Daniele 8:14 - Xitsonga (Bibele)

¹⁴ A ku eka mina: “Ma ta va masiku ya 2 300, loko ku hlayiwa madyambu ni mixo; kutani xikwetsimisiso xi ta basisiwa.”

BIBELE Mahungu Lamanene

¹⁴ Kutani xivulavuri xo sungula xi hlamula xi ku: ‘Swi ta teka masiku ya 1 150, magandzelo ya mixo na madyambu ma ha yimisiwile, ku kondza loko xivandla lexo hlawuleka xi tlhelela exiyin'weni xa xona lexo lulama.’

Daniele 8:14 Referans Kwoze

Daniele 12:7

Kutani ndzi twa munhu la ambaleke ntsembyana, la yimeke ehenhla ka mati ya nambu, loko a tlakusa voko ra yena ra xinene ni voko ra ximatsi ehenhla, a hlambanya hi La hanyaka hilaha ku nga heriki, a ku: “Ku sele nkarhi wun'we, ni mikarhi mimbirhi ku yisa exikarhi ka nkarhi wun'wana; kutani leswo hinkwaswo swi ta endlakala loko matimba ya tiko lero kwetsima ma tshoviwile hinkwawo.”

Daniele 7:25

U ta humesa marito ya ku lwa ni Muungameri-la-tlakukeke, u ta xanisa vahlawuriwa va Muungameri-la-tlakukeke, kutani a va ni makungu ya ku hundzula mikarhi ni nawu, kutani vahlawuriwa va ta nyiketiwa emavokweni ya yena hi nkarhi, ni mikarhi yin'wana, ni hafu ya nkarhi.

Daniele 12:11

Kutani ku sungula hi nkarhi wa ku herisiwa ka gandzelo ra masiku, lowu ku nga ta tlhomiwa manyala ya muonhi, ku ta hundza masiku ya 1 290.

Esaya 45:25

Eka Yehovha va ta lulamisiwa, va va va dzunisiwa hinkwavo va rixaka ra Israele.

Nhlavutelo 12:14

Kutani wansati a nyikiwa timpapa timbirhi ta gama lerikulu, leswaku a hahela emananga exivandleni xa yena, laha a phameriwaka kona hi nkarhi wun'we, ni mikarhi mimbirhi, ni hafu ya nkarhi, a ri ekule ni nyoka.

Daniele 8:26

Kutani xivono xa madyambu ni xa mixo lexi vuriweke, hi swona kunene. Loko u ri wena, funengeta xivono xolexo, hikuva xi langutele mikarhi leya ha riki ekule ngopfu.”

Esaya 1:27

Siyoni u ta kutsuriwa hi leswo tenga, kutani lava nga ta hundzuka exikarhi ka wona, va ta kutsuriwa hi ku lulama.

Nhlavutelo 13:5

Kutani xi nyikiwa nomu lowu tidzunisaka hi leswikulu, lowu sandzaka; xi nyikiwa ni matimba ya ku tirha hi tin'hweti ta mune wa makume na timbirhi.

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Vagalatiya 3:8

Kutani Tsalwa, hi ku vona eku sunguleni leswaku Xikwembu xi ta hlaya ku lulama eka vamatiko hi ku pfumela, ri byerile Abrahama khale mahungu lamanene, ri te: “Matiko hinkwawo ma ta katekisiwa ha wena,”

Genesa 1:5

Xikwembu xi thya ku vonakala nhlekanhi, ni munyama xi ku, i vusiku. Kutani ku va madyambu, ku va nimixo, ri va siku ro rhanga.

Daniele 12:12

Ku katekile la langutelaka, kutani a ya fika eka masiku ya 1 335.