Eklesiasta 12:13 - Xitsonga (Bibele)

¹³ A hi yingiseni makumu ya timhaka hinkwato: Chava Xikwembu, u hlayisa milawu ya xona, hikuva hi yona mfanelo hinkwayo ya munhu;

BIBELE Mahungu Lamanene

¹³ Eka hinkwaswo leswi u swi tweke, rito ro hetelela hi leri: Chava Xikwembu, u hlayisa milawu ya xona, hikuva sweswo i fanelo ya munhu un'wana ni un'wana.

Eklesiasta 12:13 Referans Kwoze

Duteronoma 10:12

“Kutani sweswi, Israele, Yehovha Xikwembu xa wena, a lava yini eka wena-ke? A hileswaku u chava Yehovha, Xikwembu xa wena, u famba etindleleni hinkwato ta yena, u n'wi rhandza, u tirhela Yehovha, Xikwembu xa wena, hi mbilu hinkwayo ya wena, ni moya hinkwawo wa wena;

Mikiya 6:8

Wena munhu u tivisiwile leswi lulameke, ni leswi Yehovha a swi lavaka eka wena; hileswaku u endla leswi lulameke, u rhandza tintswalo, ni ku famba hi ku titsongahata emahlweni ka Xikwembu xa wena.

Duteronoma 6:2

u ta chava Yehovha, Xikwembu xa wena, u ri karhi u hlayisa milawu hinkwayo ya xona, ni ku lerisa hinkwako ka xona loku ndzi ku byelaka; u ta swi hlayisa hi masiku hinkwawo ya ku hanyaka wena, u ri wena, ni n'wana wa wena, ni n'wana wa n'wana wa wena, leswaku masiku ya wena ma ta lehisiwa.

Pisalema 111:10

Ku chava Yehovha i ku sungula ka vutlhari; Hinkwavo lava ku hlayisaka va ni ku twisisa lokunene. Ku dzuna ka yena ku tshama hi laha ku nga heriki.

Ntirho 28:28

Kutani xi ku eka munhu: ‘Vona, xichavo xa Hosi, hi byona vutlhari; Ku papalata swo biha, hi kona ku twisisa.’ ”

Pisalema 145:19

U nyika lava n'wi chavaka leswi va swi rhandzaka, U yingisa swirilo swa vona, kutani wa va kutsula.

Eklesiasta 8:12

Kambe, hambi mudyohi a nga endla swo biha eka dzana, a andzeriwa masiku, hambiswiritano, ndza swi tiva leswaku lava chavaka Xikwembu va ta endleriwa leswinene, na vona, lava chavaka emahlweni ka mombo wa xona.

Luka 1:50

Vito ra yena ra kwetsima, ni tintswalo ta yena ti le tinxakeni ta tinxaka eka lava n'wi chavaka.

Swivuriso 19:23

Xichavo xa Yehovha xi yisa evutomini, U ta xurha, a etlela, a nga humeleri hi khombo.

Swivuriso 1:7

Ku chava Yehovha, i masungulo ya vutivi hinkwabyo; Kambe lavo rivala va tsan'wa vutlhari ni dyondzo.

Pisalema 147:11

Yehovha u tsakela lava n'wi chavaka, Lava tshembaka tintswalo ta yena.

Eklesiasta 5:7

Hikuva kukotisa loko milorho leyo tala swi ri swahava, swi tano ni ka marito layo tala. Loko swi ri tano, chava Xikwembu.

Nhlavutelo 19:5

Kutani rito ri huma exiluvelweni, ri ku: “Khensani Xikwembu xa hina, n'wina hinkwenu malandza ya xona, na n'wina lava xi chavaka, lavakulu ni lavatsongo!”

1 Petro 2:17

Mi va ni xichavo eka vanhu hinkwavo; rhandzani vamakwenu; chavani Xikwembu; mi va ni xichavo eka hosi ya tiko.

Swivuriso 23:17

Mbilu ya wena yi nga tsohoki lavo biha, U hlayisa xichavo xa Yehovha hi masiku,

Duteronoma 4:2

Mi nga tshuki mi engetela nchumu eka leswi ndzi mi lerisaka swona, kambe mi nga tshuki mi hunguta nchumu eka swona; mi ta hlayisa milawu ya Yehovha, Xikwembu xa n'wina, leyi ndzi mi lerisaka yona.

Genesa 22:12

Kutani yi ku: “U nga yisi voko ra wena eka n'wana, u nga n'wi endli nchumu; hikuva sweswi, ndza swi tiva leswaku u chava Xikwembu, ni leswaku a u ndzi alelanga n'wanaku, loyi a nga swakwe.”

Eklesiasta 6:12

Hikuva i mani la tivaka leswi nga saseka eka munhu evutomini bya yena, hi masiku ya ku hanya ka yena ka swahava lama hundzaka kukota ndzhuti? Kumbe i mani la byelaka munhu leswi nga ta va kona ehansi ka dyambu, loko a nga ha ri kona?

Eklesiasta 2:3

Kutani ndzi anakanya embilwini ya mina ku nyiketa nyama ya mina evhinyeni, mbilu ya mina yi ri karhi yi ri ni ku tlhariha; yi namarhela vuphukuphuku, ndzi ko ndzi vona leswi lulamelaka vana va vanhu ku swi endla ehansi ka matilo, emasikwini ya ku hanya ka vona.

1 SAMIELE 12:24

Chavani ntsena Yehovha, mi n'wi tirhela hakunene hi timbilu hinkwato ta n'wina, hikuva langutani mitirho leyikulu leyi a yi endleke xikarhi ka n'wina!

Eklesiasta 3:14

Ndza swi tiva leswaku hinkwaswo leswi endliweke hi Xikwembu swi tshama hilaha ku nga heriki; a ku na xilo lexi nga engeteriwaka kona ni lexi nga susiwaka kona; kutani Xikwembu xi endla sweswo leswaku nchavo wu va kona emahlweni ka xona.

Eklesiasta 7:18

Swi sasekile loko u tamela lexi, na rona voko ra wena ri nga tshuki ri fularhela lexiya, hikuva la chavaka Xikwembu u huma emakhombyeni hinkwawo.

Eklesiasta 8:5

“La hlayisaka nawu, a nga tivi mhaka yo biha, ni mbilu ya lowo tlhariha yi tiva mikarhi ni timfanelo.

Duteronoma 4:10

Anakanya siku leri u yimeke ha rona emahlweni ka Yehovha, Xikwembu xa wena, eHorebe, loko Yehovha a te eka mina: ‘Ndzi hlengeletele tiko ndzi ta va yingiserisa marito ya mina, leswaku va dyondza ku ndzi chava masiku hinkwawo lawa va nga ta hanya emisaveni, va ta ma dyondzisa vana va vona.’

Duteronoma 10:20

“U ta chava Yehovha, Xikwembu xa wena, u xi tirhela, u namarhela xona, u va u hlambanya hi vito ra xona.

1 TIHOSI 2:3

Hlayisa milawu ya Yehovha, Xikwembu xa wena, u famba etindleleni ta yena, u hlayisa ku lerisa ka yena, ni milawu ya yena, ni ku avanyisa ka yena, ni vumbhoni bya yena, hilaha ku tsariweke hakona enawini wa Muxe leswaku, u tlhariha eswilweni hinkwaswo leswi u nga ta swi endla, ni hinkwako laha u nga ta hundzukela kona;