Daniele 8:3 - Xitsonga (Bibele)

³ Ndzi tlakusa mahlo ndzi languta, kutani vonani, khuna a ri yimile emahlweni ka nambu, ri ri ni timhondzo timbirhi, timhondzo leti a ti lehile, rin'wana ri hundza rin'wana hi ku leha kutani rona ri kula endzhaku.

BIBELE Mahungu Lamanene

³ Kutani loko ndzi tlakusa mahlo, ndzi vona nyimpfu ya khuna yi yimile eribuweni ra nambu wolowo. A yi ri ni timhondzo timbirhi, ti ri leto leha hi vumbirhi bya tona, kambe lerin'wana a ri lehile ku tlula lerin'wana, hambileswi a ri mirile endzhaku.

Daniele 8:3 Referans Kwoze

Daniele 8:20

“Khuna rolero u ri voneke ri ri ni timhondzo timbirhi, i tihosi ta Vameda ni Vaperesi,

Daniele 10:5

Kutani ndzi tlakusa mahlo, ndzi languta, kutani maswivo, a ku ri ni wanuna kona, la ambaleke nguvu ya ntsembyana, a tibohe xisuti hi ringhole ra nsuku lowunene wa Ufazi.

Zakariya 6:1

Ndzi engeta ndzi tlakusa mahlo, ndzi languta, kutani ndzi vona ku humelela tigolonyi ta mune leti humaka exikarhi ka tintshava timbirhi, tintshava teto ti ri ta koporo.

Zakariya 5:9

Kutani ndzi tlakusa mahlo ya mina ndzi languta, kutani vonani, ku humelela vavasati vambirhi, etimpapeni ta vona a ku ri ni moya, tona timpapa ti kotisa timpapa ta ntsavila; va tlakusela efa exikarhi ka misava ni tilo.

Zakariya 5:5

Ntsumi leyi ngi yi vulavula na mina, yi engeta yi humelela, yi ku eka mina: “Tlakusa mahlo ya wena, u vona lexi humelelaka lahaya leswaku swini.”

Zakariya 5:1

Ndzi engeta ndzi tlakusa mahlo, ndzi languta, loko kan'we ku humelela papila leri nga phurumulwa, leri hahaka.

Zakariya 2:1

Ndzi engeta ndzi tlakusa mahlo ya mina; ndzi vona wanuna la khomeke evokweni ra yena ngoti ya ku pima.

Zakariya 1:18

Endzhaku ka swona, ndzi yimisa mahlo ya mina, kutani ndzi vona mune wa timhondzo.

Daniele 7:5

“Kutani ndzi vona xivandza xin'wana xa vumbirhi xi fana ni bere, xi yimile hitlhelo rin'we, xi ri ni timbambu tinharhu enon'wini wa xona exikarhi ka meno, kutani ku vuriwa ka xona, va ku: ‘Suka u rhurhumbula tinyama leto tala.’

Daniele 6:28

Kutani Daniele yeloyi a kuma mikateko eku fumeni ka Dariyosi, ni le ku fumeni ka Korexe wa Muperesi.

Daniele 5:31

Kutani Dariyosi, wa ka Meda, a kuma vuhosi a ri ni malembe ya 62.

Daniele 2:39

Endzhaku ka wena, ku ta humelela ku fuma kun'wana, lokutsongo ka wena; kutani ku ta va ni kun'wana ka vunharhu, loka koporo, loku nga ta fuma emisaveni hinkwayo.

Yeremiya 51:11

Vangamisani miseve, mi tamela switlhangu. Yehovha u pfuxile moya wa tihosi ta Vameda, hikuva u kanelela Babilona ku n'wi onha; hikuva hi kona ku rihisa ka Yehovha, ku ri ku rihisela tempele ya yena.

Esaya 44:28

Ndzi byela ta Korexe, ndzi ku: ‘I murisi wa mina, u ta endla ku rhandza ka mina hinkwako; u ta ku eka Yerusalema: “U ta tlhela u akiwa!” Eka tempele, u ta ku: “A ku akeriwe masungulo!” ’ ”

Esaya 21:2

Ndzi kombiwile leswi chavisaka ngopfu: Muxanisi u tirha hi ku xanisa ka yena, muphangi wa phanga! Tlhandluka Elamu! Rhendzela, wee Mediya! Ndzi herisa ku konya hinkwako!

Esaya 13:17

Vonani, ndzi ta va kucetela Vameda, lava nga vuriki nchumu hi silivhere, lava nga rhandziki nsuku.

Estere 1:3

elembeni ra vunharhu ra ku fuma ka yena, a endla nkhuvo, a wu endlela tihosana hinkwato ta yena, ni malandza hinkwawo ya yena; ni nyimpi ya Peresi ni ya Mediya, ni tihosana, ni vakulukumba va matiko ya yena, lava hlengeletaneke emahlweni ka yena.

Ezra 4:5

ni ku hakela valeteri leswaku va onha makungu ya vona; swi endlisa sweswo hinkwawo masiku ya ku hanya ka Korexe, hosi ya Peresi, ku ya fika enkarhini wa ku fuma ka Dariyosi, hosi ya Peresi.

Ezra 1:2

“Ku vula Korexe, hosi ya Vaperesi: Yehovha, Xikwembu xa le matilweni, xi ndzi nyikile vuhosi hinkwabyo bya misava; kambe xi ndzi lerisile leswaku ndzi n'wi akela yindlu eYerusalema, etikweni ra Yuda.

1 TIKRONIKA 21:16

Davhida, kuteloko a tlakusile mahlo ya yena, a vona ntsumi ya Yehovha leyi yimaka exikarhi ka misava ni tilo, yi ri ni banga leri hlomuriweke evokweni ra yona, yi komba Yerusalema ha rona. Kavaloko Davhida ni vakulukumba va wela ehansi emimombyeni ya vona, va ambele tinguvu to khwaxa.

Yoxuwa 5:13

Kuteloko Yoxuwa a ri ekusuhi na Yeriko, a tlakusa mahlo a languta; kutani waswivo, wanuna a a yimile emahlweni ka yena, a ri ni tlhari leri vangamaka evokweni ra yena; Yoxuwa a ya eka yena, a ku: “U wa ka hina xana, kumbe u wa valala va hina?”

Tinhlayo 24:2

Kutani Balaama a tlakusa mahlo a vona tiko ra Israele ri le mixaxeni hi tinyimba ta rona, kutani moya wa Xikwembu wu ta ehenhla ka yena,

Nhlavutelo 5:6

Kutani ndzi vona exikarhi ka xiluvelo ni swivumbiwa leswi hanyaka leswa mune, ni le xikarhi ka vakulukumba, xinyimpfana lexi ngi xi ri kona, lexi ngi xi tlhaviwile, xi ri ni timhondzo ta ntlhanu na timbirhi, ni mahlo ya ntlhanu na mambirhi, leyi nga mimoya ya ntlhanu na mimbirhi va Xikwembu, leyi rhumiweke hinkwako la emisaveni.

Nhlavutelo 13:11

Kutani ndzi vona xivandza xin'wana lexi tlhandlukaka, xi huma emisaveni; a xi ri ni timhondzo timbirhi leti fanaka ni ta xinyimpfana, kutani xi vulavula kukotisa dragona.

Daniele 8:2

Kuteloko ndzi languta, swi va tanihi loko ndzi ri eXuxani, emutini wa le hosini wa tiko ra Elamu; ndzi vona xivono ndzi tshamile eribuwini ra nambu wa Ulayi.