Eklesiasta 5:13 - Xitsonga (Bibele)

¹³ Ku ni khombo lero biha leri ndzi ri voneke ehansi ka dyambu: i rifuwo leri hlayiseriweke n'wini wa rona, kambe ra n'wi vavisa.

BIBELE Mahungu Lamanene

¹³ Laha misaveni, ndzi vonile mhaka leyi tikaka ku tlula mpimo: Munhu ú tihlengeletela rifuwo kambe ri n'wi vangela maxangu.

Eklesiasta 5:13 Referans Kwoze

Genesa 19:14

Lota a huma, a ya byela vakon'wana va yena lava ngi va vutile vana va yena, a ku eka vona: “Pfukani mi huma exivandleni lexi, hikuva Yehovha u ta lovisa muti.” Kambe eka vakon'wana va yena, a va swo ngi wa hleka.

Luka 16:19

“Mufuwi a a ri kona la ambaleke nguvu ya xivunguvungu ni ya ntsembyana lowo saseka, la tshameke eku tsakeni hi masiku hinkwawo.

Sofoniya 1:18

Na yona silivhere ya vona, hambi wu ri nsuku wa vona, swi nga ka swi nga koti ku va lamulela esikwini ra vukari bya Yehovha; kambe tiko hinkwaro ri ta hisiwa hi ndzilo wa rilondzo ra yena; hikuva u ta herisa, a va a lovisa vaaki hinkwavo va misava hi xipuku.

Eklesiasta 8:9

Ndzi swi vonile hinkwaswo swoleswo loko ndzi ri karhi ndzi anakanya mitirho hinkwayo leyi endliwaka ehansi ka dyambu, ni laha vanhu va fumaka ehenhla ka van'wana ku va endla swo biha.

Eklesiasta 4:8

I munhu la tshameke a ri swakwe, a nga riki na wa vumbirhi, la pfumalaka n'wana kumbe makwavo; hambiswiritano, ntirho wa yena a wu na makumu, na wona mahlo ya yena a ma xurhi rifuwo. Xana ndzi tikarhatela mani, ndzi tsona moya wa mina ku kateka hikwalaho ka mani? Xolexo, na xona, i vuhava, i mhaka leyi nga humeseriki nchumu.

Swivuriso 11:4

Rifuwo a ri pfuni nchumu esikwini ra vukari, Kambe ku lulama ku lwela munhu eku feni.

Swivuriso 1:32

Hikuva ku hambuka ka varivali ka va dlaya, Kutani ku tsaka ka varihuhe ka va lovisa.

Swivuriso 1:19

Hi yona mhaka ya hinkwavo lava tinyiketaka rifuwo, Hikuva ri khoma moya wa lava ri fuwaka.

Genesa 14:16

Kutani a vuyisa swifuwo hinkwaswo; a vuyisa na Lota makwavo, ni swa yena, ni vavasati ni tiko.

Luka 19:8

Kwalaho Zakiya a yima, a ku eka Hosi: “Vona, Hosi, ndzi avanyisela swisiwana rifuwo ra mina hi le xikarhi; loko ndzi dyile xilo xa munhu ndzi n'wi tlherisela ka mune.”

Esaya 2:20

Esikwini rero, vanhu va ta cukumeta swikwembu swa nsuku ni swa silivhere leswi va tiendleleke swona ku swi gandzela eka makondlo ni vamangadyani,

Genesa 19:26

Nsati wa Lota a languta ndzhaku, kutani a hundzuka tshuka ra munyu.

Ntirho 20:20

“Hikuva a nga tivanga ku kolwa embilwini ya yena, U ta hluleka ku tiponisa hi leswi a swi rhandzisisaka.

Eklesiasta 5:14

Rifuwo rero ri onhiwa hi khombo rin'wana; kakuloko a velekile n'wana ku nga ha sali nchumu evokweni ra yena.

Swivuriso 23:4

U nga tikarhati ku hlengeleta rifuwo, Tshika ku anakanya rona.

Swivuriso 27:24

Hikuva ndzalo a hi ya malembe hinkwawo, Ni harhi ya vuhosi a yi tshami hi masiku.