Daniele 9:26 - Xitsonga (Bibele)

²⁶ Endzhaku ka mavhiki lawa ya 62 Mesiya u ta susiwa a nga yimeriwi hi munhu. Kutani tiko ra hosi leyi nga ta ta, ri ta onha muti ni xikwetsimisiso, ku onhiwa ka xona ku ta fana ni ku dyiwa hi mati, kutani ku lerisiwile leswaku ku onhetela ku ta va kona ku fika eku heleni ka tinyimpi.

BIBELE Mahungu Lamanene

²⁶ Eku heleni ka nkarhi lowu wa malembe ya 7 lama hlayiwaka ka 62, muhlawuriwa wa Xikwembu ú ta dlayiwa, ku ri hava la n'wi yimelelaka. Kutani ku ta humelela mufumi un'wana la nga ta herisa muti ni Tempele hi mavuthu ya yena. Ku hela ka swona ku ta fana ni ndhambi: Ku ta va ni tinyimpi ni maxangu ku fikela makumu, hilaha swi bohiweke hakona.

Daniele 9:26 Referans Kwoze

Nahume 1:8

U ta lovisa xivandla xa Ninivha hi ndhambi leyi kukutaka, kutani lava nga valala eka yena u ta va pfalela emunyameni.

Esaya 53:8

U susiwile hi ku xaniseka ni ku biwa, kutani exikarhi ka vanhu va rixaka ra yena, i mani la tsundzukeke leswaku a susiwa emisaveni ya lava hanyaka, ni leswaku a biwa hikwalaho ka swidyoho swa tiko ra mina?

Marka 13:2

Yesu a hlamula, a ku eka yena: “Xana wa languta tindlu letikulu leti-ke? A ku nga tshikiwi ribye ehenhla ka ribye rin'wana le ri nga ta tshama ri nga mbundzuxiwi.”

1 Petro 2:24

hi yena la rhwaleke swidyoho swa hina emirini wa yena exihambanweni, leswaku hi fa hitlhelo ra swidyoho kambe hi hanyela ku lulama; loyi kambe mi horisiweke hi matshimbi ya yena.

Luka 24:26

Xana a swi nga faneri leswaku Kriste a twisiwa ku vaviseka kuloku, kutani a nghena eku kwetsimeni ka yena xana?”

Marka 9:12

A va hlamula, a ku: “Kunene Eliya, siku a taka, u ta lulamisa hinkwaswo, kambe ku tsarisiwe ku yini ehenhla ka N'wana wa Munhu leswaku a fanele ku twisiwa ku vaviseka lokukulu, a va a soriwa-ke?

Matewu 24:2

Kambe Yesu a ku: “A mi swi voni leswi hinkwaswo xana? Kunene ndzi ri eka n'wina: Ku nga ka ku nga tshikiwi ribye ehenhla ka ribye rin'wana leri nga taka ri nga mbundzuxiwi.”

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;

Vagalatiya 3:13

Kriste u hi kutsurile eku rhukaniweni ka nawu hi ku hlayiwa la rhukaniweke ematshan'weni ya hina hikuva ku tsariwile va ku: “Ku rhukaniwe mani na mani la hayekiweke emhandzeni,”

2 Vakorinto 5:21

Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

Daniele 11:10

“Kambe vana va yena va ta sungula ku lwa, va hlengeleta mavandla layo tala ngopfu; un'wana wa vona u ta fika a tata hinkwako, a tlhela a vuya, a tiyisa ku sivetela khokholo.

Daniele 9:27

Kutani hosi yoleyo yi ta endla xinakulobye lexa matimba ni lavo tala hi vhiki rin'we, kutani exikarhi ka vhiki u ta herisa gandzelo ni nhlengo; kutani muonhi u ta tirha mitirho ya manyala ku kondza vuheriso ni leswi tiyisiweke swi wela ehenhla ka muonhi.”

Esaya 8:7

hikwalaho Hosi yi ta tisa ehenhla ka rona mati lamakulu, ya matimba ya nambu, yi nga hosi ya Asiriya, ni matimba hinkwawo ya yona; u ta tlula hinkwako timbuwu ta wona, u ta khulukela ehenhla ka tingingiri hinkwato ta yona,

1 Petro 2:21

Kambe hi leswi mi vitaneriweke swona, hikuva Kriste, na yena, u twisiwe ku vaviseka hikwalaho ka n'wina, a ri karhi a mi siyela xikombiso leswaku mi ta landza mitila ya yena;

Yohane 14:30

A ndzi nga ha tshami ndzi vulavula na n'wina ngopfu hikuva hosi ya misava leyi, ya ta, kambe a yi na matimba ehenhla ka mina.

Luka 24:46

Kutani a ku eka vona: “Ku tsarisiwe sweswo, kambe a swi fanela leswaku Kriste a twisiwa ku vaviseka, kutani a pfuka eku feni hi siku ra vunharhu,

Luka 21:24

Va ta wa hi ku kariha ka fumu, va ta yisiwa va ri makhumbi ematikweni hinkwawo; kutani Yerusalema, u ta kandziyeriwa hi vamatiko ku ko ku hela nkarhi wa vamatiko.

Marka 13:7

Kutakuloko mi twa tinyimpi ni mimpfumawulo ya tinyimpi, mi nga tshukeni, hikuva leswi, swi fanele ku humelela; kambe a hi wona makumu.

Matewu 22:7

Kutani hosi, loko yi twa timhaka leti, yi kariha yi rhuma mavandla ya yona ku ya lovisa vadlayi valavo, yi hisa ni muti wa vona.

Matewu 22:2

“Ku fuma ka matilo ku fana ni hosi leyi endlelaka n'wana wa yona nkhuvo wa vukati.

Amosi 9:5

Hikuva la endlaka sweswo i Hosi, Yehovha wa tinyimpi; u khumba misava, kutani yi n'oka; hinkwavo lava akeke eka yona va hlomuka, yi kukumuka hinkwayo ku kota nambu, yi tlhela yi phya ku kota nambu wa Egipta.

Amosi 8:8

Xana misava yi nga ka yi nga tsekatseki hikwalaho ka sweswo-ke? Lava akeke eka rona hinkwavo va ta va ni tingana? Misava yi ta tlakuka hinkwayo ku fana ni nambu; yi ta tlakuka, yi tlhela yi phya kukota nambu wa Egipta.”

Hosiya 1:9

hikuva a mi vanhu va mina; mina a ndzi nga ha vi Xikwembu xa n'wina.

Yeremiya 46:7

“I mani loyi a tlhandlukelaka, a kota nambu wa Nilo, kukota nambu lowu hlunguretaka mati ya wona.

Pisalema 22:15

Matimba ya mina ma omile tani hi mbita ya vumba, Ririmi ra mina ri namarherile emalakeni ya mina; Kutani u ndzi latile entshurini wa rifu.

Luka 21:6

“Loko xi ri lexi mi xi langutaka, ku ta ta masiku lawa ku nga ta ka ku nga tshikiwi ribye ni rin'we, ehenhla ka ribye rin'wana leri nga mbundzuxiwangiki.”

Matewu 23:38

Maswivo yindlu ya n'wina yi ta sala yi ri rhumbi;

Daniele 11:17

U ta phikelela ku ya lwa hi matimba hinkwawo ya ku fuma ka yena, kutani u ta endla ku rhula ni hosi ya le dzongeni; u ta n'wi nyika n'wana wa yena wa wanhwana ku va nsati wa yena, a ta n'wi lovisa hakona, kambe mhaka yoleyo yi nga ka yi nga endlakari, na swona a yi nga pfuni nchumu.

Yeremiya 51:42

Lwandle ri tele Babilona, u funengetiwile hi ku pfuma ka magandlati ya rona.

Daniele 11:22

Mavandla lama taka, ma ta kukuretiwa hi yena, ma hluriwa, swin'we ni hosi yin'wana leyi endleke xinakulobye na yena.

2 SAMIELE 21:5

Kutani va ku eka hosi: “Munhu loyi, la nga hi heta, la nga tivekela makungu ku ta hi dlaya leswaku hi nga ha tivi ku hanya emindzilekaneni hinkwayo ya Israele;

Esaya 28:2

Vonani, Hosi yi rhuma nala wa matimba la nga hluriwiki ha nchumu, la fanaka ni bubutsa ra xihangu, tanihi ndhambi ya mati lamakulu lama fafamelaka hinkwako, u ta xi cukumeta ehansi hi voko ra yena.

Esaya 28:22

Kutani sweswi tshikani ku tseketsela, swi nga ri leswaku mi engeta mi bohiwa; hikuva ndzi twile eka Hosi, Yehovha wa tinyimpi, leswaku ku lova ka misava hinkwayo ku kaneriwile.

Daniele 11:36

“Kutani hosi yi ta endla hilaha yi rhandzaka hakona, yi ta tikurisa, yi titlakusa ehenhla ka swikwembu hinkwaswo, kutani yi ta hleva Xikwembu xa swikwembu hi swisandzu leswi hlamarisaka, yi ta khuluka ku ko ku fika ku hetisekeni ka vukari, hikuva lexi lerisiweke xi ta endlakala.