Eklesiasta 3:19 - Xitsonga (Bibele)

¹⁹ Hikuva khombo leri humelelaka vana va vanhu, ri humelela ni swiharhi havambirhi va humeleriwa hi khombo rin'we. Mukhuva lowu munhu a faka ha wona, na xona xiharhi xi fisa sweswo; moya wa hinkwaswo i wun'we, a ku na laha munhu a tlulanaka ni xiharhi, hikuva hinkwaswo i vuhava.

BIBELE Mahungu Lamanene

¹⁹ Vanhu ni swiharhi i swivumbiwa leswi kombiweke ndlela yin'we: Hinkwaswo swa hefemula, naswona hinkwaswo swa fa. Vanhu a va tluli swiharhi ha nchumu. Hakunene ku hava lexi pfunaka.

Eklesiasta 3:19 Referans Kwoze

Pisalema 49:12

Hambiswiritano, munhu la nga eku vonakaleni a nga tiyi, U fana ni swiharhi leswi faka.

Pisalema 49:20

Munhu la nga eku vonakaleni, kambe a nga ri na ku twisisa, U fana ni swiharhi leswi faka.

Eklesiasta 2:16

Swi tano, lowo tlhariha ni xihunguki, havambirhi va nga ka va nga tsundzukiwi hilaha ku nga heriki, hikuva emikarhini leyi nga ta ta, hinkwaswo swi ta rivariwa ngopfu; lowo tlhariha wa fa kukotisa xihunguki.

Eklesiasta 2:14

Mahlo ya munhu lowo tlhariha ma le nhlokweni ya yena, kasi xihunguki xi famba emunyameni hambiswiritano ndzi tsundzukile leswaku va humeleriwa havambirhi hi khombo leri fananaka.

Pisalema 104:29

Kungakuloko u fihla mombo wa wena swa tsandzeka; Loko u swi tekela ku hefemula, swa hela, Kutani swi tlhelela entshurini.

2 SAMIELE 14:14

Hikuva hi ta fa kunene, hi fana ni mati lama halatiweke hansi, lama nga hlayisiwiki; Xikwembu a xi teki vutomi bya munhu, kambe xi ehleketa leswaku la hlongoriweke a nga ha tshuki a tshama ekule na xona.

Tinhlayo 16:29

Kungakuloko vanhu lava va fa hi rifu ra munhu un'wana ni un'wana, ni loko va humeleriwa hi leswi humelelaka eka vanhu hinkwavo, a hi Yehovha la ndzi rhumeke.

Eklesiasta 7:2

Swi sasekile ku ya endlwini ya swirilo, ku tlula ku ya endlwini ya mikhuvo; hikuva kona hilaha ku helaka munhu wihi ni wihi, kutani munhu la hanyaka u ehleketa hakona.

Eklesiasta 9:2

Hinkwavo va humeleriwa hi leswi fananaka: khombo ri ri rin'we ri tumbulukela la lulameke ni lowo biha, lonene, la tengeke, ni wa thyaka, la gandzelaka, ni la nga gandzeriki. Lonene u kotisa mudyohi, la rhuketelaka u fana ni la chavaka ku rhuketela.

Eklesiasta 9:12

Hikuva munhu a nga tivi nkarhi wa yena, kukota tinhlampfi leti phasiwaka hi rikoka, ni tinyanyana leti phasiwaka hi mitlhamu; vana va vanhu va phasisiwa sweswo na vona, hi nkarhi wa khombo, loko ri va wela hi xipuku.

Pisalema 49:13

Hi yona ndlela ya vona ni vuhunguki bya vona, Ni lava va landzaka va tsakela marito ya vona.

Eklesiasta 1:14

Ndzi vonile mitirho hinkwayo leyi endliwaka ehansi ka dyambu, kutani, vonani, hinkwaswo i vuhava, ni ku karhateka ka moya.

Eklesiasta 1:17

Kambe, kuteloko ndzi nyiketile mbilu ya mina ku tiva vutlhari, ni ku tiva vuphukuphuku ni vuhunguki, ndzi vonile leswaku na swona i ku landza mheho.