Eklesiasta 2:16 - Xitsonga (Bibele)

¹⁶ Swi tano, lowo tlhariha ni xihunguki, havambirhi va nga ka va nga tsundzukiwi hilaha ku nga heriki, hikuva emikarhini leyi nga ta ta, hinkwaswo swi ta rivariwa ngopfu; lowo tlhariha wa fa kukotisa xihunguki.

BIBELE Mahungu Lamanene

¹⁶ Ntlhari ni xiphunta a va hambananga, va fa hi ndlela yin'we; eminkarhini leyi taka, va nga ka va nga ha tsundzukiwi, hinkwavo va ta hatla va rivariwa.

Eklesiasta 2:16 Referans Kwoze

Eklesiasta 1:11

Lexi ngi xi ri kona khale, a xi tsundzukiwi, hambi xi ri lexi nga ta ta endzhaku; lava nga ta ta endzhaku, va nga ka va nga xi tsundzuki.

Eklesiasta 9:5

Hikuva lava hanyaka va swi tiva leswaku va ta fa, kambe vafi a va tivi nchumu, kambe va nga ka va nga ha vi na hakelo emisaveni, hikuva ku tsundzuxiwa ka vona ku rivariwile.

Pisalema 88:12

Xana masingita ya wena ma tiviwa le munyameni, Ni ku lulama ka wena le misaveni yo rivaleka vana?

Eksoda 1:8

Kambe ku humelela eEgipta hosi leyintshwa, leyi nga tivangiki Yosefa.

Vaheveru 9:27

Kutani kukotisa loko ku lerisiwe leswaku vanhu hinkwavo va fa kan'we, endzhaku ka swona ku va ku avanyisiwa;

Malakiya 3:16

Kwalaho lava chavaka Yehovha va vulavula kun'we, un'wana ni makwavo, kutani Yehovha a rhiya ndleve, a yingisela; buku ya xitsundzuxo yi tsariwa emahlweni ka yena, yi tsaleriwa lava chavaka Yehovha ni lava tsundzukaka vito ra yena.

Eklesiasta 6:8

Xana lowo tlhariha u tlula xihunguki ha yini? Kumbe xisiwana lexi tivaka ku tifambela emahlweni ka lava hanyaka, xi fuwa yini?

Eklesiasta 2:14

Mahlo ya munhu lowo tlhariha ma le nhlokweni ya yena, kasi xihunguki xi famba emunyameni hambiswiritano ndzi tsundzukile leswaku va humeleriwa havambirhi hi khombo leri fananaka.

Pisalema 103:16

Hikuva moya wu hundza ehenhla ka xona, Kutani a xa ha ri kona, ni ndhawu ya xona a ya ha xi tivi.

Pisalema 49:10

Kambe va ta ri vona: lavo tlhariha va fa, Na swona swihunguki ni swiphukuphuku swi fa na swona, Va siyela van'wana rifuwo ra vona.

2 SAMIELE 3:33

Hosi yi endla risimu ra swirilo hikwalaho ka Abinere, yi ku: “Xana Abinere u fise ku yini Kukotisa munhu wa hava?

Eksoda 1:6

Kutani Yosefa a fa ni vamakwavo hinkwavo, ni ntangha yoleyo hinkwayo.

Eklesiasta 2:15

Kutani ndzi va ndzi ku embilwini ya mina: “Khombo leri humeleleke xihunguki, na mina, ri ta ndzi humelela; loko swi ri tano, swi ndzi pfuna yini ku n'wi tlula hi ku tlhariha-ke?” Ndzi va ndzi ku embilwini ya mina: “Leswi, na swona, i vuhava.”

Eklesiasta 7:2

Swi sasekile ku ya endlwini ya swirilo, ku tlula ku ya endlwini ya mikhuvo; hikuva kona hilaha ku helaka munhu wihi ni wihi, kutani munhu la hanyaka u ehleketa hakona.

Eklesiasta 8:10

Ndzi vona lavo homboloka loko va lahliwa kasi lava endlaka swinene va tshikiwa va ya ekule ni tindhawu leti kwetsimaka, va rivariwa hi va le kaya. Swoleswo, na swona, i swahava.

Eklesiasta 9:15

A ku ri ni munhu kona wa xisiwana la tlhariheke, hi yena la poniseke muti hi vutlhari bya yena; hambiswiritano, munhu yeloyi wa xisiwana a nga anakanyiwanga hi munhu.

Swivuriso 14:8

Vutlhari bya la tlhariheke, i ku twisisa ndlela ya yena, Kambe vuhunguki bya xihunguki ku xisa ntsena.