Eklesiasta 3:16 - Xitsonga (Bibele)

¹⁶ Ndzi engeta kambe ndzi vona ehansi ka dyambu leswaku ku homboloka a ku ri kona endhawini ya ku avanyisa ni ku homboloka a ku ri kona endhawini ya ku lulama.

BIBELE Mahungu Lamanene

¹⁶ Emisaveni, ndzi vonile na leswi: Etihubyeni, nawu a wu landzeleriwi; laha ku lavekaka leswo lulama, ku tele leswo biha.

Eklesiasta 3:16 Referans Kwoze

Eklesiasta 4:1

Ndzi engeta kambe ndzi tsundzuka maxangu hinkwawo lama humelelaka ehansi ka dyambu, ndzi vona mihloti ya lava xanisiwaka, kambe ku nga ri na loyi a va miyetaka. Tlhelo ra vaxanisi va vona, ndzi vona ku nonon'hwa, kambe ku nga ri na mumiyeti wa vona.

Eklesiasta 5:8

Loko u nga vona etikweni rin'wana xisiwana xi xanisiwa, ni ku lulama ni ku avanyisa loko swi hombolokisiwa, u nga tshuki u hlamala ha swona, hikuva la tlakukeke ehenhla ka un'wana la tlakukeke u kona la langutelaka, ni Muungameri u kona la nga ehenhla ka vona.

Timhaka 23:3

Kambe Pawulo a ku eka yena: “Xikwembu xi ta ku ba, khumbi leri basisiweke, hikuva u tshamele ku ndzi avanyisa hi nawu, kasi u tlula nawu hi ku lerisa leswaku ndzi biwa.”

Yakobo 2:6

Kasi n'wina mi sola xisiwana! Xana a hi vafuwi lava mi xanisaka; kutani a hi vona lava mi kokelaka etihubyeni xana?

Matewu 26:59

Kutani vaprista lavakulu, ni huvo hinkwayo ya Sanedri va lava vumbhoni bya mavunwa ehenhla ka Yesu leswaku va ta n'wi dlaya;

Sofoniya 3:3

Tihosi ta wona, i tinghala leti dzumadzumaka exikarhi ka wona; vaavanyisi va wona, i timhisi ta madyambu leti nga hlayiseriki nchumu swa mundzuku.

Mikiya 7:3

Va nghenile ha mavoko mambirhi eku biheni, leswaku va ku hetisa: Hosi ya kombela, muavanyisi wa avanyisa ku kuma hakelo, lonkulukumba, yena, u vulavula ku anakanya loku biha ka moya wa yena, va pfilunganya timhaka.

Mikiya 2:2

Va rhandza ku titekela masimu ni tindlu; kutani va pfukela wanuna ni yindlu ya yena, ni munhu la nga ni ndzhaka ya yena.

Esaya 59:14

Kutani ku pona ku tlherile, ni ku hlayiseka ku titshamele kule na hina, hikuva ntiyiso wu wile ehubyeni ku lulama ku nga ka ku nga tshineri kona.

Eklesiasta 8:9

Ndzi swi vonile hinkwaswo swoleswo loko ndzi ri karhi ndzi anakanya mitirho hinkwayo leyi endliwaka ehansi ka dyambu, ni laha vanhu va fumaka ehenhla ka van'wana ku va endla swo biha.

Eklesiasta 5:7

Hikuva kukotisa loko milorho leyo tala swi ri swahava, swi tano ni ka marito layo tala. Loko swi ri tano, chava Xikwembu.