Daniele 6:25 - Xitsonga (Bibele)

²⁵ Kutani hosi Dariyosi a tsala a ku: “N'wina va tinxaka hinkwato, ni va matiko hinkwawo, ni va tindzimi hinkwato lava akeke emisaveni hinkwayo a mi tateriwe hi ku tsaka!

BIBELE Mahungu Lamanene

²⁵ Kutani hosi Dariyosi a tsalela vanhu va tinxaka hinkwato lava akeke etikweni ra yena hinkwaro lava vulavulaka tindzimi to hambana-hambana a ku: “Ku rhula a ku ve na n'wina!

Daniele 6:25 Referans Kwoze

Daniele 4:1

Mina, hosi Nebukadnetsara, ndzi tsalela vanhu hinkwavo, ni matiko, ni va tindzimi hinkwato, lava akeke ematikweni hinkwawo, ndzi ri: Ku tsaka a ku mi talele!

1 Petro 1:2

va nga lava hlawuriweke hi ku tiviwa emahlweni hi Xikwembu Tatana, va ri karhi va kwetsimisiwa hi Moya, leswaku va ta yingisa Yesu Kriste, ni ku xuviwa hi ngati ya yena: Tintswalo ni ku rhula a swi mi talele!

Estere 8:9

Kwalaho vatsari va hosi va vitaniwa hi nkarhi wolowo, ri nga siku ra makume mambirhi na manharhu ra n'hweti ya vunharhu, yi nga n'hweti ya Sivani; ku tsariwa hinkwako hilaha Mordekayi a lerisaka hakona; ku tsaleriwa Vayuda ni tindhuna ta tihosi, ni vafumi, ni tihosana ta matiko, ku suka eIndiya ku fika eEtiyopiya, ma nga matiko ya 127, ku tsaleriwa tiko rin'wana ni rin'wana hi matsalele ya rona, ni vanhu van'wana ni van'wana hi ku vulavula ka vona, ni Vayuda hi matsalele ni ku vulavula ka vona.

Estere 3:12

Hi laha vatsari va hosi va vitaniwaka hi siku ra khume na manharhu ra n'hweti yo sungula; ku tsaleriwa hinkwako hilaha Hamani a leriseke hakona; ku tsaleriwa tindhuna ta hosi, ni vafumi va tiko rin'wana ni rin'wana, ni tihosana ta vanhu van'wana ni van'wana; ku tsaleriwa tiko rin'wana ni rin'wana hi matsalele ya rona, ni vanhu van'wana ni van'wana hi ku vulavula ka vona; matsalwa ma tsariwa hi vito ra hosi Ahasuwerusi, kutani ku tiyisiwa hi xingwavila xa hosi.

Ezra 4:17

Kutani hosi yi rhuma ku hlamula, yi ku eka Rehumi, muleteri, ni ka Ximixayi, mutsari, ni ka vanakulobye van'wana lava akeke eSamariya, ni ka van'wana ehase ka nambu: “Ku tsaka a ku ve kona ...

Yuda 1:2

Tintswalo ni ku rhula, ni rirhandzu a swi mi talele!

2 Petro 1:2

Tintswalo ni ku rhula a swi mi talele eku tiveni ka Xikwembu, ni ka Yesu, Hosi ya hina!

Daniele 3:4

Kutani mutivisi wa timhaka ta hosi a huwelela hi rito leri tlakukeke, a ku: “Ma tivisiwa, n'wina vanhu va matiko, ni swivongo, ni tindzimi hinkwato, leswaku:

Duteronoma 19:19

mi ta n'wi endla hilaha a rhandzeke ku endlela makwavo hakona, u ta susa lowo biha exikarhi ka n'wina.

Estere 7:10

Kutani va hayeka Hamani emhandzeni leyi ngi yi lunghiseriwe Mordekayi, kutani vukari bya hosi byi vomba.

Pisalema 7:15

A cela rindzi a ri hakuta, Kambe a wela erindzini leri a ri celeke.

Pisalema 9:16

Yehovha u tikombisile, u lulamisile timhaka, U phasile mudyohi hi mitirho ya mavoko ya yena.

Swivuriso 11:8

Lowo lulama u lweriwa emakhombyeni, Lowo biha u nghena kona ematshan'weni ya yena.