Daniele 8:17 - Xitsonga (Bibele)

¹⁷ Kutani a tshinelela laha ndzi yimeke kona, kakuloko a ta, ndzi rhurhumela, ndzi wa hi mombo ehansi, kutani a ku eka mina: “Xiyaxiya, n'wana wa munhu, ku vona loku ku ta hetiseka eminkarhini ya makumu.”

BIBELE Mahungu Lamanene

¹⁷ Hiloko Gabriele a ta kusuhi na mina, kutani ndzi wa hi mombo hi ku chava. Yena a ku ka mina: ‘We Daniele, u munhu ntsena; tiva leswaku xivono lexi u xi voneke xi khumba leswi nga ta humelela, loko minkarhi ya sweswi yi ya eku heleni.’

Daniele 8:17 Referans Kwoze

Daniele 8:19

Kutani a ku eka mina: “Languta, ndzi ta ku kombisa leswi nga ta humelela emakun'wini ya vukari, hikuva wu kona nkarhi lowu vekeriweke makumu.

Daniele 12:4

“Kutani wena, Daniele, funengeta timhaka leto, u lemela buku leyi ku yisa enkarhini wa makumu; lavo tala va ta yi xiya, kutani ku tiva ku ta engeteleka.”

Nhlavutelo 1:17

Kuteloko ndzi n'wi vonile, ndzi wela emilengeni ya yena wongi hi loko ndzi file, kutani a veka voko ra yena ra xinene ehenhla ka mina, a ku: “U nga chavi, ndzi Lowo rhanga ni Lowa makumu,

Habakuku 2:3

hikuva hlavutelo leyo ya ha tshamele nkarhi wa kona, kambe yi ta hatlisa eku heteleleni, yi nga ka yi nga xisi. Hambi yi nga hlwela, u yi langutela, hikuva yi ta endlakala swinene, yi nga ka vi nga hlweri.

Daniele 12:13

Kambe wena, yana eku heleni ka wena, u wisa, kutani u ta pfuka u yimela ndzhaka ya wena eku heleni ka masiku.”

Daniele 11:40

“Emikarhini ya makumu, hosi ya le dzongeni yi ta himana na yena, kutani hosi ya le n'walungwini yi ta wela ehenhla ka yena kukotisa xidzedze, hi tigolonyi ni lava khandziyeke tihanci, ni mabyatso layo tala; a ta nghena ematikweni a vavamela kukota nambu.

Nhlavutelo 22:8

Hi mina Yohane loyi a nga vona swilo leswo ni la nga ti twa. Kuteloko ndzi swi yingisile ni ku swi vona, ndzi tiwise ehansi, ndzi khinsama emilengeni ya ntsumi leyi ndzi kombiseke swilo leswo.

Ezekiele 1:28

Tanihi ku saseka ka nkwangulatilo emapepeni hi siku ra mpfula, a ku sasekisile xisweswo ematlhelweni hinkwawo hi ku vonakala loku: A ku ri hlavutelo ya ku kwetsima ka Yehovha. Kuteloko ndzi swi vonile, ndzi wa hi mombo wa mina, ndzi ri karhi ndzi twa rito ra un'wana la vulavulaka.

Matewu 17:8

Kutani loko va tlakusa mahlo, va vona Yesu a ri swakwe, ku nga ri na umbe.

Daniele 10:16

Kutani maswivo, munhu un'wana la fanaka ni vana va vanhu, a khumba milomu ya mina, kutani ndzi ahlamisa nomu wa mina, ndzi vulavula, ndzi ku eka la yimeke emahlweni ka mina: “Hosi yanga, xikombiso lexi xi ndzi chavisile, kutani ndzi pfumala matimba.

Daniele 10:11

kutani a ku eka mina: “Daniele, wanuna la rhandziwaka, yingisa marito lawa ndzi ku byelaka wona, kutani u yima laha u nga kona, hikuva sweswi ndzi rhumiwile eka wena.” Kuteloko a ndzi byele sweswo, ndzo yima ndzo ri karhi ndzi rhurhumela.

Daniele 9:27

Kutani hosi yoleyo yi ta endla xinakulobye lexa matimba ni lavo tala hi vhiki rin'we, kutani exikarhi ka vhiki u ta herisa gandzelo ni nhlengo; kutani muonhi u ta tirha mitirho ya manyala ku kondza vuheriso ni leswi tiyisiweke swi wela ehenhla ka muonhi.”

Daniele 9:23

Kuteloko wa ha ku sungula ku khongela, rito ri humelele, leri ndzi teleke ku ta ku tivisa rona, hikuva u ri la rhandziwaka. Yingisa rito swinene, u xiyaxiya xivono.

Daniele 8:15

Mina, Daniele, kakuloko ndza ha languta xivono lexi, ndzi ri karhi ndzi lava ku twisisa, ndzi vona ku yima emahlweni ka mina un'wana la nga ni xivumbeko xa munhu.

Daniele 2:46

Kavaloko hosi Nebukadnetsara a wela ehansi hi mombo, a khinsama emahlweni ka Daniele, kutani a lerisa leswaku a fundzhiwa hi magandzelo ya ku khensa ni mirhi ya risuna.

Ezekiele 6:2

“N'wana wa munhu, langutisisa mombo wa wena eka tintshava ta Israele, u bvumbha eka tona u ku:

Genesa 17:3

Kavaloko Abrama a wela emombyeni wa yena, kutani Xikwembu xi vulavula na yena, xi ku:

Ezekiele 44:4

Kutani a ndzi nghenisa emahlweni ka yindlu, hi nyangwa ya tlhelo ra n'walungu, Ndzi languta, kutani ndzi vona ku kwetsima ka Yehovha ku tatile yindlu ya Yehovha; ndzi wela ehansi hi mombo wa mina.

Daniele 7:16

Kutani ndzi tshinela eka un'wana wa lava yimeke kwalaho, ndzi n'wi vutisa leswi tiyeke eka timhaka leti hinkwato, kutani a vulavula na mina a ndzi hlamusela tona, a ku:

Daniele 8:27

Kutani mina, Daniele, ndzi wa ndzi titivala, ndzi vabya masikunyana, kutani ndzi pfuka, ndzi khoma ntirho wa hosi, ndzi ri karhi ndzi hlamala hi xivono xolexo; kambe a ku nga ri na munhu loyi ngi a xi tiva.

Ezekiele 2:1

Kutani a ku eka mina: “N'wana wa munhu, pfuka u yima, ndzi ta vulavula na wena.”

Daniele 11:27

Tihosi letimbirhi ti ta ehleketa ku onha etimbilwini ta tona, kutani etafuleni ri ri rin'we va ta vulavula swin'we hi mavunwa. Kambe leswo swi nga ka swi nga tiyi, hikuva vuheriso byi ta fika hi nkarhi lowu hlawuriweke ntsena.