Eklesiasta 5:17 - Xitsonga (Bibele)

¹⁷ Kutani u dya hi masiku hinkwawo vuswa bya yena emunyameni, a ri ni tingana letikulu, a karihile hi ku vaviseka ka yena.

BIBELE Mahungu Lamanene

¹⁷ Masiku hinkwawo ú le xinyamini, a rila; ú tshamela ku hlundzuka, a vabya, a vilela!

Eklesiasta 5:17 Referans Kwoze

Pisalema 127:2

A swi mi pfuni nchumu ku vindzuka nimixo Ni ku hlwela ku ya eku etleleni, Ni ku dya vuswa lebyi vavisaka! Murhandziwa wa yena wa nyikiwa leswo tano evurhongweni bya yena.

Timhaka 12:23

Kutani hi nomu lowu, ntsumi ya Hosi yi n'wi ba, hikuva a nga dzunisanga Xikwembu; kutani a dyiwa hi swivungu, a fa.

Pisalema 102:9

Ndzi dya ntshuri ematshan'weni ya vuswa, Ndzi pfanganyisa swakunwa swa mina ni minyembeti,

Pisalema 78:33

Xi va tshika, masiku ya vona ma hela hi vuhava, Ni malembe ya vona hi ku hela loku tshukisaka.

Ntirho 21:25

Kasi un'wana u fela emasangwini ya moya wa yena, A nga nantswangi ku tsaka.

2 TIHOSI 5:27

Nhlokonho ya Naamani yi ta ku namarhela wena, ni vana va wena hi laha ku nga heriki.” Kutani Gehazi a huma emahlweni ka yena, a tele nhlokonho leyi fanaka ni gamboko.

2 TIHOSI 1:6

Va ku eka yena: “Munhu u tlhandlukile ku ta hlangana na hina, a ku eka hina: ‘Tlhelelani eka hosi leyi mi rhumeke, mi ku eka yona: Yehovha u vurisa sweswo, a ku: “Xana a ku na Xikwembu etikweni ra Israele, leswi u hi rhumaka ku ya vutisa Baala-Zebubu, xikwembu xa Ekroni xana? Hikwalaho u nga ka u nga ha pfuki esangwini leri u etlelaka eka rona hikuva u ta fa kunene.” ’ ”

2 TIHOSI 1:2

Ahaziya a wa hi fasitere ra yindlu ya yena leyi tlakukeke, leyi ngi yi ri Samariya, kutani a vabya. A rhuma tintsumi, a ku eka tona: “Fambani, mi ya vutisa Baala-Zebubu, xikwembu xa Ekroni, ndzi ta tiva xana ndzi ta hanya evuvabyini lebyi.”

1 TIHOSI 17:12

Yena a ku: “Yehovha, Xikwembu xa wena, xa hanya! A ndzi na vuswa, ni byitsanana; ndzi ni xandla xa mapa ntsena embiteni, ni mafurhanyana exikutswini, ndzi rhotela tihunyi timbirhi, ndzi muka, ndzi ya swekela n'wananga na mina vuswanyana, kutani kutakuloko hi dyile, hi ta fa.”

Genesa 3:17

Ni ka wanuna, a ku: “Leswi u yingiseke rito ra nsati wa wena, u dya murhi lowu ndzi nga ku lerisa, ndzi ku: ‘U nga tshuki u dya,’ misava yi rhuketeriwa hikwalaho ka wena. U ta dya swa yona hi ku vaviseka hi masiku hinkwawo ya ku hanya ka wena;

Pisalema 39:6

Kunene munhu wa fambafamba kukotisa ndzhuti, Va endla nkitsikitsi ku kuma swahava; U hlengeleta rifuwo, kambe a nga tivi la nga ta dya rona.

Eklesiasta 2:23

Hikuva masiku hinkwawo ya yena, hi lama nga ni mahlomulo, kutani ntirho hinkwawo wa yena hi lowu nga ni tingana; hambi byi ri vusiku, mbilu ya yena a yi kumi ku wisa. Leswi, na swona, i vuhava.

Eklesiasta 2:10

Hinkwaswo leswi ngi swi naveriwa hi mahlo ya mina, a ndzi ma tsonanga swona; a ndzi alelanga mbilu ya mina ku tsaka kwihi na kwihi mbilu ya mina yi tsakela ntirho hinkwawo wa mina, kutani hi swona leswi ndzi nga swi fuwa entirhweni hinkwawo wa mina.

Eklesiasta 2:24

A ku na lexo saseka eka munhu lexi tlulaka ku dya ni ku nwa, ni ku lavela moya wa yena ku titsakela hi ku tirha ka yena. Na swona leswi, ndzi swi vonile leswaku swi huma evokweni ra Xikwembu.

Eklesiasta 7:14

Hi siku ra ku kateka, tsaka, kambe hi siku ra khombo anakanya. Xikwembu lexi endleke un'wana ni un'wana leswaku munhu a nga tshuki a tiva nchumu wa leswi nga ta n'wi humelela endzhaku.