiwaka kambirhi, kambe a nga voni ku kateka, andziri hinkwaswo a swi fambi endhawini yi ri yin'we xana?

BIBELE Mahungu Lamanene

⁶ Hambiloko mufumi a hanya malembe ya 2 000, a nge tsakisiwi hi nchumu la misaveni, hikuva yena ni xihlangi lexiya, va kongoma endhawini yin'we.

Eklesiasta 6:6 Referans Kwoze

Eklesiasta 3:20

Hinkwaswo swi ya exivandleni xin'we. Hinkwaswo swi huma entshurini, kutani hinkwaswo swi tlhelela entshurini.

Vaheveru 9:27

Kutani kukotisa loko ku lerisiwe leswaku vanhu hinkwavo va fa kan'we, endzhaku ka swona ku va ku avanyisiwa;

Ntirho 30:23

Hikuva ndza swi tiva leswaku u ndzi yisa eku feni, Endlwini yoleyo hinkwavo lava hanyaka va faneleke ku hlengeletana eka yona.

Yeremiya 17:6

U fana ni xisiwana emananga; a nga voni ku kateka loko ku fikile; u tshama evutshweni bya mananga, emisaveni leyo dzuma leyi nga riki na vaaki.

Esaya 65:22

Va nga ka va nga ha aki tindlu, leswaku un'wana a ta tshama kona, va nga ka va nga ha byari leswaku un'wana a ta dya, hikuva masiku ya tiko ra mina ma ta ringana ni masiku ya mirhi, kutani vahlawuriwa va mina va ta tsakela ntirho wa mavoko ya vona,

Esaya 65:20

Kona a ku nga ha vi na swihlangi leswi velekiweleke masiku ma nga ri mangani, hambi swikoxa leswi nga hetisiki ntsengo wa masiku ya swona; hikuva u ta fa a ri lontshwa, loyi a nga ta fa a ri ni dzana ra malembe, kambe ndzhukano wu ta wela xidyohi, loko xi ta va ni dzana ra malembe.

Eklesiasta 12:7

ni ntshuri wu nga si tlhelela emisaveni laha wu humeke kona, ni moya wu nga si tlhelela eka Xikwembu lexi nyikeke wona.

Eklesiasta 6:3

Hambiloko munhu a nga veleka vana va dzana, a hanya malembe layo tala, ni loko masiku ya malembe ya yena ma andzisiwa, loko moya wa yena wu nga xurhi vunene, a va a pfumala ni sirha: ndzi ri, swi tsandza ni la velekiweke wu nga si va nkarhi, u n'wi tlula hi ku kateka.

Pisalema 34:12

I mani la rhandzaka ku hanya, La navelaka ku vona masiku ya ku kateka?

Ntirho 7:7

“Yehovha tsundzuka leswaku vutomi bya mina i ku huhuta ntsena, Mahlo ya mina ma nga ha voni ku tsaka;

Ntirho 1:21

“Ndzi humile ekhwirini ra manana ndzi ri hava nchumu, ndzi ta tlhelela kona ndzi ri hava nchumu. Yehovha u ndzi nyikile, Yehovha u tlhele a teka; a ku dzunisiwe vito ra Yehovha!”

Genesa 5:5

Masiku hinkwawo lawa Adamu a hanyeke ha wona a ma ri malembe ya 930, kutani a fa.

Eklesiasta 2:14

Mahlo ya munhu lowo tlhariha ma le nhlokweni ya yena, kasi xihunguki xi famba emunyameni hambiswiritano ndzi tsundzukile leswaku va humeleriwa havambirhi hi khombo leri fananaka.

Eklesiasta 6:5

u ta va la nga vonangiki dyambu ni ku ri tiva a nga ri tivi. Yena u ni ku wisa ku tlula munhu yeloyi.

Eklesiasta 7:2

Swi sasekile ku ya endlwini ya swirilo, ku tlula ku ya endlwini ya mikhuvo; hikuva kona hilaha ku helaka munhu wihi ni wihi, kutani munhu la hanyaka u ehleketa hakona.

Eklesiasta 9:2

Hinkwavo va humeleriwa hi leswi fananaka: khombo ri ri rin'we ri tumbulukela la lulameke ni lowo biha, lonene, la tengeke, ni wa thyaka, la gandzelaka, ni la nga gandzeriki. Lonene u kotisa mudyohi, la rhuketelaka u fana ni la chavaka ku rhuketela.