Daniele 4:34 - Xitsonga (Bibele)

³⁴ Eku heleni ka masiku walawo, mina, Nebukadnetsara, ndzi tlakuse mahlo ya mina ehenhla, kutani ku titiva ku tlhelela eka mina. Ndzi vonga La nge henhlahenhla, ndzi dzunisa, ndzi kurisa loyi a hanyaka hilaha ku nga heriki, loyi ku fuma ka yena ku nga ku fuma loku nga heriki, loyi vuhosi bya yena byi sukaka erixakeni rin'wana ku yisa etinxakeni leti nga heriki.

BIBELE Mahungu Lamanene

³⁴ Nebukadnetsara a ku: “Loko nkarhi lowu vekiweke wu hundzile, mina Nebukadnetsara ndzi tlakusile mahlo ndzi languta ehenhla, kutani miehleketo ya mina yi vuya, ndzi dzunisa ni ku tlangela ni ku twarisa Loyi a nga henhla-henhla, Loyi a hanyaka hilaha ku nga heriki, ndzi ku: “Vuhosi bya yena a byi na ku hela, ni ku fuma ka yena ku ta va kona hilaha ku nga heriki.

Daniele 4:34 Referans Kwoze

Nhlavutelo 4:10

vakulukumba va makume mambirhi na mune a va wa hi matsolo emahlweni ka la tshameke exiluvelweni, va gandzela la hanyaka hi masiku lama nga heriki, va hoxa tihari ta vona emahlweni ka xiluvelo, va ku:

Daniele 12:7

Kutani ndzi twa munhu la ambaleke ntsembyana, la yimeke ehenhla ka mati ya nambu, loko a tlakusa voko ra yena ra xinene ni voko ra ximatsi ehenhla, a hlambanya hi La hanyaka hilaha ku nga heriki, a ku: “Ku sele nkarhi wun'we, ni mikarhi mimbirhi ku yisa exikarhi ka nkarhi wun'wana; kutani leswo hinkwaswo swi ta endlakala loko matimba ya tiko lero kwetsima ma tshoviwile hinkwawo.”

Daniele 2:44

Emikarhini ya tihosi leti, Xikwembu xa matilo xi ta pfuxa ku fuma loku nga taka ku nga onhaki, ni siku ni rin'we, kutani vuhosi bya kona byi nga ka byi nga hundzeli eka tiko rin'wana; ku ta seletela ni ku herisa ku fuma kuloku hinkwako kambe kona ku ta va kona hilaha ku nga riki na makumu;

Yeremiya 10:10

Kambe Yehovha i Xikwembu xo lulama, i Xikwembu lexi hanyaka, ni Hosi ya mikarhi ni mikarhi. Misava yi tsekatseka hi ku kariha ka xona, kutani matiko ma nga ka ma nga yimi emahlweni ka ku kariha ka xona.

Pisalema 145:13

Ina, ku fuma ka wena i ku fuma ka mikarhi hinkwayo, Ni vuhosi bya wena byi kona ku yisa etinxakeni leti nga heriki.

Daniele 6:26

Ndzi lerisa leswaku eku anameni hinkwako ka ku fuma ka mina, vanhu va fundzha ni ku chava Xikwembu xa Daniele, hikuva hi xona Xikwembu lexi hanyaka, lexi tshamaka hilaha ku nga heriki, ni ku fuma ka xona ku nga ka ku nga herisiwi, ni vuhosi bya xona a byi na makumu.

Daniele 4:32

u ta hlongoriwa exikarhi ha vanhu, kutani u ta aka ni swiharhi swa nhova; u ta hanya u dya byanyi kukotisa tihomu, kutani mikarhi ya ntlhanu na mimbirhi yi ta hundza ehenhla ka wena, u ko u tiva leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.”

Luka 1:33

Kutani u ta fuma yindlu ya Yakobo hilaha ku nga heriki, vukosi bya yena byi nga ka byi nga vi na makumu.”

Daniele 5:21

A hlongoriwa exikarhi ka vana va vanhu, mbilu ya yena yi endliwa leyi fanaka ni ya swiharhi, a aka ni maduva, a dya byanyi kukotisa tihomu, ni miri wa yena wu tsakamisiwa hi mberha ya tilo ku fikela nkarhi lowu a tiveke ha wona leswaku Xikwembu lexi nge henhlahenhla, hi xona lexi nga ni ku fuma ehenhla ka vuhosi bya vanhu ni leswaku hi xona lexi vekaka loyi xi rhandzaka ku n'wi veka eka byona.

Daniele 4:26

Loko yi ri mhaka leyi nga vuriwa leswaku ku ta siyiwa xikundzu ni timitsu ta murhi hileswaku vuhosi byi ta tlherisiwa eka wena, loko kutani u swi tivile leswaku ku fuma tilo.

1 Timotiya 6:16

a nga yena a ri swakwe la nga riki wa ku fa, la tiakeleke eku vonakaleni laha ku nga tshineleriwiki, loyi ku nga riki na munhu exikarhi ka vanhu la n'wi voneke ni la nga n'wi vonaka; loyi ku chaviwa ni matimba lama nga heriki swi nga eka yena. Amen!

Mikiya 4:7

Lexi khwitaka, ndzi ta xi endla xisalela, ni lexi tshikiweke ndzi xi endla tiko lera matimba, kutani Yehovha u ta va fuma entshaveni ya Siyoni hilaha ku nga heriki.

Daniele 4:3

Swikombiso swa xona, kasi swonghasi! Ni masingita ya xona ma ni matimba wonghasi! Vuhosi bya xona i vuhosi Lebyi nga heriki, ni ku fuma ka xona ku tshama etinxakeni leti nga heriki.

Swirilo 3:38

Swilo leswo saseka ni leswo biha Xana a swi humi enon'wini wa La nge henhla?

Esaya 24:15

“Dzunisani Yehovha ematlhelweni ya vuxa, ni vito ra Yehovha, ra Xikwembu xa Israele, eswihlaleni swa vupeladyambu.

Pisalema 146:10

Yehovha u fuma hi laha ku nga heriki; Xikwembu xa wena, Siyoni, xi kona etinxakeni hinkwato! Dzunisani Yehovha!

Pisalema 123:1

Ndzi tlakusile mahlo ya mina ka wena La fumaka ematilweni!

Pisalema 121:1

Ndzi tlakusela mahlo ya mina etintshaveni ... Ku pfuniwa ka mina ku ta huma kwihi?

Pisalema 107:31

A va khense Yehovha hikwalaho ka vunene bya yena, Hikwalaho ka swihlamariso leswi a swi endlelaka vana va vanhu;

Pisalema 102:24

Ndzi te: “Oho Xikwembu xanga! U nga ndzi susi, ndza ha ri exikarhi ka masiku ya mina; Malembe ya wena ma tshama ma ri kona etinxakeni ta tinxaka.”

Pisalema 92:1

Ku dzunisa Yehovha, i mhaka leyo saseka, Ni ku twarisa vito ra wena, La nge henhlahenhla,

Pisalema 10:16

Yehovha i hosi hi masiku, hilaha ku nga heriki; Vamatiko va herisiwa emisaveni ya yena.

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

1 Timotiya 1:17

Eka Hosi ya mikarhi, leyi nga riki na ku bola ni ku voniwa, eka Xikwembu xi ri xin'we xa vunene, a ku ve ku chaviwa, ni ku twala hi mikarhi ni mikarhi! Amen!

Yohane 5:26

Hikuva kukotisa leswi Tatana a nga ni vutomi eka yena swakwe, u nyikile na yena N'wana, leswaku a va ni vutomi eka yena.

Luka 18:13

Kambe muluvisi a a yime ekule, a chava ni ku tlakusela mahlo ya yena etilweni; kambe a tiba xifuva, a ku: ‘Xikwembu, ndzi twele vusiwana, mina ndzi nga mudyohi.’

Daniele 7:14

Kutani a nyikiwa ku fuma, ni ku kwetsima, ni vuhosi leswaku va tinxaka hinkwato, ni va matiko hinkwawo, ni va tindzimi hinkwato va ta n'wi tirhela. Ku fuma ka yena i ku fuma loku nga heriki, loku nga ka ku nga hundzi, kutani vuhosi bya yena byi nga ka byi nga herisiwi.

Pisalema 107:22

A swi humese magandzelo yo khensa, A swi twarise mitirho ya yena hi ku huwelela ka ku tsaka!

Pisalema 107:15

A va khense Yehovha hikwalaho ka vunene bya yena. Hikwalaho ka swihlamariso leswi a swi endlelaka vana va vanhu,

Pisalema 107:8

A va khense Yehovha hikwalaho ka vunene bya yena, Hikwalaho ka swihlamariso leswi a swi endlelaka vana va vanhu!

Pisalema 50:14

Humesela Xikwembu ku vonga ri nga gandzelo ra wena, U va u riha ku hlambanya ka wena eka La nge henhlahenhla.

Pisalema 9:2

Ndzi ta tsaka, ndzi titsakela ha wena; Ndzi ta yimbelela vito ra wena la nge henhlahenhla.

Pisalema 7:17

Ndzi ta dzunisa Yehovha hikwalaho ka ku lulama ka yena, Ndzi ta yimbelela vito ra Yehovha la nge henhlahenhla.

Ntirho 1:21

“Ndzi humile ekhwirini ra manana ndzi ri hava nchumu, ndzi ta tlhelela kona ndzi ri hava nchumu. Yehovha u ndzi nyikile, Yehovha u tlhele a teka; a ku dzunisiwe vito ra Yehovha!”

Nhlavutelo 10:6

yi hlambanya hi la hanyaka hi masiku ni masiku, la nga vumba tilo ni leswi nga eka rona, ni misava ni leswi nga eka yona, ni lwandle ni leswi nga eka rona, leswaku nkarhi wu nga ka wu nga ha vi kona,

Nhlavutelo 4:9

Kutani loko swivumbiwa leswi hanyaka swi ri karhi swi vula ku kwetsima, ni xichavo, ni ku khensa eka la tshameke exiluvelweni, la hanyaka hi masiku lama nga heriki,

Daniele 4:2

Ndzi kumile leswaku swi nga saseka loko ndzi mi tivisa swikombiso ni masingita lawa Xikwembu lexi nge henhlahenhla xi ma tirheke eka mina.

Daniele 4:36

Enkarhini wolowo ku tiva ku tlhelele eka mina, ku kwetsima ka vuhosi bya mina, ni vukulukumba bya mina, ni vulombi bya mina swi tlherisiwe eka mina; vatsundzuxi va mina, ni tindhuna ta mina va ta ndzi teka, kutani ndzi vuya ndzi vekiwa evuhosini, kutani ndzi engeteleriwa hi vukulukumba lebyi tlurisaka.

Daniele 5:18

Wena hosi, Xikwembu lexi nge henhlahenhla a xi nyikile Nebukadnetsara, tata wa wena, vuhosi, ni vukulukumba, ni ku twakala, ni ku vonakala.

Daniele 7:27

Kutani vuhosi, ni ku fuma, ni matimba ya ku fuma hinkwako loku nga ehansi ka matilo hinkwawo, swi ta nyikiwa tiko ra vahlawuriwa va Muungameri-la-tlakukeke; ku fuma ka yena i ku fuma loku nga heriki, kutani tihosi hinkwato ti ta n'wi tirhela, ti n'wi yingisa.’

Yonasi 1:14

Kavaloko va huwelela eka Yehovha, va ku: “Oho Yehovha! U nga hi lovisi hikwalaho ka vutomi bya wanuna loyi, kambe u nga hi rhwarisi ngati leyi nga riki na nandzu, hikuva wena, Yehovha, u endla hilaha u tirhandzelaka hakona.”

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

2 SAMIELE 22:31

“Ndlela ya Xikwembu yi lulamile, Rito ra Yehovha ri hlawulekile; I xitlhangu xa hinkwavo lava chavelaka ka yena.

1 TIKRONIKA 29:10

Kavaloko Davhida a khensa Yehovha emahlweni ka nhlengeletano hinkwayo, a ku: “A ku khensiwe Yehovha, Xikwembu xa Israele tata wa hina, hi masiku ni masiku!

1 TIKRONIKA 29:13

Oho! Xikwembu xa hina! Sweswi ha ku vonga, hi dzunisa vito ra wena leri kwetsimaka.

Pisalema 66:7

Xi fuma hi matimba ya xona hi laha ku nga heriki; Mahlo ya xona ma langutisa matiko. Lava tiarisaka va nga tshuki va tikurisa.

Pisalema 111:7

Mitirho ya mavoko ya yena i vunene ni ku lulama; Swileriso swa yena hinkwaswo swi tiyile;

Esaya 2:11

Mahlo lama honokeke ya lowa ku fa ma ta tsan'wisiwa, ku tikukumuxa ka tinhenha ku ta tsongahatiwa, kutani Yehovha a ri swakwe u ta tlakusiwa siku rero.

Esaya 13:11

Ndzi ta ba misava hikwalaho ka ku biha ka yona, ni swidyohi hikwalaho ka ku dyoha ka swona; ndzi ta herisa vukulu bya vatiarisi, ndzi tsongahata lava tikurisaka.

Daniele 9:14

Hikwalaho Yehovha a hitekeleke khombo lero, a ri tisela ehenhla ka hina, hikuva Yehovha, Xikwembu xa hina, u lulamile emitirhweni hinkwayo yoleyi a yi tirheke, kambe a hi yingisanga rito ra yena.