Eklesiasta 6:2 - Xitsonga (Bibele)

² Hi leswaku loko Xikwembu xi nyikile munhu rifuwo, ni xuma, ni ku twala, ku fikela loko a nga ha pfumali nchumu eku hanyeni ka yena, hambi xi ri xilo xin'we xa hinkwaswo leswi a swi navelaka, Xikwembu a xi n'wi nyiki nkarhi wa ku dya swona, i un'wana la swi dyaka. Swoleswo i vuhava ni khombo leri vavisaka.

BIBELE Mahungu Lamanene

² Xikwembu a xi nyikile munhu un'wana erifuwo lero tala, xi n'wi nyika ni ku chaviseka; munhu loyi ú kumile hinkwaswo leswi a a swi navela. Kambe Xikwembu a xi n'wi pfumelelanga ku tiphina hi swilo leswi, hikuva swi lo dyiwa hi munhu wa tiko rimbe. Swilo sweswo, a swi pfuni nchumu, i khombo leri vavisaka.

Eklesiasta 6:2 Referans Kwoze

Eklesiasta 5:19

Kunene loko Xikwembu xi nyikile munhu un'wana rifuwo ni xuma, xi n'wi nyikile ni mfanelo ya ku swi dya ni ku titekela swona, ni ku tsakela ku karhateka ka yena, sweswo i ku nyika ka Xikwembu.

Pisalema 17:14

Hi voko ra wena, Oho Yehovha! U ndzi ponisa eka vanhu va misava leyi, Va ni ku averiwa ka vona evutomini lebyi; U tatile swifuva swa vona hi rifuwo ra wena; Vana va vona va xurhile, Kambe va siyela vatukulu va vona leswi salaka.

Pisalema 73:7

Lunya ri huma etimbilwini ta vona leti noneke; Va tshika mihahamo ya timbilu ta vona yi halaka,

1 TIHOSI 3:13

Ehenhla ka swona, ndzi ta ku nyika ni leswi u nga swi kombelangiki, ri nga rifuwo ni ku twala, leswaku ku nga ka ku nga vi na munhu la kotisaka wena exikarhi ka tihosi eku hanyeni hinkwako ka wena.

Swirilo 5:2

Ndzhaka ya hina yi yile eka vamatiko, Ni tindlu ta hina eka lava nga ehandle.

Pisalema 39:6

Kunene munhu wa fambafamba kukotisa ndzhuti, Va endla nkitsikitsi ku kuma swahava; U hlengeleta rifuwo, kambe a nga tivi la nga ta dya rona.

Hosiya 7:9

Vamatiko va dyela mandla ya yena, kambe yena a nga swi voni. U mirile misisi ya timpfu, kambe a nga swi tivi.

Daniele 5:18

Wena hosi, Xikwembu lexi nge henhlahenhla a xi nyikile Nebukadnetsara, tata wa wena, vuhosi, ni vukulukumba, ni ku twakala, ni ku vonakala.

Eklesiasta 5:16

Sweswo na swona i khombo leri vavisaka: hilaha a nga ta hakona, a tifambela sweswo, kasi a fuwa yini hi ku tikarhata ka yena hi swahava?

Eklesiasta 4:8

I munhu la tshameke a ri swakwe, a nga riki na wa vumbirhi, la pfumalaka n'wana kumbe makwavo; hambiswiritano, ntirho wa yena a wu na makumu, na wona mahlo ya yena a ma xurhi rifuwo. Xana ndzi tikarhatela mani, ndzi tsona moya wa mina ku kateka hikwalaho ka mani? Xolexo, na xona, i vuhava, i mhaka leyi nga humeseriki nchumu.

Eklesiasta 4:4

Kambe ndzi tsundzukile ntirho hinkwawo ni ntirho wihi ni wihi lowu nga ni vutlhari, kutani ndzi vonile leswaku munhu un'wana u ni mona eka un'wana. Na swona i swahava ni ku landza mheho.

2 TIKRONIKA 1:11

Xikwembu xi ku eka Solomoni: “Leswi u nga ni miehleketo leyi embilwini ya wena, u nga kombelanga rifuwo ni xuma, ni ku twala, ni rifu ra valala va wena, ni leswi u nga kombelangiki masiku yo tala, kambe u tikombelele vutlhari ni ku twisisa ku avanyisa tiko ranga leri ndzi ku vekeke hosi ya rona,

1 TIKRONIKA 29:28

Kutani a fa eku dyuhaleni lokunene, a taleriwa hi masiku, ni rifuwo, ni ku twala; kutani Solomoni, n'wanakwe, a fuma ematshan'weni ya yena.

1 TIKRONIKA 29:25

Yehovha a tlakusa ngopfu Solomoni emahlweni ka Vaisraele hinkwavo, a twarisa ku fuma ka yena ku tlurisa ku fuma ka tihosi ta Israele leti ngi ti ri emahlweni ka yena.

Vaavanyisi 18:10

Loko mi fika kona, mi ta kuma vanhu lava nga chaviki nchumu, na rona tiko ri kulukumba; hikuva Xikwembu xi mi nyikile rona; kambe i tiko leri ku nga pfumariwiki nchumu wa leswi kumiwaka emisaveni.”

Duteronoma 28:43

“Muluveri la nga ta luvela eka wena u ta tikurisa ehenhla ka wena ngopfungopfu; loko u ri wena u ta tsongahala hansihansi;

Duteronoma 28:33

Tiko leri u nga ri tiviki ri ta dya mihandzu ya misava ya wena ni ya mitirho ya wena hinkwayo; kambe u ta xanisiwa ni ku khandliwa ntsena hi masiku hinkwawo;

Eklesiasta 5:13

Ku ni khombo lero biha leri ndzi ri voneke ehansi ka dyambu: i rifuwo leri hlayiseriweke n'wini wa rona, kambe ra n'wi vavisa.

Esaya 55:2

Xana mi xavela yini hi mali, leswi swi nga riki vuswa xana? Xana mi tirhela yini, leswi nga xurhisiki xana? Ndzi yingiseni, mi ta dya leswo nandziha; mimoya ya n'wina yi ta titsakela endzalweni.

Eklesiasta 5:18

Lexi ndzi xi voneke hi lexi: hi lexinene ni lexo saseka ku dya ni ku nwa, ni ku titsakela hi ku karhateka hinkwako loku munhu a tikarhataka hakona ehansi ka dyambu, hi masiku hinkwawo ya vutomi bya yena lawa Xikwembu xi n'wi nyikeke wona, hikuva hi kona ku averiwa ka yena.