Eklesiasta 2:17 - Xitsonga (Bibele)

¹⁷ Kutani ndzi venga vutomi, hi ku karhatiwa hi mitirho hinkwayo leyi endliwaka ehansi ka dyambu; kunene hinkwaswo i vuhava, ni ku landza mheho.

BIBELE Mahungu Lamanene

¹⁷ Hiloko ndzi sungula ku venga vutomi hi byoxe, hikuva leswi humelelaka laha misaveni a swi ndzi nyiki ku rhula. Hakunene ku hava lexi pfunaka, ko va ku hlongorisa moya ntsena.

Eklesiasta 2:17 Referans Kwoze

Eklesiasta 2:11

Kambe kuteloko ndzi langutisisa mitirho hinkwayo leyi mavoko ya mina ma yi endleke, ndzi hlaya ku karhateka loku ndzi tikarhateke hakona loko ndzi yi tirha, kutani ndzi vona leswaku hinkwaswo i vuhava ni ku landza mheho, a ri kona bindzu ehansi ka dyambu.

Yonasi 4:8

Kutani kakuloko dyambu ri huma, Xikwembu xi hungisa mheho leyo hisa ya vuxa, dyambu ri va ri hisa nhloko ya Yonasi, kutani Yonasi a titivala, a kombela ku fa, a ku: “Eka mina, ku hanya ku tlula hi ku fa!”

Eklesiasta 4:2

Ndzi va ndzi ku: “Vafi lava feke khale va katekile ku tlula vahanyi, lava nga karhi va hanyaka.”

Habakuku 1:3

U ndzi kombisela yini ku homboloka, kutani u langutela yini ku xanisa? Ku onhaka ni ku nonon'hwa swi le mahlweni ka mina; ka holoviwa, ku va ku pfuka ni ku hambana.

Yonasi 4:3

Kutani sweswi, wee Yehovha, ndzi tekele vutomi bya mina hikuva eka mina ku hanya, ku tlula hi ku fa!”

Ezekiele 3:14

Moya wu ndzi tlakula, wu ndzi susa, kutani ndzi tifambela hi ku vaviseka ni ku kariha; kambe voko ra Yehovha a ri tirha ehenhla ka mina hi matimba.

Eklesiasta 6:9

Lexi voniwaka hi mahlo xi sasekile, ku ri ni lexi anakanyiwaka hi mbilu. Xolexo, na xona, i vuhava, ni ku landza mheho.

Eklesiasta 3:16

Ndzi engeta kambe ndzi vona ehansi ka dyambu leswaku ku homboloka a ku ri kona endhawini ya ku avanyisa ni ku homboloka a ku ri kona endhawini ya ku lulama.

Eklesiasta 2:22

Loko swi ri tano, munhu u kuma yini hi ku karhateka hinkwako ka yena, ni ku chivirika ka mbilu ya yena loku a tikarhataka hakona ehansi ka dyambu?

Eklesiasta 1:14

Ndzi vonile mitirho hinkwayo leyi endliwaka ehansi ka dyambu, kutani, vonani, hinkwaswo i vuhava, ni ku karhateka ka moya.

Pisalema 89:47

Anakanya vutomi bya mina, leswaku byi komile, Ni leswaku u endlele swahava vana hinkwavo va vanhu.

Ntirho 14:13

Yo! Loko ngi u ndzi fihlile exivandleni xa vafi, U ndzi pfalela hi nkarhi, vukari bya wena byi ko byi hundza, U ndzi vekela siku leri u nga ta ndzi anakanya ha rona.

1 TIHOSI 19:4

loko a ri yena, a famba mananga siku hinkwaro, kutani a ya tshamisa ehansi ka ximudyana, a kombela ku fa, a ku: “Swi ringene! Sweswi Yehovha, teka moya wa mina, hikuva a ndzi tluri vatatana hi vunene!”

Tinhlayo 11:15

Loko u ndzi endlisa sweswo, ndzi dlaye, ndza khongela, loko u ndzi twela vusiwana, ndzi dlaye, ndzi nga tshuki ndzi vona khombo ra mina.”

Eklesiasta 1:17

Kambe, kuteloko ndzi nyiketile mbilu ya mina ku tiva vutlhari, ni ku tiva vuphukuphuku ni vuhunguki, ndzi vonile leswaku na swona i ku landza mheho.

Eklesiasta 4:3

Kutani ndzi ku: “La katekeke ngopfu ku tlula hinkwavo, hi loyi a nga siki vaka kona, la nga siki vonaka ku endla ku biha loku endliwaka ehansi ka dyambu.”