Eklesiasta 4:8 - Xitsonga (Bibele)

⁸ I munhu la tshameke a ri swakwe, a nga riki na wa vumbirhi, la pfumalaka n'wana kumbe makwavo; hambiswiritano, ntirho wa yena a wu na makumu, na wona mahlo ya yena a ma xurhi rifuwo. Xana ndzi tikarhatela mani, ndzi tsona moya wa mina ku kateka hikwalaho ka mani? Xolexo, na xona, i vuhava, i mhaka leyi nga humeseriki nchumu.

BIBELE Mahungu Lamanene

⁸ Munhu la tshamaka a ri yexe, la pfumalaka n'wana kumbe makwavo, a nga tshiki ku tirha a dzuka nyuku, hikuva a nga kolwi hi rifuwo ra yena. Ú rivala ku tivutisa, a ku: “Xana ndzi tikarhatela mani, ndzi titsonela yini leswo nandziha, xana?” Na swona sweswo, a swi pfuni nchumu, i ku tikarhatela mahala ntsena.

Eklesiasta 4:8 Referans Kwoze

1 Yohane 2:16

Hikuva hinkwaswo swa la emisaveni, ku navela ka nyama, ni ku navela ka mahlo ni ku tidzunisa ka vutomi, a swi humi eka Tatana, kambe swi huma emisaveni.

Swivuriso 27:20

Xivandla xa vafi ni tihele a swi xurhi, Mahlo ya munhu, na wona, a ma xurhi.

Luka 12:20

Kambe Xikwembu xi ku eka yena: ‘Wee xihunguki! Hi vusiku byebyi, moya wa wena wu ta tekiwa ka wena; kutani swilo leswo u swi lunghiseke, swi ta va swa mani xana?’

Eklesiasta 1:8

Swilo hinkwaswo swa karhateka ku tlula hilaha munhu a nga vulaka hakona: tihlo a ri kolwi hi ku vona, kumbe ndleve a yi tali hi ku yingisa.

Matewu 11:28

“Tanani eka mina n'wina hinkwenu lava karheleke, ni lava tikeriwaka, ndzi ta mi wisisa.

Eklesiasta 1:13

Ndzi nyiketile mbilu ya mina ku lava ni ku lavisisa hi vutlhari swilo hinkwaswo leswi endliwaka ehansi ka tilo; i ntirho lowu vavisaka lowu Xikwembu xi wu nyikeke vana va vanhu leswaku va karhateka ha wona.

Esaya 5:8

Va ni khombo lava engetelaka tindlu eka tindlu, lava hlanganisaka masimu hi masimu, mpfhuka wu ko wu hela, mi va n'wina mi ri swenu vini va tiko!

Eklesiasta 5:10

La rhandzaka mali, a nga ka a nga kolwi hi mali; la rhandzaka ku hanya hi ndzalo, na yena, a nga ka a nga kolwi ha yona. Na swona i vuhava.

Pisalema 39:6

Kunene munhu wa fambafamba kukotisa ndzhuti, Va endla nkitsikitsi ku kuma swahava; U hlengeleta rifuwo, kambe a nga tivi la nga ta dya rona.

Genesa 2:18

Kutani Yehovha Xikwembu a ku: “A swi sasekanga loko munhu a tshama a ri swakwe, ndzi ta n'wi endlela nakulobye la fanaka na yena.”

Esaya 55:2

Xana mi xavela yini hi mali, leswi swi nga riki vuswa xana? Xana mi tirhela yini, leswi nga xurhisiki xana? Ndzi yingiseni, mi ta dya leswo nandziha; mimoya ya n'wina yi ta titsakela endzalweni.

Eklesiasta 2:23

Hikuva masiku hinkwawo ya yena, hi lama nga ni mahlomulo, kutani ntirho hinkwawo wa yena hi lowu nga ni tingana; hambi byi ri vusiku, mbilu ya yena a yi kumi ku wisa. Leswi, na swona, i vuhava.

Eklesiasta 2:21

Hikuva munhu a nga va kona loyi ntirho wa yena wu endliweke hi vutlhari, ni ku tiva, ni bindzu, kasi u ta wu siyela munhu un'wana la nga ka a nga tikarhatelanga wona. Sweswo na swona, i vuhava, i khombo lerikulu.

Eklesiasta 4:7

Ndzi engeta ndzi vona vuhava byin'wana lebyi nga kona ehansi ka dyambu.

Pisalema 39:7

Sweswi, Hosi, ndzi nga langutela yini xana? Ku tshemba ka mina ku le ka wena.

Eklesiasta 5:9

Ku saseka lokukulu ka tiko hileswaku hosi yi va kona leyi tikarhatelaka mitirho ya masimu.