Eklesiasta 5:11 - Xitsonga (Bibele)

¹¹ Loko xuma xi andza, na vona lava xi dyaka va andza, loko swi ri tano, n'wini wa xona u fuwa yini ha xona loko ku nga ri ku xi languta hi mahlo ntsena?

BIBELE Mahungu Lamanene

¹¹ Loko munhu a kuma swo tala, ku andza ni vadyi va swona. Xana n'wini wa swona ú vuyela ha yini, loko ku nga ri ku swi languta swi ri karhi swi nyamalala.

Eklesiasta 5:11 Referans Kwoze

1 Yohane 2:16

Hikuva hinkwaswo swa la emisaveni, ku navela ka nyama, ni ku navela ka mahlo ni ku tidzunisa ka vutomi, a swi humi eka Tatana, kambe swi huma emisaveni.

Habakuku 2:13

Vonani, xana a hi mhaka leyi pfaka eka Yehovha wa tinyimpi loko matiko ma tikarhatela lexi nga ta hisiwa hi ndzilo, kutani tinxaka ti humesela matimba ya tona swahava?

Swivuriso 23:5

U swi langutela yini leswi hundzaka? Rifuwo ri ta mila timpapa, Ri haha ehenhla kukotisa gama.

Eklesiasta 6:9

Lexi voniwaka hi mahlo xi sasekile, ku ri ni lexi anakanyiwaka hi mbilu. Xolexo, na xona, i vuhava, ni ku landza mheho.

Eklesiasta 11:9

Jaha, tsakela vuntshwa bya wena, mbilu ya wena yi ku tsakisa hi masiku ya vuntshwa bya wena, u famba hi ku rhandza ka mbilu ya wena, ni ku languta ka mahlo ya wena;

Genesa 13:2

Abrama a a fuwe ngopfu swifuwo, ni mali yo basa, ni ya nsuku.

Genesa 12:16

Kutani Abrama a rhurheriwa swinene hikwalaho ka nsati wa yena, a kuma swifuwo leswitsongo ni leswikulu, ni timbhongolo, ni makhumbi ya xinuna ni ya xisati, ni matswele ya timbhongolo, ni tikamela.

Yeremiya 17:11

Loyi a hlengeletaka rifuwo hi mukhuva lowu nga lulamangiki, i n'hwari leyi fukamelaka leswi nga tshikeriwangiki hi yona; exikarhi ka masiku ya yena u ta swi tshika, kutani eku heleni ka yena, u ta va xihunguki.

Eklesiasta 2:9

Ndzi va munhu lonkulu, la fuweke ku tlula mani na mani la ngi a ri kona eYerusalema eku sunguleni, kambe, na byona vutlhari bya mina byi yima na mina.

Eklesiasta 5:12

Vurhongo bya munhu la tirhaka bya nandziha, hambi a dya ngopfu, hambi a dya switsanana; kambe ku xurha ka mufuwi a ku n'wi nyiki vurhongo.