Daniele 4:11 - Xitsonga (Bibele)

¹¹ Murhi lowu a wu kula, wu kuma matimba kutani xicapila xa wona xi fika etilweni, kutani a wu voniwa hi lava nga emakun'wini ya misava.

BIBELE Mahungu Lamanene

¹¹ Murhi wa kona wu ya wu kula, wu tiya, wu ya dliva ni le tilweni hi ku leha ka wona, wu voniwa emisaveni hinkwayo.

Daniele 4:11 Referans Kwoze

Duteronoma 9:1

“Yingisa Israele! Namuntlha u ya pela Yordani, u ta nghena ku ya hlula matiko lama ku tlulaka hi vukulu, ni matimba, ni miti leyikulu leyi biyiweke ku fika etilweni,

Matewu 11:23

Na wena Kapernawume, la tlakusiweke ku fika le tilweni, u ta tsongahatiwa ku fikela endhawini ya lava feke; hikuva mahlori lama endliweke eka rikwenu, loko ingi ma endliwe Sodoma, muti wolowo a wu ta va wa ha ri kona ni sweswi.

Genesa 11:4

Va engeta va ku: “A hi yeni hi ya tiakela muti ni xihondzo, xihlungwa xa xona xi fika etilweni, hi tiendla vito, hi nga ti tshuka hi hangalasiwa ehenhla ka misava hinkwayo.”

Ezekiele 31:5

Hikwalaho nsinya wa wona wu tikukumuxeke ehenhla ka mirhi hinkwayo ya tiko, ni marhavi ya wona a ma andza, ni matluka ya wona a ma kula, hikuva a wu mirisiwa hi mati lamanyingi.

Ezekiele 31:12

Vamatiko lava chavisaka va wu tsemile va wu cukumeta; marhavi ya wona ma wele etintshaveni, ni le mikoveni hinkwayo, mahlampfu ya wona lama tshoviweke ma wele emilambyeni hinkwayo ya tiko, vanhu hinkwavo va misava va humele endzhutini wa wona, va wu siye kona.