Daniele 5:30 - Xitsonga (Bibele)

³⁰ Hi byona vusiku byebyo, Belxatsara, hosi ya Vakalediya, a dlawa.

BIBELE Mahungu Lamanene

³⁰ Hi vusiku byebyo, Belxatsara hosi ya Vakalediya a dlawa,

Daniele 5:30 Referans Kwoze

Yeremiya 51:31

Varhumiwa va hlangene ni varhumiwa, switsutsumi swi hlangana ni switsutsumi ku ya byela hosi ya Babilona leswaku muti wa yena wu ngheniwile matlhelo hinkwawo.

Yeremiya 51:57

Ndzi pyopyisa tihosana ta yena, ni tintlhari ta yena, ni tindhuna ta yena, ni vafumi va yena, ni tinhenha ta yena; va ta etlela vurhongo lebyi nga heriki, kutani va nga ha ti tshama va pfuka, ku vula Hosi; Yehovha wa tinyimpi, i vito ra yena.

Yeremiya 51:39

Kutakuloko va kufumela, ndzi ta va endlela nkhuvo, ndzi va pyopyisa, leswaku va ta tshuka, va kondza va ya etlela vurhongo lebyi nga heriki, va nga ha tlheli va pfuka, ku vula Yehovha.

Yeremiya 51:11

Vangamisani miseve, mi tamela switlhangu. Yehovha u pfuxile moya wa tihosi ta Vameda, hikuva u kanelela Babilona ku n'wi onha; hikuva hi kona ku rihisa ka Yehovha, ku ri ku rihisela tempele ya yena.

Esaya 47:9

Swilo leswimbirhi swi ta ku tela kan'we, hi siku rin'we: ku tsoniwa vana ni vunoni; swi ta ku wela ehenhla hinkwako, hambi u andzisile switshungulu, hambi vungoma bya wena byi ri ni matimba.

Yeremiya 50:24

“Ndzi ku rhiyele ntlhamu, kutani u khomiwile, Babilona, u khomiwile u nga swi tivi, u phasiwile, hikuva u lwile na Yehovha.

Amosi 6:7

Hikwalaho sweswi va ta ya evukhumbini, va rhangisiwile emahlweni ka hinkwavo lava yisiwaka kona; kutani huwa ya lava tiololaka yi ta hela.”