Eklesiasta 5:14 - Xitsonga (Bibele)

¹⁴ Rifuwo rero ri onhiwa hi khombo rin'wana; kakuloko a velekile n'wana ku nga ha sali nchumu evokweni ra yena.

BIBELE Mahungu Lamanene

¹⁴ Rifuwo rero ri dyiwa hinkwaro hi mabindzulele lama hoxekeke. N'wini wa rona a a ri ni n'wana, kambe n'wana loyi a nga ha kumi nchumu!

Eklesiasta 5:14 Referans Kwoze

Hagayi 1:9

A mi langutela leswo tala, kasi vonani, mi kumile leswitsongo; mi swi tisa ekaya, kutani ndzi pfurhete ehenhla ka swona. Hikwalaho ka yini, ku vula Yehovha wa mavandla? Hikwalaho ka yindlu ya mina, yi nga rhumbi, kasi n'wina, un'wana ni un'wana a tsutsumela endlwini ya yena.

Eklesiasta 2:26

Hikuva Xikwembu xi nyika munhu lonene emahlweni ka xona, vutlhari, ni ku tiva, ni ku tsaka, kasi eka mudyohi xi n'wi nyika ntirho lowo tika, ku hlengeleta ni ku vunganyetela leswaku swi ta nyika la nga lonene emahlweni ka Xikwembu. Sweswo, na swona, i vuhava ni ku vaviseka ka moya.

Swivuriso 23:5

U swi langutela yini leswi hundzaka? Rifuwo ri ta mila timpapa, Ri haha ehenhla kukotisa gama.

Pisalema 39:6

Kunene munhu wa fambafamba kukotisa ndzhuti, Va endla nkitsikitsi ku kuma swahava; U hlengeleta rifuwo, kambe a nga tivi la nga ta dya rona.

Ntirho 5:5

La nga ni ndlala a ya dya ku tshovela ka xona, A ya vutla ni le xikarhi ka mitwa;

1 TIHOSI 14:26

A teka xuma xa Yindlu ya Yehovha, ni xuma xa yindlu ya hosi; a teka hinkwaswo. A teka ni switlhangu swa nsuku leswi endliweke hi Solomoni.

1 SAMIELE 2:36

Kutani mani na mani la nga ta sala endlwini ya wena u ta ta n'wi khinsamela, leswaku a ta kuma malinyana ni xipandzwa xa vuswa, u ta ku: “Wa nga ndzi nghenisa entirhweni wun'wana wa vuprista, ndzi ta kuma vuswanyana, ndzi dya.” ’ ”

Eklesiasta 5:13

Ku ni khombo lero biha leri ndzi ri voneke ehansi ka dyambu: i rifuwo leri hlayiseriweke n'wini wa rona, kambe ra n'wi vavisa.

Eklesiasta 5:15

Ku kotisa loko a humile ekhwirini ra mana wa yena a nga ri na nchumu, u ta titlhelela a ri ntsena, a tifambela kukotisa loko a tile, kambe, eku karhatekeni ka yena, u ta ya a nga tamelanga nchumu, lexi a nga fambaka ha xona a xi fumbarhele hi voko.

Ntirho 1:21

“Ndzi humile ekhwirini ra manana ndzi ri hava nchumu, ndzi ta tlhelela kona ndzi ri hava nchumu. Yehovha u ndzi nyikile, Yehovha u tlhele a teka; a ku dzunisiwe vito ra Yehovha!”

Pisalema 49:18

Hambi a khensa moya wa yena eku hanyeni ka yena, Hambi vanhu va ku khensa hikwalaho ka ku titsakisa ka wena,