Daniele 7:14 - Xitsonga (Bibele)

¹⁴ Kutani a nyikiwa ku fuma, ni ku kwetsima, ni vuhosi leswaku va tinxaka hinkwato, ni va matiko hinkwawo, ni va tindzimi hinkwato va ta n'wi tirhela. Ku fuma ka yena i ku fuma loku nga heriki, loku nga ka ku nga hundzi, kutani vuhosi bya yena byi nga ka byi nga herisiwi.

BIBELE Mahungu Lamanene

¹⁴ Kutani a nyikiwa vuhosi ni ku dzuneka ni matimba, leswaku vanhu va tinxaka hinkwato lava vulavulaka tindzimi to hambana-hambana va n'wi tirhela; vuhosi bya yena byi ta va kona hilaha ku nga heriki, ku fuma ka yena a ku nga herisiwi hi munhu.”

Daniele 7:14 Referans Kwoze

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Daniele 7:27

Kutani vuhosi, ni ku fuma, ni matimba ya ku fuma hinkwako loku nga ehansi ka matilo hinkwawo, swi ta nyikiwa tiko ra vahlawuriwa va Muungameri-la-tlakukeke; ku fuma ka yena i ku fuma loku nga heriki, kutani tihosi hinkwato ti ta n'wi tirhela, ti n'wi yingisa.’

Yohane 3:35

Tatana u rhandza N'wana, u vekile swilo hinkwaswo emavokweni ya yena.

Daniele 2:44

Emikarhini ya tihosi leti, Xikwembu xa matilo xi ta pfuxa ku fuma loku nga taka ku nga onhaki, ni siku ni rin'we, kutani vuhosi bya kona byi nga ka byi nga hundzeli eka tiko rin'wana; ku ta seletela ni ku herisa ku fuma kuloku hinkwako kambe kona ku ta va kona hilaha ku nga riki na makumu;

Vaheveru 12:28

Hikwalaho, leswi hi nga amukela ku fuma loku nga tsekatsekiki, a hi hlayiseni tintswalo leswaku hi tirhela Xikwembu ha tona hi mukhuva lowu xi tsakisaka, hi mafundza ni xichavo.

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi ni Mufumi wa vafumi; kutani lava a nga na vona hi lava vitaniweke ni vahlawuriwa, ni vapfumeri.”

Matewu 28:18

Kutani Yesu a va tshinelela a vulavula na vona, a ku: “Ndzi nyikiwile vuhosi hinkwabyo etilweni ni le misaveni;

Matewu 11:27

Swilo hinkwaswo swi vekiwe eka mina hi Tatana; a ku na la tivaka N'wana, loko a nga ri Tatana; naswona a ku na la tivaka Tatana loko a nga ri N'wana, ni loyi N'wana a rhandzaka ku n'wi hlavutela yena.

Esaya 9:7

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Nhlavutelo 3:21

“ ‘Loyi a nga ta hlula, ndzi ta n'wi nyika ku tshama na mina exiluvelweni xa mina, kukotisa loko na mina ndzi hlurile, kutani ndzi tshamile na Tatana exiluvelweni xa yena.

Luka 1:33

Kutani u ta fuma yindlu ya Yakobo hilaha ku nga heriki, vukosi bya yena byi nga ka byi nga vi na makumu.”

Mikiya 4:7

Lexi khwitaka, ndzi ta xi endla xisalela, ni lexi tshikiweke ndzi xi endla tiko lera matimba, kutani Yehovha u ta va fuma entshaveni ya Siyoni hilaha ku nga heriki.

Obadiya 1:21

Vaponisi va ta tlhandlukela entshaveni ya Siyoni ku ya avanyisa Mhaka ya Esawu; kutani ku fuma ku ta va ka Yehovha.

Daniele 3:4

Kutani mutivisi wa timhaka ta hosi a huwelela hi rito leri tlakukeke, a ku: “Ma tivisiwa, n'wina vanhu va matiko, ni swivongo, ni tindzimi hinkwato, leswaku:

Daniele 2:35

Sweswo ku fayiwa kan'we nsimbhi, ni vumba, ni koporo, ni silivhere, ni nsuku, swi kotisa mungu exivuyeni; swi kukuriwa hi mheho, swi nga ha ri na ndhawu. Kambe ribye leri ngi ri himile xifaniso, ri hundzuka ntshava leyikulu, ri tata misava hinkwayo.

Esaya 60:12

Hikuva matiko lama nga ku tirheliki ma ta lova, matiko lawa ma ta herisiwa.

Pisalema 146:10

Yehovha u fuma hi laha ku nga heriki; Xikwembu xa wena, Siyoni, xi kona etinxakeni hinkwato! Dzunisani Yehovha!

Pisalema 145:13

Ina, ku fuma ka wena i ku fuma ka mikarhi hinkwayo, Ni vuhosi bya wena byi kona ku yisa etinxakeni leti nga heriki.

Pisalema 45:6

Oho Xikwembu! Xiluvelo xa wena xi tiyile hi mikarhi ni mikarhi; Nhonga ya vuhosi bya wena i nhonga ya ku lulama.

Pisalema 8:6

U n'wi fumisile mitirho ya mavoko ya wena; U vekile hinkwaswo ehansi ka mikondzo ya yena,

Yohane 12:34

Vunyingi byi n'wi hlamula, byi ku: “Hi twile enawini leswaku Kriste u ta va kona hilaha ku nga heriki; kutani wena u vurisa ku yini, loko u ku: Ku fanele leswaku N'wana wa Munhu a tlakusiwa? N'wana wa Munhu loyi, i mani xana?”

Luka 10:22

Kutani a hundzukela eka vadyondzisiwa va yena, a ku: Swilo hinkwaswo ndzi swi nyikiwile hi Tatana; kutani a ku na la tivaka leswaku Tatana i mani, loko a nga ri N'wana, ni loyi N'wana a nga swi rhandzaka ku n'wi pfuletela yena.”

Daniele 7:18

kambe vahlawuriwa va La nge henhlahenhla va ta hiwa ku fuma, kutani va ta fuma hi masiku ni le mikarhini leyi nga riki na ku hela.’

Daniele 6:26

Ndzi lerisa leswaku eku anameni hinkwako ka ku fuma ka mina, vanhu va fundzha ni ku chava Xikwembu xa Daniele, hikuva hi xona Xikwembu lexi hanyaka, lexi tshamaka hilaha ku nga heriki, ni ku fuma ka xona ku nga ka ku nga herisiwi, ni vuhosi bya xona a byi na makumu.

Daniele 4:3

Swikombiso swa xona, kasi swonghasi! Ni masingita ya xona ma ni matimba wonghasi! Vuhosi bya xona i vuhosi Lebyi nga heriki, ni ku fuma ka xona ku tshama etinxakeni leti nga heriki.

Pisalema 102:22

Loko matiko hinkwawo ma ta hlengeletana, Ni ku fuma hinkwako, ku tirhela Yehovha.

Pisalema 72:17

Vito ra yona ri ta tshama hi laha ku nga heriki, Vito ra yona ri ta va kona hi laha dyambu ri nga ta va kona. Vanhu va ta katekisana ha yona, Matiko hinkwawo ma ta yi vula la katekeke.

Pisalema 72:11

Tihosi hinkwato ti ta khinsama emahlweni ka yona, Matiko hinkwawo ma ta yi tirhela.

1 Petro 3:22

la nga ya etikweni, la nga evokweni ra xinene ra Xikwembu; tintsumi, ni tihosi, ni ku fuma swi ri karhi swi vekiwa ehansi ka yena.

Nhlavutelo 1:6

Eka loyi a hi rhandzeke, la nga hlantswa swidyoho swa hina hi ngati ya yena a va a endla tiko ha hina ni vaprista va Xikwembu, Tata wa yena eka yena a ku ve ku kwetsima ni matimba, hi masiku ni masiku Amen!

Esaya 16:5

Vutshamo bya vuhosi byi ta tiyisiwa hi nsovo, ehenhla ka byona ku ta tshama hi ku tiya entsongeni wa Davhida muavanyisi la rhandzaka swo lulama, ni la hatlisaka ku avanyisa hi swinene.”

Daniele 2:37

“Wena, hosi, u hosi ya tihosi, la nyikiweke hi Xikwembu xa le henhla ku fuma ni vuhosi, ni matimba, ni ku kwetsima,

Pisalema 103:19

Yehovha u vekile xiluvelo xa yena ematilweni, Kutani vuhosi bya yena byi fuma swilo hinkwaswo.

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;