Eklesiasta 1:13 - Xitsonga (Bibele)

¹³ Ndzi nyiketile mbilu ya mina ku lava ni ku lavisisa hi vutlhari swilo hinkwaswo leswi endliwaka ehansi ka tilo; i ntirho lowu vavisaka lowu Xikwembu xi wu nyikeke vana va vanhu leswaku va karhateka ha wona.

BIBELE Mahungu Lamanene

¹³ Ndzi tibohile ku tirhisa vutlhari, ndzi lavisisa ni ku kambisisa hinkwaswo leswi endliwaka hi vanhu laha misaveni. Kutani ndzi kumile leswaku mintirho leyi munhu a rhwexiwaka yona hi Xikwembu laha misaveni, ya tika swinene.

Eklesiasta 1:13 Referans Kwoze

Eklesiasta 3:10

Ndzi vonile mitirho leyi Xikwembu xi yi nyikeke vana va vanhu leswaku va tikarhata ha yona.

Genesa 3:19

U ta dya vuswa hi nyuku wa mombo wa wena, u ko u tlhelela emisaveni, hikuva u humesiwile eka yona. Hikuva u ntshuri, u ta tlhelela entshurini.”

Eklesiasta 1:17

Kambe, kuteloko ndzi nyiketile mbilu ya mina ku tiva vutlhari, ni ku tiva vuphukuphuku ni vuhunguki, ndzi vonile leswaku na swona i ku landza mheho.

1 Timotiya 4:15

Anakanya timhaka leti, u va eka tona, leswaku ku ya emahlweni ka wena ku voniwa hi vanhu hinkwavo.

Eklesiasta 12:12

Oho! N'wananga, wa nga tsundzuxiwa hi vona, hikuva a ku na ku hela eku endleni ka tibuku leto tala, kutani ku dyondza ngopfu ku karhata nyama.

Eklesiasta 7:25

Kutani ndzi pfumelelana ni mbilu ya mina ku lava ni ku tiva, ni ku lavisisa vutlhari ni ku tivisisa leswaku ku homboloka i vuhunguki, ni vuphukuphuku i rihuhu.

Eklesiasta 8:9

Ndzi swi vonile hinkwaswo swoleswo loko ndzi ri karhi ndzi anakanya mitirho hinkwayo leyi endliwaka ehansi ka dyambu, ni laha vanhu va fumaka ehenhla ka van'wana ku va endla swo biha.

Eklesiasta 4:4

Kambe ndzi tsundzukile ntirho hinkwawo ni ntirho wihi ni wihi lowu nga ni vutlhari, kutani ndzi vonile leswaku munhu un'wana u ni mona eka un'wana. Na swona i swahava ni ku landza mheho.

Eklesiasta 2:26

Hikuva Xikwembu xi nyika munhu lonene emahlweni ka xona, vutlhari, ni ku tiva, ni ku tsaka, kasi eka mudyohi xi n'wi nyika ntirho lowo tika, ku hlengeleta ni ku vunganyetela leswaku swi ta nyika la nga lonene emahlweni ka Xikwembu. Sweswo, na swona, i vuhava ni ku vaviseka ka moya.

Eklesiasta 2:23

Hikuva masiku hinkwawo ya yena, hi lama nga ni mahlomulo, kutani ntirho hinkwawo wa yena hi lowu nga ni tingana; hambi byi ri vusiku, mbilu ya yena a yi kumi ku wisa. Leswi, na swona, i vuhava.

Swivuriso 23:26

N'wananga, ndzi he mbilu ya wena, Mahlo ya wena a ma tsakisiwe hi ndlela ya mina.

Swivuriso 18:15

Mbilu ya munhu wa ku anakanya yi fuwa vutivi, Ni tindleve ta lavo tlhariha ti lava byona.

Swivuriso 18:1

Munhu la tihlawulaka eka van'wana u lava ku titsakisa ntsena, U hlunamela hinkwaswo leswi nga ni mfanelo.

Swivuriso 4:7

Ku sungula ka vutlhari, i ku lava byona; U xava ku anakanya hi hinkwaswo leswi u nga na swona,

Pisalema 111:2

Mitirho ya Yehovha yikulu, Yi laviwa hi hinkwavo lava yi tsakelaka.

Ntirho 28:3

Munhu u herisa munyama; U vonisisa vuento hinkwabyo, Leswaku a kuma ribye leri fihliweke emunyameni ni le ndzhutini wa rifu.

Eklesiasta 3:11

Xi endlile hinkwaswo swi sasekile hi nkarhi wa swona, xi vekile ku anakanya ka vutomi lebyi nga heriki etimbilwini ta vona; hambiswiritano, a ku na munhu la twisisaka mitirho leyi endliweke hi Xikwembu eku sunguleni ka yona ku yisa eku heteleleni.

Eklesiasta 4:8

I munhu la tshameke a ri swakwe, a nga riki na wa vumbirhi, la pfumalaka n'wana kumbe makwavo; hambiswiritano, ntirho wa yena a wu na makumu, na wona mahlo ya yena a ma xurhi rifuwo. Xana ndzi tikarhatela mani, ndzi tsona moya wa mina ku kateka hikwalaho ka mani? Xolexo, na xona, i vuhava, i mhaka leyi nga humeseriki nchumu.

Eklesiasta 11:5

Kukotisa loko u nga tivi ndlela ya moya, hambi ku ri hilaha marhambu ma vumbiwaka hakona ekhwirini ra wansati la tikeke, a ku tivi mitirho ya Xikwembu lexi endlaka hinkwaswo.

Swivuriso 25:2

Ku twala ka Xikwembu i ku fihla mhaka; kambe ku yi kambisisa i ku twala ka tihosi.