Daniele 9:25 - Xitsonga (Bibele)

²⁵ Tiva u twisisa leswaku ku suka eritweni leri leriseke leswaku Yerusalema, wu ta tlhela wu akiwa ku ya fika eka Mesiya Hosi, ku ta hundza mavhiki ya ntlhanu na mambirhi ni mavhiki ya 62, kutani muti wu ta tlhela wu pfuxiwa wu akiwa, ni mitsendzele ni rirhangu ra wona, kambe ku ta va emikarhini ya nhlomulo.

BIBELE Mahungu Lamanene

²⁵ Tiva mhaka leyi u yi twisisa: Ku ta rhanga ku hundza nkarhi wa malembe ya 7 lama hlayiwaka ka 7, ku sukela loko ku humile xileriso xa ku aka muti wa Yerusalema hi vuntshwa, ku fikela loko mufambisi lontshwa a ta vekiwa hi ku cheriwa mafurha enhlokweni. Endzhaku ka sweswo, magondzo ya muti ni rirhangu ra wona swi ta va eku pfuxiweni nkarhi wa malembe ya 7 lama hlayiwaka ka 62. Minkarhi ya kona yi ta va leyo tika swinene.

Daniele 9:25 Referans Kwoze

Ezra 4:24

Kavaloko ku yima ntirho wa yindlu ya Xikwembu eYerusalema, wu yima ku fikela lembe ra vumbirhi ra ku fuma ka Dariyosi, hosi ya Peresi.

Yohane 4:25

Wansati a ku eka yena: “Ndza swi tiva leswaku Mesiya, la vuriwaka Kriste, wa ta; loko a tile, u ta hi tivisa timhaka hinkwato.”

Yohane 1:41

Yena a rhanga a kuma Simoni makwavo, a ku eka yena: “Hi kumile Mesiya” (hileswaku Kriste muhlawuriwa).

Esaya 55:4

Waswivo, ndzi n'wi vekile mbhoni exikarhi ka matiko, hosi, ni mufambisi wa matiko.

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Mikiya 5:2

Loko u ri wena Betlehema-Efrata, u lontsongo ku hlayiwa exikarhi ka tinxaka ta Yuda, eka wena ku ta huma loyi a nga ta va hosi ya Israele, a nga loyi a nga kona ka ha ri eku sunguleni, emikarhini leyi nga riki na ku sungula.

Daniele 9:23

Kuteloko wa ha ku sungula ku khongela, rito ri humelele, leri ndzi teleke ku ta ku tivisa rona, hikuva u ri la rhandziwaka. Yingisa rito swinene, u xiyaxiya xivono.

Daniele 8:25

Kutani hikwalaho ka ku tlhariha ka yena, mano ma ta kateka emavokweni ya yona, kutani yi ta tikurisa embilwini ya yona, yi va yi dlaya lavo tala lava tshameke hi ku tsaka, kutani yi ta pfukela Hosi ya tihosi matimba, kambe yi ta tshoviwa ku nga ri hi voko ra munhu.

Nehemiya 6:15

Loko ri ri rirhangu, ri hela hi siku ra makume mambirhi na ntlhanu ra n'hweti ya Elulu, ri tirhiwile hi masiku ya 52.

Nehemiya 4:8

Va pfumelelana hinkwavo ku kanela makungu ya ku hlasela Yerusalema, ni ku wu onha.

Nehemiya 3:1

Kutani Eliyaxibi, muprista lonkulu ni vaprista vamakwavo va suka va aka nyangwa ya Tinyimpfu, va yi hlawulela Yehovha, va nghenisa timbanti ta kona, kambe va aka va hlawulela Yehovha rirhangu ku fika ekhokholweni ra Mea, ni ku fika ekhokholweni ra Hananele.

Nhlavutelo 19:16

Kutani u ni vito leri tsariweke engubyeni ni le ndzhumbini wa yena, ri nge: Hosi ya tihosi, ni Mufumi wa vafumi.

Nhlavutelo 1:5

ni ka Yesu Kriste, mbhoni leyi tshembekaka, ni mativula exikarhi ka vafi, ni Hosi ya tihosi ta misava!

Timhaka 5:31

Hi yena loyi Xikwembu xi nga n'wi tlakusela evokweni ra xona ra xinene leswaku a va yena Hosi ni Muponisi, a ta nyika Israele ku hundzuka ni ku khomeriwa ka swidyoho.

Timhaka 3:15

Kasi mi dlele Hosi ya vutomi, yeloyi Xikwembu xi n'wi pfuxeke eku feni; kutani na hina hi timbhoni ta swona.

Marka 13:14

“Kutakuloko mi vona manyala ya ku hlaseriwa lama vuriweke hi muprofeta Daniele, ma yimile laha ma nga faneriki (la hlayaka a a tsundzuke); enkarhini wolowo, lava nga eYudiya a va tsutsumele etintshaveni;

Matewu 24:15

“Kutakuloko mi vona manyala ya ku herisiwa, lama nga vuriwa hi muprofeta Daniele, ma yimile exivandleni lexi hlawuriweke (la hlayaka u fanele ku anakanya);

Daniele 8:11

Kutani ri tlakuka ku yisa endhuneni ya mavandla, ri yi tekela gandzelo ra masiku, kutani yindlu ya vukwetsimelo bya yona yi mbundzuxiwa.

Pisalema 71:10

Hikuva valala va mina va vulavula ha mina, Lava rhiyelaka vutomi bya mina va kanela swin'we,

Ezra 7:8

A fika eYerusalema hi n'hweti ya vuntlhanu; a ri ri lembe ra ntlhanu na mambirhi ra hosi.

Ezra 7:1

Endzhaku ka sweswo, enkarhini lowu ku fumaka Ataserkisi, hosi ya Peresi, Ezra, n'wana Seraya, n'wana Azariya n'wana Hilkiya,

2 SAMIELE 15:25

Kutani hosi yi ku eka Sadoki: “Tlherisa areka ya Xikwembu emutini; kungakuloko Yehovha a ndzi twela vusiwana, u ta ndzi vuyisa, a ndzi kombisa yona ni yindlu ya yona.

Vaefesa 5:16

hatliselani mikarhi hikuva masiku ma bihile.

Timhaka 8:30

Kutani Filipi a tsutsuma, kuteloko a n'wi yingisile a hlaya buku ya muprofeta Esaya, a ku eka yena: “Xana wa twisisa lexi u xi hlayaka xana?”

Matewu 13:23

Kambe la byariweke emisaveni leyinene, i munhu la yingisaka rito a ri twisisa; kutani a veka tindzhoho, yin'wana yi veleka dzana, yin'wana ntlhanu wa makume na khume rin'we, yin'wana makume manharhu.”

Nehemiya 4:2

Kutani a vulavula emahlweni ka vamakwavo ni le mahlweni ka tinhenha ta Samariya, a ku: “Vayuda lava va swisiwana, va endla yini? Xana va titshemba swonghasi-ke? Xana va ta tlhava magandzelo-ke? Va ta heta sweswi xana? Xana va ta hanyisa maribye lama tshweke ehansi ka tinhulu leti ta ntshuri xana?”

Eklesiasta 3:3

Nkarhi wu kona wa ku dlaya, wu kona nkarhi wa ku horisa; nkarhi wu kona wa ku hlanhla, wu kona nkarhi wa ku aka.

Mikiya 5:1

Sweswi, tilunghise, Siyoni wa mavandla! Hi ta rhendzeriwa hi valala; va n'wi ba hi xigombo erhameni, yena muavanyisi wa Israele!