Daniele 4:27 - Xitsonga (Bibele)

²⁷ Loko swi ri tano, hosi, amukela ku tsundzuxa ka mina. Herisa ku dyoha ka wena hi ku endla hi ku lulama, ni ku homboloka ka wena hi ku tsetselela xisiwana, loko kumbexana ku kateka ka wena ka ha ri ni nkarhi.”

BIBELE Mahungu Lamanene

²⁷ Kutani we hosi, amukela switsundzuxo swa mina: Tshika swidyoho swa wena, u endla leswo lulama; herisa ni ku homboloka ka wena, u komba tintswalo eka lava xanisiwaka; kumbexana, u nga engeteleriwa malembe ya ku tsaka.”

Daniele 4:27 Referans Kwoze

Yonasi 3:9

Ku tiva mani? Kumbe Xikwembu xi ta hundzuka, xi tlhela evukarini bya ku hlundzuka ka xona, hi nga ti lova.”

Timhaka 8:22

Hikwalaho, hundzuka eku biheni ka wena, u khongela Hosi leswaku kumbexana u nga khomeriwa ku anakanya ka mbilu ya wena;

Luka 11:41

Kambe nyikani swisiwana leswi nga endzeni ka swona, hi kona swilo hinkwaswo swi nga ta va swi basile eka n'wina.

Vaefesa 4:28

Loyi a nga tshama a yiva, a a nga ha engeti a yiva, kambe a a tikarhate ku tirha leswinene hi mavoko ya yena a ta tiva ku nyika eka loyi a nga evusiwaneni.

Vagalatiya 5:13

Vamakwerhu, mi vitaneriwile eku tshunxekeni; kambe ntsena mi nga tshuki mi endla ku tshunxeka wu va nkarhi wa ku hanya hi nyama, kambe tirhisanani hi rirhandzu.

Swivuriso 16:6

Ku dyoha ku funengetiwa hi tintswalo ni ntiyiso, Hi ku chava Yehovha, vanhu va fularhela swo biha.

1 Petro 4:8

Ngopfungopfu mi tiyisela eku rhandzaneni, hikuva rirhandzu ri ta funengeta swidyoho leswo tala.

Matewu 3:8

Loko swi ri tano, vekani mihandzu leyi fanelaka ku hundzuka.

Ezekiele 18:7

munhu la nga xanisiki van'wana, la tlheriselaka munhu xitshembiso xa yena, la nga yiviki; loko a nyika vuswa bya yena eka loyi a nga ni ndlala, loko a funengeta la nga ni vusweti,

Swivuriso 28:13

La fihlaka swidyoho swa yena, a nga ka a nga kateki, Kambe la swi vulaka, a tshika, u ta kuma tintswalo.

1 TIHOSI 21:29

“Xana u swi vonile hilaha Akabu a titsongahateke hakona emahlweni ka mina xana? Leswi a titsongahateke emahlweni ka mina, ndzi nga ka ndzi nga tisi khombo eku hanyeni ka yena; ndzi ta tisela yindlu ya yena khombo hi masiku ya n'wana wa yena.”

Timhaka 26:20

Kambe ndzi sungule ku ambela va Damaska, ni va Yerusalema, ni le tikweni hinkwaro ra Yudiya, ni le ka vamatiko, leswaku va hundzuka, va hundzukela eka Xikwembu, va tirha mitirho leyi fanekelaka ku hundzuka.

Pisalema 119:46

Ndzi ta vula switsundzuxo swa wena emahlweni ka tihosi, Kambe a ndzi nga vi na tingana.

Vagalatiya 5:22

Kambe mihandzu ya Moya, i rirhandzu, ni ku tsaka, ni ku rhula, ni ku yingisela, ni ku tsakelana, ni vunene, ni ku tshembeka, ni ku olova, ni ku tikhoma.

Vagalatiya 5:6

Hikuva eka Yesu Kriste, ku yimba hambi byi ri vukhuna, a swi pfuni nchumu, kambe ku pfuna ku pfumela loku tirhaka hi rirhandzu.

2 Vakorinto 5:11

Sweswi, hikwalaho ka ku tiva ku chavisa ka Hosi, hi khongotela vanhu ku pfumela; kutani hi tiviwa hi Xikwembu, kambe ndza tshemba leswaku ha tiviwa ni le timpfalweni ta n'wina.

Timhaka 24:25

Kakuloko a vula ku lulama ni ku tikhoma, ni ku avanyisiwa loku nga ta ta, Felikisi a khomiwa hi ku chava, kutani a hlamula, a ku: “U nga tifambela sweswi; siku ndzi kumaka nkarhi ndzi ta tlhela ndzi ku vitana.”

Yuwele 2:14

Ku tiva mani xana kumbe a nga ka a nga tlheri a rivalela, ni ku siya endzhaku ka yena ku kateka, ni mihlengo, ni magandzelo lama humeseriwaka Yehovha Xikwembu xa n'wina?

Duteronoma 24:13

u ta n'wi tlherisela xitshembiso kunene loko dyambu ri pela; u ta etlela engubyeni ya yena, a ku katekisa, kutani u ta va u lulamile emahlweni ka Yehovha, Xikwembu xa wena.

Yeremiya 29:7

Ma nga lavela muti lowo ndzi mi yiseke eku bohiweni eka wona ku tsaka, mi wu khongelela eka Yehovha, hikuva eku rhuleni ka wona, mi ta va ni ku rhula, na n'wina.

Yeremiya 38:20

Yeremiya a n'wi hlamula, a ku: “U nga ka u nga nyiketiwi, Kambe yingisela rito ra Yehovha leri ndzi ku byelaka rona: Swi ta saseka eka wena, kutani moya wa wena wu ta hanya;

Genesa 11:4

Va engeta va ku: “A hi yeni hi ya tiakela muti ni xihondzo, xihlungwa xa xona xi fika etilweni, hi tiendla vito, hi nga ti tshuka hi hangalasiwa ehenhla ka misava hinkwayo.”

Duteronoma 8:17

Chava ku vula embilwini ya wena, u ku: ‘Matimba ya mina, ni voko ra mina ra matimba swi ndzi fuwisile sweswo.’

Duteronoma 32:27

Kambe ndza chava ku pfuka ka nala, Ni leswaku valala va vona va ta tikanganyisa, Va ku: “Mavoko ya hina ma tlakusiwile,” Kambe a hi Yehovha la swi endleke hinkwaswo.’

Swivuriso 11:2

Loko ku humelela ku tikukumuxa, hilaha tingana ti humaka kona, Kambe vutlhari byi le ka lava titsongahataka.

Esaya 10:13

hikuva u te: “Ndzi endlile sweswo hi matimba ya voko ra mina ni vutlhari bya mina, hikuva ndzi tlharihile! Ndzi tshinetile mindzilekana ya matiko, ndzi titshumbele xuma xa wona; tanihi nhenha, ndzi wisile lava tshameke eswiluvelweni!

Esaya 47:8

Sweswi yingisa mhaka leyi, wena la rhandzaka mitsako, wena la akeke hi ku rhula, la nga ku embilwini ya wena: “Mina, mina ntsena! Ndzi nga ka ndzi nga vi noni, ndzi nga ka ndzi nga tsoniwi vana!”

Esaya 47:10

A wu tshemba mona wa wena, u ku: “A ndzi voniwi hi munhu!” Vutlhari ni vutivi bya wena a byi ku xisa, u te embilwini ya wena: “Mina, mina ntsena!”

Ezekiele 29:3

Vulavula, u ku: Hosi Yehovha u ri: Vona, Faro, ndzi le ka wena, hosi ya Egipta, ngwenya leyikulu leyi etlelaka emilambyeni ya yona, leyi vuleke leswaku: ‘Nambu wa mina i wa mina, hi mina ndzi tiendleleke wona!’

Ezekiele 29:9

Tiko ra Egipta ri ta va rhumbi ni ku onhaka; va ta swi tiva leswaku hi mina Yehovha, hikuva u te: ‘Nambu i wa mina, ndzi wu endlile.’

Amosi 6:13

N'wina lava tsakelaka swahava, mi nge: “Xana a hi matimba ya hina lawa hi nga ta endla ha wona swihontlovila xana?”

Habakuku 1:11

Kutani ri va ri hundza kukotisa moya, ri ya emahlweni, ri va ni nandzu, hikuva matimba walawo ya rona i xikwembu xa rona.

Sofoniya 2:15

Hi wona muti lowu tsakisiseke ingi wu tshamisile hi ku rhula, lowu ingi wu ku embilwini ya wona: “Hi mina ntsena, a ku na wumbe!” Wu hundzukise ku yini rhumbi laha ku etlelaka swiharhi kona xana? Un'wana ni un'wana la hundzaka emahlweni ka wona u ta yimba noti, a va a tsekatsekisa voko.