Eklesiasta 2:8 - Xitsonga (Bibele)

⁸ Ndzi tihlengeletela silivhere ni nsuku, ni xuma xa tihosi ni xa matiko; ndzi tilavela swiyimbeleri swa vavanuna ni swa vavasati, ndzi titsakela hi mukhuva wa vana va vanhu, va nga vasati lavo tala.

BIBELE Mahungu Lamanene

⁸ Naswona ndzi tihlengeletele nsuku ni silivhere ni swilo hinkwaswo swa nkoka swo huma eka tihosi ni matiko ya tona. Ndzi tikumele vayimbeleri va xinuna ni va xisati, ndzi tikhorwisa hi ku teka vasati lavo tala.

Eklesiasta 2:8 Referans Kwoze

1 TIHOSI 10:10

Kutani a nyika hosi titalenta ta nsuku ta dzana ni makume mambirhi, ni mirhi ya risuna leyi teleke ngopfu, ni maribye ya risima. A ku fikanga ni siku ni rin'we mirhi ya risuna leyi teleke ku fana ni leyi hosi ya wansati ya Xeba yi yi nyikeke hosi Solomoni.

1 TIHOSI 9:28

Kutani va ya eOfiri, va ya teka kona nsuku, ti ri titalenta ta 420, leti va ti yisaka eka hosi Solomoni.

2 SAMIELE 19:35

Namuntlha ndzi ni malembe ya ntlhanu wa makume, na makume manharhu; ndza ha ta swi kota ku tiva leswo nandziha ni leswo biha xana? Xana nandza wa wena u ta swi kota ku twa ku nandziha ka leswi a nga ta swi dya ni ka leswi a nga ta swi nwa? Kumbe ndzi ta twa marito ya vayimbeleri va vavanuna ni va vavasati xana? Nandza wa wena a nga ta tikela yini kambe hosi, n'wini wanga xana?

1 TIHOSI 10:14

Ku tika ka nsuku lowu fikeleke Solomoni hi lembe rin'wana ni rin'wana, a ti ri titalenta ta 666 ta nsuku,

Amosi 6:5

Va ri karhi va yimbelela tinsimu ta swahava hi mpfumawulo wa magupu; va tisungulela swo yimbelela ha swona kukota Davhida,

Daniele 3:15

Sweswi, loko mi tilunghisile, hi nkarhi lowu mi yingisaka mpfumawulo wa mhalamhala, ni wa xitiringo, ni wa ritaninga, ni wa haripa, ni wa psalteri, ni wa gupu, ni wa leswi yimbiwaka hinkwaswo, mi khinsama, mi gandzela xifaniso lexi ndzi xi endleke: Loko swi nga ri tano loko mi nga gandzeli, mi ta hoxiwa hi nomu lowu, ekheleni ra ndzilo lowo leva. Kutani xikwembu hi xihi lexi nga ta mi ponisa emavokweni ya mina xana?”

Daniele 3:7

Hi laha-ke, kuteloko va matiko hinkwawo va yingisa mpfumawulo wa mhalamhala, ni wa xitiringo, ni wa ritaninga ni wa haripa, ni wa psalteri, ni wa tinxaka hinkwato ta swa ku yimba, va matiko, ni swivongo, ni tindzimi, hinkwavo va khinsama, va gandzela xifaniso xa nsuku Lexi yimisiweke hi hosi Nebukadnetsara.

Daniele 3:5

hi nkarhi lowu mi nga ta yingisa mpfumawulo wa mhalamhala, ni wa xitiringo, ni wa ritaninga, ni wa haripa, ni wa psalteri, ni wa gupu, ni wa tinxaka hinkwato ta swa ku yimba, mi ta khinsama, mi gandzela xifaniso xa nsuku lexi yimisiweke hi hosi Nebukadnetsara.

Ezra 2:65

ehandle ka malandza ya vona, ya xinuna ni ya xisati, va endla 7 377, va 200 eka vona a swi ri swiyimbeleri swa vavanuna ni swa vavasati.

2 TIKRONIKA 9:11

Hosi yi endlela yindlu ya Yehovha ni yindlu ya hosi swibiyelo hi murhi wa sandal, ni tiharipa, ni magubu ya swiyimbeleri. A va vonanga, ni siku ni rin'we, murhi lowotano etikweni ra Yuda.

1 TIKRONIKA 25:6

Hinkwavo lava a va ri ehansi ka tata wa vona ku yimbelela endlwini ya Yehovha; a va ri ni swiphambati ni magubu, ni tiharipa, swi ri swa ntirho wa yindlu ya Xikwembu. Asafa, na Yedutuni, na Hemani, a va lerisiwa hi hosi.

1 TIKRONIKA 25:1

Davhida ni tindhuna ta nyimpi va hlawulela ntirho vana va Asafa ni va Hemani, ni va Yedutuni lava yimbelelaka, va tipfuna hi tiharipa, ni magubu, ni swiphambati. Hi wona ntsengo wa lava vekeriweke ntirho lowu:

1 TIHOSI 14:27

Rhobuwamu a endla ematshan'weni ya swona switlhangu swa koporo, a swi veka emavokweni ya tindhuna ta vatsutsumi leti hlayisaka nyangwa ya yindlu ya hosi.

1 TIHOSI 10:21

Swinwelo hinkwaswo swa hosi Solomoni a swi ri swa nsuku, ni swibya hinkwaswo swa yindlu ya xihlahla xa Lebanoni, a swi ri swa nsuku lowo saseka. A ku vanga na swibya swin'we swa silivhere. Emasikwini ya Solomoni a ku vuriwanga nchumu hi silivhere.

1 TIHOSI 9:14

Hiramu a a rhumele hosi titalenta ta nsuku ta dzana ni makume mambirhi.

1 TIHOSI 11:3

A teka vasati va 700, va ri vana va tihosi, ni tinhlantswa ta 300; kutani vasati va yena va hambukisa mbilu ya yena.

Eklesiasta 1:2

Vuhava bya swahava, ku vula mudyondzisi, vuhava bya swahava, hinkwaswo i vuhava.