Daniele 9:24 - Xitsonga (Bibele)

²⁴ “Mavhiki ya ntlhanu wa makume na makume mambirhi ma hlayiwile henhla ka tiko ra wena ni le henhla ka muti wa wena lowu hlawuriweke, ku hetisisa swo biha ni ku herisa swidyoho, ni ku kutsula ku homboloka, ni ku humelerisa ku lulama loku nga heriki, ni ku tiyisa xivono ni muprofeta, ni ku khangula xikwetsimisiso.

BIBELE Mahungu Lamanene

²⁴ “ ‘Xikwembu xi bohile leswaku a ku nga hundzi malembe ya 70 ntsena, kambe ku ta hundza nkarhi wa malembe ya 7 lama hlayiwaka ka 70, leswaku timhaka ta vanhu va ka n'wina ni ta muti wa ka n'wina lowo hlawuleka ti kondza ti hetiseka: Enkarhini wolowo, ku homboloka ni ku dyoha swi ta hela; milandzu yi ta rihiwa, ku ta va ni ku lulama loku nga heriki; swivono ni marito ya vaprofeta swi ta hetiseka, kutani xivandla lexo hlawuleka ngopfu xi ta nyiketiwa hi vuntshwa eka Xikwembu.

Daniele 9:24 Referans Kwoze

Varhoma 5:10

Hikuva loko ha ha ri valala, hi hlanganisiwile ni Xikwembu hi ku fa ka N'wana wa xona, ngopfungopfu leswi hi hlanganisiweke, hi ta hanyisiwa hi ku hanya ka yena.

Esaya 61:1

Moya wa Hosi, Yehovha, wu le ka mina, hikuva u ndzi totile ku byela swisiwana mahungu ya ku saseka; u ndzi rhumile ku horisa lava nga ni timbilu leti vavisekaka, ku tivisa lava bohiweke leswaku va ta tshunxiwa, ni lava khotsiweke leswaku va ta humesiwa;

Tinhlayo 14:34

Kukotisa leswi mi nga heta masiku ya 40 ku kamba tiko, mi ta rhwala milandzu ya n'wina hi malembe ya 40 lembe rin'we hi siku; kutani mi ta tiva leswaku ku tshama ekule na mina i yini!’

Levhitika 25:8

“ ‘U ta hlaya mavhiki ya ntlhanu na mambirhi ya malembe, hileswaku malembe ya ntlhanu na mambirhi lama hlayiwaka kantlhanu ni kambirhi, kutani mavhiki ya ntlhanu na mambirhi lawa ya malembe ma ta endla malembe ya 49.

Timhaka 3:22

Hikuva Muxe u vurile, a ku: ‘Hosi, Xikwembu xa n'wina, yi ta mi humesela exikarhi ka vamakwenu, muprofeta la fanaka na mina, mi ta n'wi yingisa eka hinkwaswo leswi a nga ta mi byela swona;

Esaya 56:1

Yehovha u vurisa sweswo, a ku: “Hlayisani leswinene, mi endla leswo lulama, hikuva ku hlayiseka ka mina ku nga ka ku nga hlweri ku ta, ni ku lulama ka mina ku le kusuhi ni ku humelela.

Esaya 51:6

Tlakusani mahlo ya n'wina le matilweni, kutani mi languta ehansi emisaveni hikuva matilo ma ta tlhaka tanihi musi, kutani misava yi ta hlakala tanihi nguvu, vaaki va yona va ta fa tanihi tinhongana, kambe ku hlayiseka ka mina ku ta tshama hi masiku, ku lulama ka mina a ku nga heri.

Pisalema 2:6

A ku: “Hi mina ndzi toteke hosi yanga eSiyoni, Entshaveni ya mina leyi hlawuriweke.”

Esaya 51:8

hikuva nsumba yi ta va dya tanihi nguvu, hele ri ta va luma tanihi voya; kambe ku lulama ka mina ku ta sala hi masiku, ni ku hlayiseka ka mina hilaha ku nga heriki!”

Pisalema 45:7

U rhandza ku lulama, u venga swo biha; Hikwalaho, Xikwembu, Xikwembu xa wena Xi ku chelele hi mafurha ya ku tsaka exikarhi ka vanakuloni.

Nhlavutelo 14:6

Kutani ndzi vona ntsumi yin'wana leyi hahaka exikarhi ka tilo, yi tamele Evhangeli leyi nga riki na ku hela, ku yi dyondzisa lava akeke emisaveni, va ri va matiko hinkwawo, ni tinxaka hinkwato, ni swivongo hinkwaswo,

Vaheveru 2:17

Hikwalaho-ke, a swi fanela leswaku a fanisiwa hinkwako ni vamakwavo, leswaku a ta va muprista lonkulu la nga ni ku tsetselela, ni ku tshembeka ka hinkwaswo swa Xikwembu, a ko a kutsula tiko eku dyoheni ka rona.

Ezekiele 4:6

Loko u ma hetile, u ta engeta u etlela hi rivambu ra xinene ra wena, sweswo u ta rhwala ku homboloka ka yindlu ya Yuda hi masiku ya mune wa makume. Siku rin'wana ni rin'wana ri ringanisa lembe.

Nhlavutelo 3:7

“Tsalela ni ntsumi ya kereke ya Filadelfiya, u ku: “ ‘La kwetsimeke, Lowa ntiyiso, La nga ni mpfungura wa Davhida, La pfulaka, ku nga pfari munhu; La pfalaka, ku nga pfuri munhu, u vulavula sweswo, u ri:

Vaheveru 9:26

hikuva loko a swi nga ri tano, a a fanele ku twa ku vaviseka kanyingi, ka hari mpfhuka misava yi tumbuluka; kambe sweswi, kuteloko mikarhi yi hetisekile, u humelele kan'we ku herisa ku dyoha hi ku tiendla gandzelo.

1 Vakorinto 1:30

Kutani ha xona mi le ka Yesu Kriste, la endleriweke hina, hi ku rhandza ka Xikwembu, vutlhari, ni ku lulama, ni ku kwetsima, ni ku kutsuriwa,

Yohane 3:34

Hikuva la rhumiweke hi Xikwembu, u vula marito ya Xikwembu, hikuva Xikwembu xi n'wi nyika Moya ku nga ri hi mpimo.

2 TIKRONIKA 29:24

Kutani vaprista va swi tlhava, va humesa ngati ya swona ealitarini hikwalaho ka swidyoho, ku phahlela Vaisraele hinkwavo mhamba; hikuva hosi a yi lerisile leswaku holokosta ni gandzelo ra xidyoho swi humeseriwa Vaisraele hinkwavo.

1 Yohane 3:8

La dyohaka, i wa Diyavulosi, hikuva Diyavulosi u dyohile ka ha ri eku sunguleni. Hikwalaho N'wana wa Xikwembu a humeleleke, leswaku a herisa mitirho ya Diyavulosi.

2 Petro 1:1

Simoni Petro, nandza ni muapostola wa Yesu Kriste; Eka lava averiweke ku pfumela loku ringanaka ni ka hina hi ku saseka, eku lulameni ka Xikwembu xa hina, ni le ka Yesu Kriste, Muhlayisi wa hina:

Vaheveru 10:14

Hikuva hi ku humesa mhamba kan'we, u hetisile hilaha ku nga heriki lava basisiweke.

Vaheveru 7:26

Hikuva a hi faneriwa hi muprista lonkulu lowo tano, la hlawuriweke, la nga riki na leswo biha, ni loko xi ri xivati, la tihlawuleke eka vadyohi, a nga ehenhla ka matilo,

Vakolosa 2:14

U hlangurile papila ra nandzu ra milawu leyi hi tengisaka, kutani a ri susa hi ku ri bela exihambanweni;

Vakolosa 1:20

ni ku hlanganisi swilo hinkwaswo hi yena, hambi swi ri leswi nga emisaveni, hambi swi ri leswi nga ematilweni hikuva hi yena la endleke ku rhula hi ngati ya xihambano xa yena.

Timhaka 3:14

Kambe n'wina mi landzurile la kwetsimeke, la lulameke kutani mi komberile ku nyikiwa mudlayi.

Yohane 1:41

Yena a rhanga a kuma Simoni makwavo, a ku eka yena: “Hi kumile Mesiya” (hileswaku Kriste muhlawuriwa).

Luka 1:35

“Moya lowo Kwetsima wu ta xikela eka wena, ni matimba ya La nge henhlahenhla ma ta ku funengeta; hikwalaho, n'wana lowo kwetsima la nga ta velekiwa hi wena, u ta vuriwa N'wana wa Xikwembu.

Marka 1:24

“Mhaka ya hina na wena hi yihi, Yesu wa Nazareta? U tile ku hi lovisa xana? Ndza ku tiva leswaku u Mukwetsimi wa Xikwembu.”

Matewu 11:13

Hikuva vaprofeta hinkwavo ni tibuku ta nawu va bvumbhile va yisa timhaka ku fika eka Yohane;

Matewu 1:21

U ta veleka wandzisanyana, kutani u ta n'wi thya vito ra Yesu (hileswaku Muponisi), hikuva hi yena la nga ta ponisa tiko ra yena eku biheni ka rona.”

Ezekiele 28:12

“N'wana wa munhu, tlakusa xirilo eka hosi ya Tiri, u ku eka yena: Hosi Yehovha u ri: U tikombisile leswaku u hetisekile, u tele vutlhari u hetiserile hi ku saseka.

Swirilo 4:22

Nandzu wa wena wu hetisiwile, nhwanyana wa Siyoni; A ku nga ha vi na loyi a ku yisaka evukhumbini. Ku ta lavisisiwa ku homboloka ka wena, nhwanyana wa Edomu, Yehovha u ta funungula swidyoho swa wena.

Levhitika 8:15

Muxe a yi tlhava, a teka ngati ya yona kuteloko a petile ritiho ra yena engatini, a tota timhondzo ta alitari hinkwako; a tengisa alitari; kutani a chela ngati ehansi ka alitari, a yi hlawula leswaku ku ta phahliwa timhamba ehenhla ka yona.

Vafilipiya 3:9

kutani ndzi kumiwa eka yena ndzi nga ri na ku lulama ka mina loku humaka eka nawu, kambe ndzi ri ni ku lulama loku humaka eku pfumeleni eka Kriste, ku ri ku lulama loku humaka eka Xikwembu hi ku pfumela;

Matewu 4:5

Kutani Diyavulosi a n'wi yisa emutini lowu hlawuriweke, a n'wi veka exihlungweni xa tempele,

Luka 21:22

Hikuva masiku walawo, i masiku ya ku rihisa, leswaku hinkwaswo leswi tsariweke swi hetiseka.

Timhaka 4:26

Tihosi ta misava ti pfukile, ni tindhuna ti hlangene kun'we ku lwa ni Hosi, na Kriste wa yona.’

Ezekiele 4:5

Mina, ndzi ta ku ringanisela malembe ya ku homboloka ka vona hi masiku, ma va masiku ya 390; u ta rhwala sweswo ku homboloka ka yindlu ya Israele.

Zakariya 4:14

Yi ku: “I vatotiwa vambirhi lava yimeke emahlweni ka Hosi ya misava hinkwayo.”

Esaya 42:4

A nga ka a nga heri mbilu ni ku karhala, a ko a tiyisa leswo lulama emisaveni, kutani swihlale swi va swi titshembisa enawini wa yena.”