Daniele 9:9 - Xitsonga (Bibele)

⁹ Kambe eka Hosi, Xikwembu xa hina, ku ni tintswalo ni ku rivalela, hikuva hi tikurisele yena.

BIBELE Mahungu Lamanene

⁹ Wena Xikwembu N'wini wa hina, u ni tintswalo, u rivalela vanhu swidyoho; kambe hina hi ku fularhele,

Daniele 9:9 Referans Kwoze

Daniele 9:7

Ku lulama ku le ka wena, Hosi; eka hina ku ni tingana ta mimombo, hi siku ra namuntlha eka vavanuna va Yuda, ni vaaki va Yerusalema, ni ka Vaisraele hinkwavo, eka lava nga ekusuhi, ni lava nga ekule, ematikweni hinkwawo laha u nga va hlongolela kona, hikwalaho ka ku dyoha loku va ku dyoheleke hakona.

Daniele 9:5

Hi dyohile, hi endlile leswo homboloka: hi endle hi vuphukuphuku ni ku tiarisa, hi hambukile ku leriseni ka wena.

Pisalema 86:15

Kambe wena, Yehovha, u Xikwembu lexi twelaka vusiwana, lexa tintswalo, La hlwelaka ku kariha, la teleke tintswalo ni vunene.

Pisalema 130:7

Israele, tshemba Yehovha! Hikuva tintswalo ti le ka Yehovha, Ku kutsula ku kona ka yena hi ku tala.

Yeremiya 14:7

“Loko milandzu ya hina yi va ni vumbhoni bya ku hi hehla, oho Yehovha tirha hikwalaho ka vito ra wena hikuva milandzu ya hina yi tele; hi ku dyoherile.

Pisalema 130:4

Hikuva ku rivalela ku le ka wena, Leswaku u chaviwa.

Pisalema 62:12

Ni tintswalo ti na wena, Hosi; Hikuva u tlherisela un'wana ni un'wana hi ku ringana ka mitirho ya yena.

Yonasi 4:2

Kutani a khongela Yehovha, a ku: “Yehovha, xana a hi leswi ndzi swi vuleke loko ndza ha ri etikweni ra rikwerhu xana? Hilaha ndzi hatliseke ku balekela eTarxixi, hikuva a ndzi tiva leswaku u Xikwembu xa nsovo, xa tintswalo, lexi hlwelaka ku kariha, lexi nga ni musa ngopfu, lexi tshikaka ku ba.

Esaya 63:7

Ndzi ta dzunisa tintswalo ta Yehovha, ni ku dzuneka ka yena, hilaha swi fanekelaka hinkwaswo leswi Yehovha a nga hi endlela swona, ni vunene bya yena lebyikulu eka yindlu ya Israele lebyi a nga va kombisa byona hi tintswalo ta yena, ni vukulu bya rirhandzu ra yena.

Esaya 55:7

Lowo biha a a tshike ndlela ya yena, ni wa lunya miehleketo ya yena; a a tlhelele eka Yehovha, la nga ta n'wi twela vusiwana; ni ka Xikwembu xa hina, lexi rivalelaka, ku nga ri hi mpimo.

Ezekiele 20:13

Kambe va yindlu ya Israele va hundzukile mananga eka mina; a va fambangi hi ku lerisa ka mina, va cukumete milawu ya mina leyi munhu la endlaka ha yona a nga hanyaka ha yona, va nyamise ngopfu Tisavata ta mina, kutani ndzi ku ndzi ta chela vukari bya mina ehenhla ka vona emananga ku va heta.

Pisalema 86:5

Hikuva wena, Yehovha, u lonene, la rivalelaka; Tintswalo ta wena ti tala eka lava ku khongelaka.

Nehemiya 9:31

Kambe hi mitsetselelo ya wena ya ku tala, a ku va hetanga, a ku va fularhelanga, hikuva u Xikwembu xa tintswalo ni vunene.

1 TIHOSI 8:30

Wa nga yingisa ku khongela ka nandza wa wena ni ka tiko ra wena ra Israele, loko va ta khongela exivandleni lexi: Loko u ri wena, yingisa u ri ematilweni, endlwini ya wena, yingisa u rivalela!

Daniele 9:6

Kutani a hi yingisangi vaprofeta, malandza ya wena, lava nga vulavula hi vito ra wena eka tihosi ta hina, ni ka tindhuna ta hina, ni ka vatata wa hina, ni ka vanhu hinkwavo va tiko.

Daniele 9:8

Hosi, eka hina ku ve tingana ta mimombo, ni ka tihosi ta hina, ni ka tindhuna ta hina, ni ka vatata wa hina, hikuva hi ku dyohele.

2 SAMIELE 24:14

Davhida a ku eka Gadi: “Ndzi le mapfalweni lamakulu. A hi weleni emavokweni ya Yehovha, hikuva tintswalo ta yena tikulu: ndzi nga weli emavokweni ya vanhu!”