Daniele 8:26 - Xitsonga (Bibele)

²⁶ Kutani xivono xa madyambu ni xa mixo lexi vuriweke, hi swona kunene. Loko u ri wena, funengeta xivono xolexo, hikuva xi langutele mikarhi leya ha riki ekule ngopfu.”

BIBELE Mahungu Lamanene

²⁶ Timhaka ta xivono xa magandzelo ya mixo na madyambu, leti u hlamuseriweke tona we Daniele, ti tiyile, kambe u nga vulavuli hi tona sweswi, hikuva ti ta hlwela ku humelela.’

Daniele 8:26 Referans Kwoze

Daniele 10:1

Hi lembe ra vunharhu ra Korexe hosi ya Peresi, rito ri kombisiwa Daniele la thyiweke vito ra Beltexatsara; rito lero ri tiyile, kambe ri vula khombo lerikulu; kutani a xiya rito lero swinene, a twisisa ni xivono.

Daniele 12:9

A ku eka mina: “Famba, Daniele, hikuva timhaka leti ti ta sala ti funengetiwile, ti lemeriwile ku fikela enkarhini wa makumu.

Daniele 12:4

“Kutani wena, Daniele, funengeta timhaka leto, u lemela buku leyi ku yisa enkarhini wa makumu; lavo tala va ta yi xiya, kutani ku tiva ku ta engeteleka.”

Daniele 10:14

Kutani ndzi tile sweswi ku ku tivisa leswi nga ta humelelela tiko ra wena emikarhini ya makumu; hikuva xa ha ri xikombiso xa leswi nga ta ta.”

Nhlavutelo 22:10

Yi engeta yi ku eka mina: “U nga tshuki u lema hi mfungho timhaka ta vuprofeta bya buku leyi, hikuva nkarhi wu kusuhi.

Ezekiele 12:27

“N'wana wa munhu, va yindlu ya Israele va ri: ‘Xivono lexi munhu loyi a xi vonaka, xi ta teka masiku yo leha ku humelela; u profetile swa nkarhi lowu nga ekule.’

Nhlavutelo 10:4

Kuteloko tindlati ta ntlhanu na timbirhi ti pfumisile marito ya tona, a ndzi lava ku tsala, kambe ndzi twa rito leri humaka etilweni, ri ku eka mina: “Lemela swilo leswi nga vuriwa hi tindlati leta ntlhanu na timbirhi, u nga swi tsari.”

Esaya 24:22

Ti ta pfaleriwa swin'we erindzini, ti ta khotsiwa ekhotsweni; kuteloko ku hundze nkarhi wo leha, ti ta biwa.

Daniele 11:2

Kutani sweswi, ndzi ta ku byela swinene. “Waswivo, tihosi tinharhu ta ha ta va kona eka Vaperesi, kutani wa vumune u ta fuwa vukosi lebyi tlulaka bya tin'wana hinkwato, kutani kutakuloko a tinyike matimba hi rifuwo ra yena, u ta tivitanela vunyingi hinkwabyo ku ya lwa ni va ku fuma ka Yavhani.