Daniele 6:27 - Xitsonga (Bibele)

²⁷ Hi yena muponisi ni muhanyisi: xi endle swikombiso ni masingita ematilweni ni le misaveni, hi xona lexi poniseke Daniele emin'waleni ya tinghala.”

BIBELE Mahungu Lamanene

²⁷ Xikwembu lexi xa ponisa ni ku lamulela, xi endla swikombiso ni mahlori etilweni ni la misaveni; hi xona xi lamuleleke Daniele etinghaleni ta matimba.”

Daniele 6:27 Referans Kwoze

Timhaka 4:30

u tshambuluta voko ra wena leswaku ku ta endliwa ku hanyisiwa, ni swikombiso, ni masingita hi vito ra Yesu, nandza wa wena la hlawuriweke.”

Pisalema 97:10

N'wina lami rhandzaka Yehovha, vengani leswo biha! U hlayisa mimoya ya vakwetsimi va yena, U va kutsula emavokweni ya lavo biha.

Pisalema 18:50

U ponisa hosi ya yena hi ku kutsula lokukulu, U endla hi tintswalo eka muhlawuriwa wa yena, Eka Davhida, ni ka rixaka ra yena hilaha ku nga heriki.

Daniele 4:34

Eku heleni ka masiku walawo, mina, Nebukadnetsara, ndzi tlakuse mahlo ya mina ehenhla, kutani ku titiva ku tlhelela eka mina. Ndzi vonga La nge henhlahenhla, ndzi dzunisa, ndzi kurisa loyi a hanyaka hilaha ku nga heriki, loyi ku fuma ka yena ku nga ku fuma loku nga heriki, loyi vuhosi bya yena byi sukaka erixakeni rin'wana ku yisa etinxakeni leti nga heriki.

Pisalema 35:17

Wena Hosi, u ta swi hlalela ku fika rini xana? Ponisa moya wanga eku onheni ka vona, Ni vutomi bya mina etinghaleni!

Pisalema 32:7

U xichavelo xa mina; u ndzi sivelela maxangu; U ta ndzi rhendzela hi tinsimu ta ku hlayiseka.

Pisalema 18:48

Kambe u ndzi lwela eka valala va mina, U ndzi tlakurile ehenhla ka lava ngi va lwa na mina, U ndzi ponisile eka munhu wa vukari.

Ntirho 36:15

Kambe xi ponisa xisiwana emakhombyeni ya xona, Xi pfula tindleve ta swona ha wona mahlomulo.

Vaheveru 2:4

Xikwembu xi ri karhi xi tiyisa vumbhoni bya vona hi swikombiso leswa masingita, ni mitirho leyo tala ya matimba; xi ri karhi xi va avela Moya lowo Kwetsima, hilaha xi swi rhandzaka hakona.

Yohane 4:48

Yesu a ku eka yena: “Loko mi nga voni mahlori ni masingita, a mi pfumeri.”

Daniele 4:35

Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Daniele 6:20

Kuteloko yi fike ekheleni, yi vitana Daniele hi rito leri hlomukeke; kutani hosi yi vulavula, yi ku eka Daniele: “Daniele, nandza wa Xikwembu lexi hanyaka, Xikwembu xa wena lexi u xi tirhelaka hi ku tiyisela, xana xi kotile ku ku lamulela etinghaleni xana?”

1 SAMIELE 17:26

Davhida a ku eka vavanuna lava yimeke ekusuhi na yena: “Xana va ta endla yini eka loyi a nga ta hlula Mufilista loyi, a susa xisandzu ehenhla ka Israele? I mani Mufilista loyi, la nga yimbangiki, leswi a sandzaka mavandla ya Xikwembu lexi hanyaka?”

Pisalema 145:13

Ina, ku fuma ka wena i ku fuma ka mikarhi hinkwayo, Ni vuhosi bya wena byi kona ku yisa etinxakeni leti nga heriki.

Yeremiya 10:10

Kambe Yehovha i Xikwembu xo lulama, i Xikwembu lexi hanyaka, ni Hosi ya mikarhi ni mikarhi. Misava yi tsekatseka hi ku kariha ka xona, kutani matiko ma nga ka ma nga yimi emahlweni ka ku kariha ka xona.

Daniele 2:44

Emikarhini ya tihosi leti, Xikwembu xa matilo xi ta pfuxa ku fuma loku nga taka ku nga onhaki, ni siku ni rin'we, kutani vuhosi bya kona byi nga ka byi nga hundzeli eka tiko rin'wana; ku ta seletela ni ku herisa ku fuma kuloku hinkwako kambe kona ku ta va kona hilaha ku nga riki na makumu;

Daniele 4:31

Mhaka loko ya ha ri enon'wini wa hosi, rito ri xika etilweni, ri ku: “U tivisiwa, hosi Nebukadnetsara, leswaku vuhosi byi susiwile eka wena;