Eklesiasta 11:6 - Xitsonga (Bibele)

⁶ Byala mbewu ya wena ka ha ri mixo; mavoko ya wena u nga tshuki u ma nyiketa nkarhi nimadyambu hikuva a ku tivi leswaku ku ta mila yihi, kumbe leyi, kumbe liya, kumbe loko ti ta mila ha timbirhi.

BIBELE Mahungu Lamanene

⁶ Haxa mbewu ka ha ra nimixo, ni loko ri rhengile u nga tshami hi mavoko, hikuva a wu tivi leyi nga ta mila. Ku nga mila leyi kumbe liya, kumbe yi mila hinkwayo.

Eklesiasta 11:6 Referans Kwoze

Esaya 55:10

Ku fana ni mpfula ni gamboko loko swi xika hi le tilweni, a swi tlheleri kona, swi nga si cheleta misava, ni ku mirisa, ni ku hlukisa leswi milaka, swi nga si nyika mbewu eka mubyari, ni swakudya eka loyi a dyaka,

Hosiya 10:12

Mi tibyalela hi ku lulama, mi tshovela hi vunene; mi tirimela vuhalulo lebyintshwa; hikuva i nkarhi wa ku lava Yehovha, a kondza a ta, a mi nisela ku lulama.

2 Vakorinto 9:6

Hikuva mhaka hi leyi: La byalaka kutsongo, u ta tshovela kutsongo; la byalaka ngopfu, u ta tshovela ngopfu, na yena.

2 Timotiya 4:2

Huwelela rito, u phikelela hi nkarhi, ni loko wu nga ri nkarhi; u laya, u tshinya, u khongotela hi ku yingisela hinkwako, ni ku dyondzisa.

Eklesiasta 9:10

Hinkwaswo leswi voko ra wena ri nga swi kumaka ku tirha, swi tirhe hi matimba ya wena hikuva exivandleni xa vafi laha u yaka kona, a ka ha ri na ntirho, hambi makungu, ni ku tiva, hambi vutlhari.

Eklesiasta 9:1

Kunene hinkwaswo leswi, ndzi swi xiyisisile, kutani ndzi swi vona eku vonakaleni leswaku lavo lulama ni lavo tlhariha va le vokweni ra Xikwembu kun'we ni mitirho ya vona; vanhu va nga ka va nga swi tivi leswaku va rhandziwa kumbe va vengiwa; hinkwaswo swi le mahlweni ka vona.

Eklesiasta 11:7

Hakunene ku vonakala ka nandziha, kutani mahlo ma rhandza ku vona dyambu.