Daniele 6:13 - Xitsonga (Bibele)

¹³ Kutani va hlamula, va ku eka hosi: “Yena Daniele, un'wana wa lava khomiweke lava humaka eYuda, a nga vuri nchumu hi wena, hosi, ni loko wu ri nawu lowu tsariweke hi wena, kambe a khongela Xikwembu xa yena kanharhu hi siku.”

BIBELE Mahungu Lamanene

¹³ Kutani va hlambanya emahlweni ka hosi, va ku: “Un'wana wa vabohiwa lava humaka etikweni ra Yuda, loyi va nge i Daniele, a nga ku yingisi we hosi, hambi nawu lowu u wu fungheke, yena a nga na mhaka na wona; ú ya emahlweni a khongela Xikwembu xa yena kanharhu hi siku!”

Daniele 6:13 Referans Kwoze

Daniele 3:12

Kasi, ku ni vanhu va Vayuda, lavo u va leriseke timhaka ta tiko ra Babilona, a nga Xadraka, na Mexaka, na Abedi-Nego; vanhu lava, a va vuri nchumu hi wena, hosi; a va tirheli swikwembu swa wena, kambe a va khinsami emahlweni ka xifaniso xa nsuku lexi u nga xi yimisa.”

Timhaka 5:29

Kambe Petro ni vaapostola van'wana va hlamula, va ku: “Swa hi fanela ku yingisa Xikwembu, ku tlula vanhu.

Daniele 2:25

Kavaloko Ariyoka a hatlisa a yisa Daniele emahlweni ka hosi, a ku eka yona: “Ndzi kumile munhu exikarhi ka vakhomiwa va Yuda, la nga ta tivisa hosi nhlamuselo ya norho.”

Daniele 5:13

Kavaloko Daniele a tisiwa emahlweni ka hosi. Kutani hosi yi vulavula, yi ku eka Daniele: “Xana hi wena Daniele wa vakhomiwa va va Yuda, volavo hosi, tata wa mina, a nga va humesa eYudiya a va tisa halenu xana?

Estere 3:8

Hamani a ku eka hosi Ahasuwerusi: “Ku ni vanhu van'wana lava hangalakeke, lava avaneke exikarhi ka vanhu va matiko hinkwawo ya ku fuma ka wena; milawu ya vona yi hambanile ni ya vanhu van'wana; a va yi hi milawu ya hosi; a hi swinene leswaku hosi yi va tshika va rhula.

Daniele 1:6

Exikarhi ka vona, a ku ri na Daniele, na Hananiya, na Mixaele, na Azariya, va rixaka ra Yuda;

Timhaka 17:7

kasi vona hinkwavo va ala ku lerisa ka Khezari, va ku: ‘Hosi yin'wana yi kona, a nga Yesu.’ ”

Daniele 3:8

Kwalaho, enkarhini wolowo, vanhu van'wana va Kalediya va tshinelela, va ta hehla Vayuda;

Daniele 3:11

ni leswaku mani na mani la nga taka a nga khinsami a gandzela, u ta hoxiwa ekheleni ra ndzilo lowo kariha.