Daniele 9:18 - Xitsonga (Bibele)

¹⁸ Rhiya ndleve, Xikwembu xa mina, u yingisa; hanyanya, u languta marhumbi ya hina, ni muti lowu vuriwaka hi vito ra wena, hikuva ni loko hi veka swikhongelo emahlweni ka wena, a hileswaku hi tidzunisa hi ku lulama ka hina, kambe swi ri ntsena hikwalaho ka tintswalo letikulu ta wena.

BIBELE Mahungu Lamanene

¹⁸ We Xikwembu xanga, rhiya ndleve u yingisa. Pfula mahlo u languta maxangu ya hina ni ku onhaka ka muti lowu wu thyiweke vito ra wena. Loko hi tisa swirilo swa hina eka wena, a hi leswaku hi tshemba ku lulama ka hina, e-e, kambe hi tshemba ntsena tintswalo ta wena letikulu.

Daniele 9:18 Referans Kwoze

Esaya 37:17

Oho Yehovha! Rhiya ndleve, u yingisa; oho Yehovha! Pfula mahlo ya wena u vona; u yingisa marito ya Senakeribi, lawa a ma rhumeleke ku sandza Xikwembu lexi hanyaka.

Yeremiya 36:7

Kumbe va ta veka xikhongelo xa vona emahlweni ka Yehovha, va hundzuka un'wana ni un'wana emikhuveni ya yena leyo biha, hikuva ku kariha ku kurile, na kona ku leva kukulu loku Yehovha a ku vuleke ehenhla ka tiko leri.”

Yeremiya 25:29

Hikuva, vonani, muti lowu vitiwaka hi vito ra mina, ndzi ta sungula ha wona ku humesa swo biha; kutani n'wina mi ri mi ta tsetseleriwa ku biwa xana? “ ‘Mi nga ka mi nga tsetseleriwi, hikuva mina ndzi ta rhambela vaaki hinkwavo va misava fumu, ku vula Yehovha wa mavandla.’

2 TIHOSI 19:16

Oho! Yehovha, rhiya ndleve, u yingisa; oho! Yehovha! Pfula mahlo ya wena u vona; u yingisa marito ya Senakeribi, lawa a ma rhumeke ku sandza Xikwembu lexi hanyaka.

Ezekiele 36:32

Ndzi swi endla, ku nga ri hikwalaho ka n'wina, ku vula Hosi Yehovha; swi tiveni! Mi va ni tingana, mi tisola hikwalaho ka tindlela ta n'wina, yindlu ya Israele!

Yeremiya 15:16

Hikuva marito ya wena, loko ma ndzi kuma, ndzi tidyela wona, hikuva marito ya wena i ku rhula ni ku tsaka ka mbilu ya mina; hikuva ku khongeriwile vito ra wena ehenhla ka mina, wee Yehovha Xikwembu xa tinyimpi!

Yeremiya 14:7

“Loko milandzu ya hina yi va ni vumbhoni bya ku hi hehla, oho Yehovha tirha hikwalaho ka vito ra wena hikuva milandzu ya hina yi tele; hi ku dyoherile.

1 Vakorinto 1:2

eka kereke ya Xikwembu leyi nga eKorinto, lava kwetsimisiweke eka Yesu Kriste, lava vitaniweke vakwetsimi, ni ka hinkwavo lava khongelaka ematlhelweni hinkwawo vito ra Hosi ya hina Yesu Kriste, yi nga Hosi ya vona ni ya hina;

Yeremiya 37:20

Kutani sweswi, hosi yanga! Wa nga yingisa xikhongelo xa mina; a xi amukeriwe emahlweni ka wena; u nga ndzi tlheriseli endlwini ya Yonatani mutsari, ndzi nga ti fela kona.”

Yeremiya 14:9

Xana u swi rhandza ha yini ku va munhu la hlamarisiwaka, kukotisa nhenha leyi tsandzekaka ku ponisa? Kambe wee Yehovha, u karhi u le xikarhi ka hina, ni vito ra wena ra karhi ra vuriwa ehenhla ka hina: U nga tshuki u hi tshika!”

Esaya 64:6

A hi fana hinkwerhu ni munhu la nyamisiweke, kutani ku lulama ka hina hinkwako a ku fana ni nguvu leyi nyamisiweke; a hi vunile hinkwerhu tanihi tluka, kutani swidyoho swa hina swi hi hundzisa tanihi mheho.

1 TIHOSI 8:29

Mahlo ya wena a ma langute vusiku ni nhlekanhi Yindlu leyi, ni xivandla lexi u nga xi vula loko u te: ‘Vito ra mina ri ta va kona!’ Yingisa xikhongelo lexi nandza wa wena a xi humesaka exivandleni lexi.

Eksoda 3:7

Kutani Yehovha a ku: “Ndzi vonisisile ku xaniseka ka tiko ra mina eEgipta, ndzi yingisile ku rila ka vona hikwalaho ka lava va va xanisaka; hikuva ndzi tiva nhlomulo wa vona;

Esaya 64:12

Endzhaku ka sweswo hinkwaswo, u ta tikhoma xana, o Yehovha? U ta miyela-ke, u hi vavisa ku tlurisa xana?

Pisalema 116:1

Ndzi rhandza Yehovha, hikuva u yingisile rito ra mina, Ni ku sindzisa ka mina.

Daniele 9:7

Ku lulama ku le ka wena, Hosi; eka hina ku ni tingana ta mimombo, hi siku ra namuntlha eka vavanuna va Yuda, ni vaaki va Yerusalema, ni ka Vaisraele hinkwavo, eka lava nga ekusuhi, ni lava nga ekule, ematikweni hinkwawo laha u nga va hlongolela kona, hikwalaho ka ku dyoha loku va ku dyoheleke hakona.

Tinhlayo 6:27

“ ‘Va ta vekela sweswo vito ra mina ehenhla ka vana va Israele, kutani mina ndzi ta va katekisa.’ ”

Pisalema 25:6

Oho Yehovha! Anakanya tintswalo ta wena ni nsovo wa wena, Hikuva i swa masiku hinkwawo,

Esaya 43:7

hinkwavo lava thyiweke hi vito ra mina vona lava ndzi va endleleke ku vonakala ka mina, lava ndzi va vumbeke, lava ndzi va endleke!”

Ezekiele 36:22

“Hikwalaho, byela yindlu ya Israele, u ku eka vona: Hosi Yehovha u vulavula sweswo, a ku: Ndzi endla leswi, ku nga ri hikwalaho ka n'wina, yindlu ya Israele, kambe hikwalaho ka vito ra mina lero kwetsima, leri mi ri nyamiseke ematikweni lawa mi yeke eka wona.