Daniele 3:4 - Xitsonga (Bibele)

⁴ Kutani mutivisi wa timhaka ta hosi a huwelela hi rito leri tlakukeke, a ku: “Ma tivisiwa, n'wina vanhu va matiko, ni swivongo, ni tindzimi hinkwato, leswaku:

BIBELE Mahungu Lamanene

⁴ Kutani mutivisi wa timhaka ta tiko a huwelela swinene, a ku: “N'wina hinkwenu vanhu va tinxaka hinkwato, n'wina mi vulavulaka tindzimi to hambana-hambana, xileriso xa hosi hi lexi:

Daniele 3:4 Referans Kwoze

Daniele 6:25

Kutani hosi Dariyosi a tsala a ku: “N'wina va tinxaka hinkwato, ni va matiko hinkwawo, ni va tindzimi hinkwato lava akeke emisaveni hinkwayo a mi tateriwe hi ku tsaka!

Daniele 4:1

Mina, hosi Nebukadnetsara, ndzi tsalela vanhu hinkwavo, ni matiko, ni va tindzimi hinkwato, lava akeke ematikweni hinkwawo, ndzi ri: Ku tsaka a ku mi talele!

Mikiya 6:16

Ku karhi ku hlayisiwa ku lerisa ka Omri, ni mikhuva hinkwayo ya yindlu ya Akabu. Mi ya hi makungu ya vona leswaku ndzi ku nyiketa eku onhakeni, ni lava akeke emutini va ve xisandzu, kutani mi ta rhwala xisandzu xa tiko ra mina.”

Hosiya 5:11

Efrayimi wa tikeriwa, u tshovekile eku avanyiseni, hikuva u tirhandzele ku ya hi ku lerisa loku a tiendleleke kona,

Daniele 4:14

A huwelela hi rito leri tlakukeke, a vulavula, a ku: ‘Tsemani murhi, mi khutulela marhavi ya wona; hundlani matluka ya wona mi hangalasa mihandzu ya wona; swiharhi swi tsutsuma swi tshuka endzhutini wa wona, ni tinyanyana ta le tilweni emarhavini ya wona.

Esaya 58:1

“Huwelela hi matimba, u nga feleri rito ra wena, ri tlakuse tanihi nanga ku tivisa tiko ra mina e vudyoho bya rona, ni yindlu ya Yakobo swivi swa yona!

Esaya 40:9

Tlhandlukelani entshaveni leyo leha, n'wina lami tiselaka Siyoni mhaka leyo nandziha; tlakusani rito hi matimba, n'wina la mi tiselaka Yerusalema, mhaka leyo nandziha; ri tlakuseni, mi nga chaveni; byelani miti ya Yuda, mi ku: “Hi xona Xikwembu xa n'wina!”

Estere 8:9

Kwalaho vatsari va hosi va vitaniwa hi nkarhi wolowo, ri nga siku ra makume mambirhi na manharhu ra n'hweti ya vunharhu, yi nga n'hweti ya Sivani; ku tsariwa hinkwako hilaha Mordekayi a lerisaka hakona; ku tsaleriwa Vayuda ni tindhuna ta tihosi, ni vafumi, ni tihosana ta matiko, ku suka eIndiya ku fika eEtiyopiya, ma nga matiko ya 127, ku tsaleriwa tiko rin'wana ni rin'wana hi matsalele ya rona, ni vanhu van'wana ni van'wana hi ku vulavula ka vona, ni Vayuda hi matsalele ni ku vulavula ka vona.

Nhlavutelo 5:9

Kutani va yimbelela risimu lerintshwa, va ku: “U lulameriwe ku teka buku ni ku lemula ku tiyisa ka yona; hikuva u tlhaviwile, kutani u kutsulele Xikwembu hi ngati ya wena vanhu va tinxaka hinkwato, ni va tindzimi hinkwato, ni va swivongo hinkwaswo, ni va matiko hinkwawo;

Daniele 3:3

Kavaloko ku hlengeletana tihosana, ni tindhuna, ni vafumi, ni vaavanyisi lavakulu, ni vahlayisi va xuma, ni valunghisi va milawu, ni vaavanyisi, ni vafumi hinkwavo va matiko, va ta eku khanguleni ka xifaniso lexi hosi Nebukadnetsara a xi yimiseke; va ta va yima emahlweni ka xifaniso lexi yimisiweke hi Nebukadnetsara.

Daniele 3:7

Hi laha-ke, kuteloko va matiko hinkwawo va yingisa mpfumawulo wa mhalamhala, ni wa xitiringo, ni wa ritaninga ni wa haripa, ni wa psalteri, ni wa tinxaka hinkwato ta swa ku yimba, va matiko, ni swivongo, ni tindzimi, hinkwavo va khinsama, va gandzela xifaniso xa nsuku Lexi yimisiweke hi hosi Nebukadnetsara.

Daniele 3:10

Wena, hosi, u vekile ku lerisa leswaku un'wana ni un'wana la yingisaka mpfumawulo wa mhalamhala, ni wa xitiringo, ni wa ritaninga, ni wa haripa ni wa psalteri, ni wa gupu, ni wa leswi yimbiwaka hinkwaswo, a khinsama a gandzela xifaniso xa nsuku;