Daniele 6:10 - Xitsonga (Bibele)

¹⁰ Kambe Daniele, loko a tiva leswaku nawu wolowo wu tsariwile, a tiyela endlwini ya yena; kutani mafasitere ya yindlu ya yena leyi nga ehenhla ma pfuleriwe hitlhelo ra Yerusalema, a khinsama hi matsolo kanharhu hi siku, a khongela a va a vonga Xikwembu xa yena, kukotisa leswi a tshamaka a endla eku sunguleni.

BIBELE Mahungu Lamanene

¹⁰ Kambe loko Daniele a twa leswaku nawu wolowo wu funghiwile, a muka a ya nghena endlwini ya yena ya le henhla, leyi mafasitere ya yona a ma pfulekele etlhelo ra le Yerusalema; kutani a nkhinsama a khongela, a tlangela Xikwembu xa yena kanharhu hi siku, kukota leswi a a endlisa swona eminkarhini leyi hundzeke.

Daniele 6:10 Referans Kwoze

Pisalema 55:17

Nimadyambu, nimixo, ninhlekanhi, ndza konya, ndzi ni mahika; Kambe u ta yingisa rito ra mina.

Timhaka 5:29

Kambe Petro ni vaapostola van'wana va hlamula, va ku: “Swa hi fanela ku yingisa Xikwembu, ku tlula vanhu.

Pisalema 95:6

Tanani, hi khinsama, a hi korhameni, Hi khinsamela Yehovha, muvumbi wa hina,

Vaheveru 13:15

Hikwalaho, a hi humeseni hi masiku eka Xikwembu ha Yesu, magandzelo ya ku dzunisa, yi nga mihandzu ya milomu leyi vulaka vito ra yena.

Vafilipiya 4:6

Mi nga tshuki mi kanakana ha nchumu; kambe etimhakeni hinkwato, tivisani ku pfumala ka n'wina eka Xikwembu hi ku khongela, ni ku kombela, mi va mi khensa;

Pisalema 34:1

Ndzi ta twarisa Yehovha hi masiku hinkwawo; Ku dzunisa ka yena ku ta va enon'wini wa mina hi masiku.

Pisalema 5:7

Kambe mina hi tintswalo ta wena letikulu ndzi ta nghena endlwini ya wena, Ndzi ta khinsama hi ku chava etempeleni ya wena leyo kwetsima.

Timhaka 9:40

Kutani Petro a va humesela ehandle hinkwavo; a khinsama hi matsolo, a khongela; kutani a hundzulukela eka ntsumbu, a ku: “Tabita, pfuka!” Kutani a hanyanya mahlo; kuteloko a vona Petro, a pfuka a tshama.

Yonasi 2:4

U ndzi cukumetile exidziveni, embilwini ya malwandle nambu wu ndzi rhendzele; mavimbi hinkwawo ya wena ni magandlati ya wena ma ndzi hundzele ehenhla.

1 TIHOSI 8:54

Kuteloko Solomoni a hetile ku humesela Yehovha ku khongela hinkwako loku, ni ku kombela loku, a suka a yima emahlweni ka alitari ya Yehovha, laha a khinsameke kona ematsolweni ya yena, a yimisile mavoko ehenhla,

1 TIHOSI 8:44

“Kutakuloko tiko ra wena ri huma nyimpi ku ya lwa ni nala wa rona, ri famba hi ndlela leyi u nga ta va kombisa yona, loko va languta hitlhelo ra muti lowu u wu hlawuleke, ni tlhelo ra Yindlu leyi ndzi yi akeleke vito ra wena, va khongela Yehovha:

Vaefesa 3:14

Hikwalaho ndzi khinsamaka hi matsolo emahlweni ka Tatana,

Timhaka 10:9

Siku leri tlhandlamaka, kakuloko va ha ri endleleni, va ri karhi va tshinelela muti, Petro a tlhandlukela elwangwini a ya khongela; a ku lava ku va nkarhi wa ntlhanu na wun'we.

Daniele 6:13

Kutani va hlamula, va ku eka hosi: “Yena Daniele, un'wana wa lava khomiweke lava humaka eYuda, a nga vuri nchumu hi wena, hosi, ni loko wu ri nawu lowu tsariweke hi wena, kambe a khongela Xikwembu xa yena kanharhu hi siku.”

Vaheveru 4:16

Hikwalaho, a hi tshineleleni hi ku tshemba xiluvelo xa tintswalo, leswaku hi ta tweriwa vusiwana, hi kuma tintswalo, hi ta pfuniwa enkarhini lowu lulameke.

1 TIHOSI 8:38

loko munhu, hambi a ri mani na mani, kumbe tiko ra wena hinkwaro ra Israele, a kombela a va a khongela, kutani un'wana ni un'wana a tivula xidyoho xa mbilu ya yena, a va a tlakusela mavoko ya yena etlhelo ra Yindlu leyi:

Nhlavutelo 2:10

U nga chavi nchumu eka leswi u nga ta xanisiwa ha swona. Vona, Diyavulosi u ta nghenisa van'wana va n'wina ekhotsweni leswaku mi ringiwa kutani mi ta va ni nhlomulo wa masiku ya khume. U va u tshembeka ku yisa eku feni, kutani ndzi ta ku nyika harhi ya vutomi.

Vakolosa 3:17

Kutani leswi mi swi endlaka, hambi yi ri yini na yini, hi ku vulavula kumbe hi ku tirha, endlani hinkwaswo hi vito ra Hosi Yesu, mi ri karhi mi khensa ha yena eka Xikwembu Tatana.

Vafilipiya 1:20

hi ku langutela loku tiyeke ka mina, ni ku tshemba loku ndzi nga na kona, leswaku ndzi nga ka ndzi nga khomisiwi tingana ha nchumu; kambe ndzi tivisisa leswaku swi tsandza ni sweswi, ni le mikarhini hinkwayo, Kriste u ta dzunisiwa emirini wa mina, hambi ku ri hi ku hanya, hambi ku ri hi ku fa.

Timhaka 20:36

Kuteloko a vulavurile timhaka teto, a khinsama hi matsolo a khongela na vona hinkwavo.

Nehemiya 6:11

Ndzi ku: “Xana munhu wo kota mina a nga baleka xana? U kwihi munhu loyi a kotaka mina la nga nghenaka etempeleni leswaku a ta hanya? Ndzi nga ka ndzi nga ngheni kona.”

2 TIKRONIKA 6:38

kungakuloko va tlhelela eka wena hi timbilu hinkwato ta vona, ni mimoya hinkwayo ya vona, etikweni ra vukhumbi bya vona, laha va yisiweke kona; loko va ku khongela, va languta tlhelo ra tiko leri u ri nyikeke vatata wa vona, ni tlhelo ra muti lowu u wu hlawuleke, ni tlhelo ra yindlu leyi ndzi yi akeleke vito ra wena,

Nhlavutelo 2:13

Ndzi tiva laha u akeke kona, laha ku nga ni xiluvelo xa Satana, ni leswaku u hlayisa vito ra mina; kutani a ku landzulanga ku pfumela eka mina, hambi ku ri hi siku Antipasi mbhoni ya mina leyi tshembekaka, a nga dlawa exikarhi ka n'wina laha Satana a akeke kona.

Vafilipiya 1:14

Kutani sweswi, lavo tala eka vamakwerhu eHosini, va engeteriwe matimba hi ku bohiwa ka mina, ku vula rito ra Xikwembu hi ku tiyisa, va nga chavi nchumu.

Timhaka 21:5

Kambe loko hi hetile masiku walawo, hi suka, hi heleketiwa hi hinkwavo ku ya fika ehandle ka muti, va ri ni vavasati ni vana; kutani hi khinsama eribuwini, hi khongela.

Timhaka 20:24

Kambe a ndzi vuri nchumu ha swona, ni vutomi bya mina, a ndzi byi cawuki, ndzi ko ndzi heta pfhumba ra vutomi bya mina ni ntirho lowu ndzi nga wu lerisiwa hi Hosi Yesu, ku nga ku vula vumbhoni bya Evhangeli ya tintswalo ta Xikwembu.

Timhaka 7:60

Kutani a khinsama, a huwelela hi rito lerikulu, a ku: “Hosi u nga va hlayeli ku dyoha loku.” Kuteloko a vurile sweswo, a tietlelela.

Timhaka 5:20

“Fambani, mi ya humelela etempeleni, mi byela vanhu timhaka hinkwato ta vutomi lebyi.”

Timhaka 4:29

Kutani sweswi, Hosi, languta ku xungeta ka vona, u nyika malandza ya wena ku vula rito ra wena, va nga chavi nchumu;

Timhaka 3:1

Petro na Yohane a va tlhandlukela kun'we etempeleni hi nkarhi wa xikhongelo; a wu ri wa ntlhanu na mune (nimadyambu).

Timhaka 2:15

Vanhu lava, a va pyopyiwanga hilaha mi anakanyaka hakona, hikuva wa ha ri nkarhi wa vunharhu.

Luka 22:41

Kutani a va sukela, a ya ekulenyana, hi mpfhukanyana lowu ringanaka ku hoxiwa ka ribye, kutani a khinsama, a khongela, a ku:

Luka 14:26

“Kungakuloko un'wana a ta eka mina, a nga vengi tata wa yena, ni mana wa yena, ni nsati wa yena, ni vana, ni vamakwavo, na byona vutomi bya yena, a nga ka a nga vi mudyondzisiwa wa mina.

Pisalema 86:3

U ndzi twela vusiwana, oho Yehovha! Hikuva ndzi huwelela eka wena siku hinkwaro.

Ezra 9:5

Hi nkarhi wa magandzelo ya madyambu, ndzi yima kona eku titsongahateni ka mina, banci ni nguvu ya mina swi handzuriwile, ndzi khinsama hi matsolo, ndzi tlakusa mavoko ya mina eka Yehovha, Xikwembu xanga,

2 TIKRONIKA 6:13

hikuva Solomoni a a endlile ndhawu ya ku yima eka yona ya koporo, a yi vekile exikarhi ka xivava; ku leha ka yona a swi ri swisungunhu swa ntlhanu, ni ku anama ka yona swisungunhu swa ntlhanu ni ku tlakuka ka yona swisungunhu swinharhu; a khandziya kona, kutani, kuteloko a khinsamile hi matsolo emahlweni ka nhlengeletano hinkwayo ya Israele, a tlakusela mavoko ya yena ehenhla,

1 TIHOSI 8:30

Wa nga yingisa ku khongela ka nandza wa wena ni ka tiko ra wena ra Israele, loko va ta khongela exivandleni lexi: Loko u ri wena, yingisa u ri ematilweni, endlwini ya wena, yingisa u rivalela!

Daniele 9:4

Kutani ndzi endla xikhongelo xa mina eka Yehovha, Xikwembu xa mina, ndzi vula milandzu ya hina, ndzi ku: “Oho, Hosi, Xikwembu lexikulu lexi chavisaka, lexi hlayisaka ntwanano ni tintswalo eka lava ku rhandzaka, lava fambaka hi milawu ya wena!

Marka 3:3

Kavaloko Yesu a ku eka munhu la khwanyaleke voko: “Suka, u yima la xikarhi.”