Eklesiasta 3:1 - Xitsonga (Bibele)

¹ Xilo xin'wana ni xin'wana xi ni nkarhi wa xona, kutani nkarhi wu kona wa hinkwaswo leswi endliwaka ehansi ka tilo.

BIBELE Mahungu Lamanene

¹ Laha misaveni, mintirho hinkwayo yi vekeriwe tinguva ta yona, hinkwaswo swi endleka hi nkarhi wa swona.

Eklesiasta 3:1 Referans Kwoze

Eklesiasta 3:17

Ndzi ku embilwini ya mina: Xikwembu xi ta avanyisela la lulameke ni lowo biha, hikuva hinkwaswo leswi endliwaka, ni mitirho hinkwayo swi vekeriwe nkarhi wa kona.

Matewu 16:3

kutani nimixo mi ri: ‘Ri ta pfuma hikuva tilo ri tshwukile, ri endle ntima.’ Vakanganyisi, mi tiva swinene ku hundzuka ka nghohe ya tilo, kasi mi tsandzeka ha yini ku tsundzuka swikombiso swa mikarhi leyi xana?

Eklesiasta 7:14

Hi siku ra ku kateka, tsaka, kambe hi siku ra khombo anakanya. Xikwembu lexi endleke un'wana ni un'wana leswaku munhu a nga tshuki a tiva nchumu wa leswi nga ta n'wi humelela endzhaku.

2 TIHOSI 5:26

Kambe Elixa a ku eka yena: “Xana moya wa mina a wu yanga kona loko munhu loyi a xika egolonyini ya yena ku ta hlangana na wena xana? Xana hi nkarhi wa ku teka mali, ni tinguvu ni mitlhwari, ni tivhinya, ni swifuwo leswitsongo ni leswikulu, ni malandza ya xinuna ni ya xisati xana?

Swivuriso 15:23

Munhu u kuma ku tsaka hi ku hlamula ka nomu wa yena, Kutani rito leri humesiwaka hi nkarhi lowu fanekelaka ra nandziha swonghasi!

Eklesiasta 2:3

Kutani ndzi anakanya embilwini ya mina ku nyiketa nyama ya mina evhinyeni, mbilu ya mina yi ri karhi yi ri ni ku tlhariha; yi namarhela vuphukuphuku, ndzi ko ndzi vona leswi lulamelaka vana va vanhu ku swi endla ehansi ka matilo, emasikwini ya ku hanya ka vona.

Eklesiasta 2:17

Kutani ndzi venga vutomi, hi ku karhatiwa hi mitirho hinkwayo leyi endliwaka ehansi ka dyambu; kunene hinkwaswo i vuhava, ni ku landza mheho.

2 TIKRONIKA 33:12

Kuteloko a ri ekhombyeni, a khongela emahlweni ka Yehovha, Xikwembu xa yena, a titsongahata ngopfu emahlweni ka Xikwembu xa vatata wa yena.

Eklesiasta 1:13

Ndzi nyiketile mbilu ya mina ku lava ni ku lavisisa hi vutlhari swilo hinkwaswo leswi endliwaka ehansi ka tilo; i ntirho lowu vavisaka lowu Xikwembu xi wu nyikeke vana va vanhu leswaku va karhateka ha wona.

Swivuriso 24:27

Sasa mitirho ya wena ehandle, U lunghisa ni nsimu ya wena, U ta tiva ni ku aka yindlu ya wena.

Yeremiya 46:17

Kwalaho va huwelela, va ku: ‘Faro, Hosi ya Egipta u wile; nkarhi wa yena wu herile.’