Daniele 4:33 - Xitsonga (Bibele)

³³ Hi nkarhi wolowo rito lero ri hetiseka ehenhla ka Nebukadnetsara; a hlongoriwa exikarhi ka vanhu; a dya byanyi kukotisa tihomu, miri wa yena wu tsakamisiwa hi mberha ya tilo, ni misisi ya yena yi ko yi n'wi milela kukotisa ya magama, ni min'wala kukotisa ya tinyanyana.

BIBELE Mahungu Lamanene

³³ Marito lawa ma hatle ma hetiseka eka Nebukadnetsara. Ú hlongoriwile a suka exikarhi ka vanhu, a ya dya byanyi ku fana ni homu, miri wa yena wu wela hi mberha, misisi ya yena yi kula yi leha ku fana ni tinsiva ta gama, ni min'wala ya yena yi leha ku fana ni ya tinyanyana.

Daniele 4:33 Referans Kwoze

Daniele 4:32

u ta hlongoriwa exikarhi ha vanhu, kutani u ta aka ni swiharhi swa nhova; u ta hanya u dya byanyi kukotisa tihomu, kutani mikarhi ya ntlhanu na mimbirhi yi ta hundza ehenhla ka wena, u ko u tiva leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.”

Daniele 4:25

U ta hlongoriwa u suka exikarhi ka vanhu, u ta tiakela ni swiharhi swa nhova; u nyikiwa ku dya byanyi kukotisa tihomu, u tsakamisiwa hi mberha ya le tilweni, kutani mikarhi ya ntlhanu na mimbirhi yi ta hundza ehenhla ka wena, u ko u tivisisa leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.

Daniele 5:21

A hlongoriwa exikarhi ka vana va vanhu, mbilu ya yena yi endliwa leyi fanaka ni ya swiharhi, a aka ni maduva, a dya byanyi kukotisa tihomu, ni miri wa yena wu tsakamisiwa hi mberha ya tilo ku fikela nkarhi lowu a tiveke ha wona leswaku Xikwembu lexi nge henhlahenhla, hi xona lexi nga ni ku fuma ehenhla ka vuhosi bya vanhu ni leswaku hi xona lexi vekaka loyi xi rhandzaka ku n'wi veka eka byona.

Daniele 5:5

Hi nkarhi wolowo, ku humelela tintiho ta voko ra munhu leti tsalaka ekalakeni ra khumbi ra yindlu ya hosi, ku lavana ni kandelari. Kutani hosi yi vona yinhla ya voko loko ri tsala.

Esaya 30:14

ku mbundzuka ka rona ku humelela kan'we, ri fayeka tanihi mbita ya vumba loko yi fayiwa ha vomu, leyi ku nga sariki xirhengele lexi munhu a nga okaka ndzilo ha xona, kumbe ku ka mati exihlobyeni ha xona.”

Ntirho 20:5

Xichavo xa timbabva xi hatle ku hela, Ni ku tsaka ka lowo biha i ka nkarhinyana ntsena?

1 Vatesalonika 5:2

Hikuva ma swi tiva swinene, na n'wina, leswaku siku ra Hosi ri ta humelela ri kotisa khamba ra vusiku.