Daniele 9:14 - Xitsonga (Bibele)

¹⁴ Hikwalaho Yehovha a hitekeleke khombo lero, a ri tisela ehenhla ka hina, hikuva Yehovha, Xikwembu xa hina, u lulamile emitirhweni hinkwayo yoleyi a yi tirheke, kambe a hi yingisanga rito ra yena.

BIBELE Mahungu Lamanene

¹⁴ Hikokwalaho, we HOSI, u tilulamisele ku hi vangela maxangu lawa, kutani ma hi fikele. Wena HOSI Xikwembu xa hina, minkarhi hinkwayo u endla leswi lulameke ntsena kambe hina a hi yingisi rito ra wena.

Daniele 9:14 Referans Kwoze

Daniele 9:7

Ku lulama ku le ka wena, Hosi; eka hina ku ni tingana ta mimombo, hi siku ra namuntlha eka vavanuna va Yuda, ni vaaki va Yerusalema, ni ka Vaisraele hinkwavo, eka lava nga ekusuhi, ni lava nga ekule, ematikweni hinkwawo laha u nga va hlongolela kona, hikwalaho ka ku dyoha loku va ku dyoheleke hakona.

Nehemiya 9:33

Loko u ri wena, u endlile hi ku lulama etimhakeni hinkwato leti humeleleke, u endlile swinene, kambe hina hi endlile leswo biha.

Yeremiya 44:27

Waswivo, ndzi va langutela ku va endla leswo biha, ku nga ri swo saseka; kutani vanhu hinkwavo va Yuda lava nga etikweni ra Egipta va ta herisiwa hi tlhari ni ndlala, va ko va hela.

Pisalema 51:14

Oho Xikwembu, Xikwembu xa ku hlayiseka ka mina! Ndzi kutsule ka ngati leyi halatiweke, Kutani ririmi ra mina ri ta twarisa ku lulama ka wena.

Yeremiya 31:28

Kutani, kukotisa leswi ndzi tshamaka ndzi va langutela ku yimbula, ni ku hahlula, ni ku mbundzuxa, ni ku onha, ni ku endla swo biha, na kona ndzi ta va langutela ku aka, ni ku simeka, ku vula Yehovha.

2 TIKRONIKA 12:6

Kutani tindhuna ta Israele ni hosi, va titsongahata, va ku: “Yehovha u lulamile!”

Pisalema 116:5

Yehovha u ni tintswalo ni ku lulama, Xikwembu xa hina xi tele nsovo.

Pisalema 119:137

U lulamile, Yehovha, Ku avanyisa ka wena, na kona, ku lulamile!

Eksoda 9:27

Kutani Faro a vitana Muxe na Aroni, a ku eka vona: “Sweswi, ndzi dyohile; i Yehovha la lulameke; mina ni tiko ra mina hi vadyohi.

Ezra 9:15

Oho Yehovha, Xikwembu xa Israele, u lulamile; hina, hi lo sala hi ri lava poneke kukotisa leswi voniwaka namuntlha. Hi hina kwala, hi yimeke emahlweni ka wena hi ri ni nandzu; hikuva hi nga ka hi nga hanyi emahlweni ka wena hikwalaho ka swona.”

Pisalema 111:7

Mitirho ya mavoko ya yena i vunene ni ku lulama; Swileriso swa yena hinkwaswo swi tiyile;

Yeremiya 4:17

Va n'wi rhendzele kukotisa varindzi va nsimu, hikuva u tiarisile emahlweni ka mina,’ ” ku vula Yehovha.

Yeremiya 12:1

Wena Yehovha, u lulamile, ndzi nga tsandzeka ku kanetana na wena; hambiswiritano, ndzi ta tengisana na wena: Xana lavo biha va kateka ha yini, ni vakanganyisi hinkwavo va ni ku rhula ha yini-ke?

Swirilo 1:5

Lava nga valala va yena va n'wi hlula, lava n'wi vengaka va titsakela. Hikuva Yehovha u n'wi rhumerile maxangu Hikwalaho ka ku tala ka swidyoho swa yena; Vana va yena lavatsongo va yile evukhumbini, va byisiwa hi valala.

Ezekiele 16:43

“Hikuva u rivele masiku ya vuntshwa bya wena, kambe u ndzi holovisile hi timhaka leti hinkwato, vona ndzi ta rihisa mikhuva ya wena enhlokweni ya wena, ku vula Hosi Yehovha. Kutani u nga ka u nga ha engeteli manyala ya wena hi vudlayi.

Daniele 4:34

Eku heleni ka masiku walawo, mina, Nebukadnetsara, ndzi tlakuse mahlo ya mina ehenhla, kutani ku titiva ku tlhelela eka mina. Ndzi vonga La nge henhlahenhla, ndzi dzunisa, ndzi kurisa loyi a hanyaka hilaha ku nga heriki, loyi ku fuma ka yena ku nga ku fuma loku nga heriki, loyi vuhosi bya yena byi sukaka erixakeni rin'wana ku yisa etinxakeni leti nga heriki.