Eklesiasta 6:12 - Xitsonga (Bibele)

¹² Hikuva i mani la tivaka leswi nga saseka eka munhu evutomini bya yena, hi masiku ya ku hanya ka yena ka swahava lama hundzaka kukota ndzhuti? Kumbe i mani la byelaka munhu leswi nga ta va kona ehansi ka dyambu, loko a nga ha ri kona?

BIBELE Mahungu Lamanene

¹² Xana i mani la tivaka leswi nga tiselaka munhu eminkateko, loko a ri karhi a hetisa masikunyana ya yena yo ka ya nga pfuni nchumu xana? Leswi a hundzaka emisaveni ku fana ni papanyana, xana i mani la nga tivisaka munhu loyi leswi nga ta humelela mundzuku, loko yena a ta va a nga ha ri kona xana?

Eklesiasta 6:12 Referans Kwoze

Yakobo 4:14

n'wina vanhu lava nga ti tiviki swa mundzuku; hikuva vutomi bya n'wina i yini-ke? I hunguva leyi vonakaka hi nkarhi wu nga ri wungani, kutani yi hangalaka.

Eklesiasta 3:22

Loko swi ri tano, ndzi vonile leswaku a ku na vunene lebyi tlulaka leswaku munhu a tsakela mitirho ya yena, hikuva hi kona ku averiwa ka yena. Hikuva a nga tlherisiwa hi mani ku ta tsakela leswi nga ta sala endzhaku ka yena?

Ntirho 14:2

Wa mila, kutani a tsemiwa kukota xiluva; Wa hundza kukotisa ndzhuti, a nga tshami a va kona.

Pisalema 144:4

Munhu u fana ni ku hefemula, Masiku ya yena ma fana ni ndzhuti lowu hundzaka.

Eklesiasta 8:13

Lowo biha a nga ka a nga endleriwi leswinene, kambe a nga ka a nga andzeriwi hi masiku. U ta fana ni ndzhuti, hikuva a nga chavanga emahlweni ka mombo va Xikwembu.

Eklesiasta 8:7

A nga tivi niswitsanana leswi nga ta n'wi humelela, hikuva la nga ta n'wi byela leswi nga ta tumbuluka i mani xana?

Ntirho 8:9

Hikuva hina hi va tolo, a hi tivi nchumu, Masiku ya hina la misaveni i mindzhuti ntsena.

1 TIKRONIKA 29:15

Hikuva hi valuveri emahlweni ka wena ni vaendzi, kukotisa vatata wa hina hinkwavo, masiku ya hina ma fana ni ndzhuti emisaveni, kutani ku tshemba a ku kona.

Eklesiasta 12:13

A hi yingiseni makumu ya timhaka hinkwato: Chava Xikwembu, u hlayisa milawu ya xona, hikuva hi yona mfanelo hinkwayo ya munhu;

Eklesiasta 9:6

Rirhandzu ra vona, ni ku venga ka vona, ni mona wa vona swi lahlekile a va ha ri na ku averiwa eka hinkwaswo leswi endliwaka ehansi ka dyambu ni siku ni rin'we.

Eklesiasta 2:3

Kutani ndzi anakanya embilwini ya mina ku nyiketa nyama ya mina evhinyeni, mbilu ya mina yi ri karhi yi ri ni ku tlhariha; yi namarhela vuphukuphuku, ndzi ko ndzi vona leswi lulamelaka vana va vanhu ku swi endla ehansi ka matilo, emasikwini ya ku hanya ka vona.

Pisalema 109:23

Ndzi tifambela kukotisa ndzhuti lowu ololokaka, Ndzi hungiwa kukotisa njiya,

Pisalema 102:11

Masiku ya mina ma fana ni ndzhuti wa madyambu, Ndzi omile kukota byanyi.

Pisalema 17:15

Loko ndzi ri mina eku lulameni ka mina, ndzi ta hlalela mombo wa wena; Loko ndzi pfuka evurhongweni, ndzi ta xurha xivumbeko xa wena.

Pisalema 4:6

Lavo tala va ku: “Hi ta kombiwa ku kateka hi mani? Oho Yehovha! Wa nga hi tsuvukisela ku vonakala ka mombo wa wena!”

Ntirho 14:21

Vana va yena, ni loko va chaviwa, a nga swi tivi; Hambi va tsongahatiwa, a nga va tsundzuki.

Mikiya 6:8

Wena munhu u tivisiwile leswi lulameke, ni leswi Yehovha a swi lavaka eka wena; hileswaku u endla leswi lulameke, u rhandza tintswalo, ni ku famba hi ku titsongahata emahlweni ka Xikwembu xa wena.

Pisalema 89:47

Anakanya vutomi bya mina, leswaku byi komile, Ni leswaku u endlele swahava vana hinkwavo va vanhu.

Pisalema 47:4

U hi hlawulele ndzhaka ya hina, Ku kwetsima ka Yakobo, loyi a n'wi rhandzaka.

Pisalema 16:5

Yehovha i ku averiwa ka mina ni ndzheko wa mina; Hi wena la ndzi tiyiselaka ndzhaka ya mina;

Eklesiasta 2:24

A ku na lexo saseka eka munhu lexi tlulaka ku dya ni ku nwa, ni ku lavela moya wa yena ku titsakela hi ku tirha ka yena. Na swona leswi, ndzi swi vonile leswaku swi huma evokweni ra Xikwembu.

Eklesiasta 6:11

Langutani, ku ni swilo leswo tala leswi andzisaka swahava; loko swi ri tano, munhu a nga fuwa yini ha swona?

Eklesiasta 7:15

Leswi hinkwaswo ndzi swi vonile hi siku ra mina ra vuhava. Ku ni munhu wa ku lulama la lovaka eku lulameni ka yena, kasi ku ni munhu wa ku homboloka la andzisaka masiku ya yena eku hombolokeni ka yena.

Eklesiasta 9:9

Hanya swinene ni nsati lo u n'wi rhandzaka hi masiku hinkwawo ya wena ya swahava hikuva hi kona ku averiwa ka wena evutomini ni le ku karhaleni hinkwako ka wena loku u tikarhataka ha kona ehansi ka dyambu.

Eklesiasta 10:14

Kambe xiphukuphuku xi andzisa marito. Munhu a nga ka a nga vuli leswi nga ta tumbuluka endzhaku ka yena. I mani la nga ta va endzhaku ka yena ku n'wi byela?