Eklesiasta 12:14 - Xitsonga (Bibele)

¹⁴ hikuva Xikwembu xa ha ta yisa mitirho hinkwayo eku avanyiseni ni leswi fihliweke hinkwaswo, hambi swi ri leswo biha, hambi swi ri leswo saseka.

BIBELE Mahungu Lamanene

¹⁴ Xikwembu xi ta kambela ntirho wun'wana ni wun'wana, hambi wu ri lowu endliweke exihundleni, ku vona loko wu ri lowunene kumbe lowo biha.

Eklesiasta 12:14 Referans Kwoze

2 Vakorinto 5:10

Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.

Varhoma 2:16

swi ta humelela hi siku leri Xikwembu xi nga ta avanyisa leswi fihliweke swa vanhu ha Yesu Kriste, hilaha Evhangeli ya mina yi vulaka hakona.

Matewu 12:36

Hikwalaho ndzi ri eka n'wina: Hi siku ra ku avanyisa, vanhu va ta hlamulela ku vulavula kun'wana ni kun'wana ka vuhava lebyi va byi vuleke;

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

Matewu 10:26

Mi nga tshuki mi va chava, hikuva a ku na nchumu xa lexi pfariweke lexi nga tiki pfuriwa, kutani a ku na nchumu exihundleni lexi nga tiki tiviwa.

Yohane 5:29

lava endleke swinene va ta pfuka ku ya evutomini, lava endleke leswo biha va ta pfukela ku avanyisiwa.

Eklesiasta 11:9

Jaha, tsakela vuntshwa bya wena, mbilu ya wena yi ku tsakisa hi masiku ya vuntshwa bya wena, u famba hi ku rhandza ka mbilu ya wena, ni ku languta ka mahlo ya wena;

Eklesiasta 3:17

Ndzi ku embilwini ya mina: Xikwembu xi ta avanyisela la lulameke ni lowo biha, hikuva hinkwaswo leswi endliwaka, ni mitirho hinkwayo swi vekeriwe nkarhi wa kona.

Pisalema 96:13

Emahlweni ka Yehovha! Hikuva wa ta, Wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Ntirho 19:29

Tichaviseni fumu, Hikuva vumbabva i xidyoho lexi lulameleke hi fumu! Mi ta twa leswaku ku avanyisa ku kona.”

Pisalema 90:8

U vekile emahlweni ka wena swivi swa hina, Ni ku dyoha ka hina loku fihliweke ku le ku vonakaleni ka mombo wa wena.

Pisalema 50:21

Hi lexi u xi endleke, kutani mina ndzi miyerile. U ringanise leswaku a ndzi fana na wena. Kambe ndzi ta ku laya sweswi, ndzi ta humesa hinkwaswo emahlweni ka wena.