Eklesiasta 6:3 - Xitsonga (Bibele)

³ Hambiloko munhu a nga veleka vana va dzana, a hanya malembe layo tala, ni loko masiku ya malembe ya yena ma andzisiwa, loko moya wa yena wu nga xurhi vunene, a va a pfumala ni sirha: ndzi ri, swi tsandza ni la velekiweke wu nga si va nkarhi, u n'wi tlula hi ku kateka.

BIBELE Mahungu Lamanene

³ Munhu a nga kuma dzana ra vana, a hanya malembe layo tala emisaveni, masiku ya yena ma andza swinene. Kambe a nga tshuka a tekeriwa minkateko yoleyo, varikwavo va ala ni ku n'wi lahla esirheni. Mina ndzi ri: Xihlangi xo velekiwa xi file xi katekile ku tlula munhu wo tano,

Eklesiasta 6:3 Referans Kwoze

Ntirho 3:16

Kumbe a ndzi ta fana ni mhondlwana leyi yimberiweke, Ndzi kotisa vana lava nga vonangiki ku vonakala.

Yeremiya 22:19

U ta lahliwa, kukotisa mbhongolo, a kokiwa, a cukumetiwa ehandle ka tinyangwa ta Yerusalema.”

Eklesiasta 4:3

Kutani ndzi ku: “La katekeke ngopfu ku tlula hinkwavo, hi loyi a nga siki vaka kona, la nga siki vonaka ku endla ku biha loku endliwaka ehansi ka dyambu.”

2 TIHOSI 9:35

Va famba va ya n'wi lahla, kambe va kuma pala ra yena ntsena, ni mikondzo ni swandla.

Genesa 47:9

Yakobo a ku eka Faro: “Masiku ya ku hanya ka mina i malembe ya dzana ni makume manharhu, kambe masiku ya ku hanya ka mina ma komanyanile, ma vuya ma biha; a ndzi fikanga emasikwini ni le malembeni ya vatatana, emikarhini ya ku hanya ka vona.”

Matewu 26:24

Loko a ri N'wana wa Munhu, u tifambela hilaha ku tsariweke ehenhla ka yena hakona, kambe u ni khombo munhu yeloyi N'wana wa Munhu a xengiwaka hi yena; ingi swi sasekile loko munhu loyi a nga velekiwanga.”

Yeremiya 36:30

Hikwalaho, ku vula Yehovha hikwalaho ka Yoyakimi, hosi ya Yuda: A nga ka a nga kumi n'wana la nga ta tshama exiluvelweni xa Davhida kutani ntsumbu wa yena, wu ta lahliwa ehandle, eku hiseni ka dyambu ni le xirhamini xa vusiku.

Yeremiya 8:2

ma ta hangalasiwa eku vonakaleni ka dyambu, ni ka n'weti, ni ka mavandla hinkwawo ya tilo, swi nga hinkwaswo leswi va nga swi rhandza, ni hinkwaswo leswi va nga swi tirhela, ni leswi va nga famba eka swona, ni leswi va tshamaka va ya vutisa eka swona, leswi va tshamaka va swi khinsamela; kambe ma nga ka ma nga hlengeletiwi ni loko ku ri ku yimberiwa; byi ta va vulongo etikweni leri.

Swivuriso 17:6

Vatukulu i xidlodlo xa lava dyuhaleke, Ku twala ka vana ku huma eka vatata wa vona.

Pisalema 58:8

A va kotise holokompfa leyi nyukaka loko yi famba! A va kotise xiholoti xa wansati lexi nga vonangiki dyambu!

Estere 7:10

Kutani va hayeka Hamani emhandzeni leyi ngi yi lunghiseriwe Mordekayi, kutani vukari bya hosi byi vomba.

Estere 5:11

Hamani a va byela ku kateka ka rifuwo ra yena, ni ku tala ka vana va yena, ni hinkwaswo leswi hosi yi n'wi tlakuseke ha swona, ni laha a n'wi kuriseke ku n'wi veka lonkulu wa tihosana ni wa malandza ya hosi.

2 TIKRONIKA 11:21

Rhobuwamu a a rhandza Maaka, n'wana Abixalomu, ku tlurisa vasati va yena hinkwavo ni vasati lavatsongo; hikuva a a tekile vasati va 18 ni vasati lavatsongo va 60; a veleka vana va xinuna va 28, ni vana va xisati va 60.

1 TIKRONIKA 28:5

Ni le xikarhi ka vana va mina hinkwavo (hikuva Yehovha u ndzi nyikile vana va xinuna lavo tala), u hlawurile Solomoni, n'wananga, leswaku a tshamisa exiluvelweni xa vuhosi bya Yehovha, ehenhla ka Israele,

2 TIHOSI 10:1

Akabu a a siyile vana va xinuna va 70 eSamariya. Kutani Yehu a tsala mapapila a ma rhumela eSamariya eka tihosi ta Yizriele, ni ka vakulukumba, ni ka valanguteri va vana va Akabu;

Genesa 33:5

Kutani a tlakusa mahlo, a vona vavasati ni vana, a ku: “I va mani volavo u nga na vona la?” Yakobo a ku: “I vana lava Xikwembu xi pfuneke nandza wa wena ha vona.”

Eklesiasta 6:4

Hikuva u velekeriwe swahava, u famba emunyameni, kutani vito ra yena ri funengetiwa hi munyama;

Ntirho 3:11

“A ndzi fanga ha yini ndza ha ri ekhwirini ra manana? Kumbe a ndzi lahlekanga ha yini ndza ha huma enyimbeni ya yena?