Daniele 2:45 - Xitsonga (Bibele)

⁴⁵ kukotisa loko u vone ribye leri phemekeke entshaveni, ku nga ri hi mavoko ya vanhu, ri seletela nsimbhi, ni koporo, ni vumba, ni silivhere, ni nsuku. Xikwembu lexikulu xi tivisile hosi leswi nga ta humelela endzhaku ka mikarhi leyi, kutani norho i wa xiviri, ni ku hlamusela ka wona ku tiyile.”

BIBELE Mahungu Lamanene

⁴⁵ Xikwembu lexikulu xi ku tivisile leswi nga ta humelela eminkarhini leyi taka: U vonile hilaha ribye ri phemekeke hakona entshaveni, ri nga khomiwanga hi munhu; naswona u vonile hilaha ri fayeteleke hakona nsimbhi ni koporo ni vumba ni silivhere ni nsuku. Norho lowu i ntiyiso, ni leswi wu vulaka swona swi tiyile.”

Daniele 2:45 Referans Kwoze

Esaya 28:16

Hikwalaho Hosi Yehovha u vurisile, a ku: “Vonani, ndzi veke Siyoni ribye ra masungulo, leri ringiweke, ra le yinhleni, ra risima, leri tiyisiweke. La tiseketelaka eka rona a nga ka a nga hatlisi ku chava.

Genesa 41:32

Kutani norho, loko wu humelele Faro kambirhi, hileswaku i mhaka leyi tiyisiweke hi Xikwembu, kambe Xikwembu xi ta hatlisa ku yi endla.

Malakiya 1:11

Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Pisalema 48:1

Yehovha u nkulukumba, U faneriwe hi ku vongiwa hinkwako, Emutini wa Xikwembu xa hina, entshaveni ya xona ya ku kwetsima.

2 SAMIELE 7:22

Sweswo u nkulukumba, Yehovha Xikwembu! Hikuva a ku na un'we la fanaka na wena, kutani a ku na Xikwembu ehandle ka wena, hilaha hi nga swi twa hinkwaswo hi tindleve ta hina.

Duteronoma 10:17

hikuva Yehovha, Xikwembu xa n'wina, Xikwembu xa swikwembu ni Hosi ya tihosi, i Xikwembu lexikulu, lexa matimba, ni lexi chavisaka, lexi nga yiki hi nghohe ya vanhu, lexi nga amukeriki tinyiko;

Genesa 41:28

Hi yona mhaka yoleyo ndzi byelaka Faro; leswi Xikwembu xi nga ta swi endla, xi kombise Faro.

Nhlavutelo 19:17

Kutani ndzi vona ntsumi yi yimile edyambyini, yi huwelela hi rito leri tlakukeke eka tinyanyana leti hahaka empfhukeni wa tilo, yi ku: “Tanani mi hlengeletanela nkhuvo lowukulu wa Xikwembu;

Nhlavutelo 4:1

Endzhaku ka sweswo ndzi languta, kutani ndzi vona nyangwa yi pfuriwile etilweni kutani rito lero rhanga leri ndzi ri tweke, ri vulavula na mina, ri fana ni nanga, ri ku: “Tlhandlukela halenu, ndzi ta ku kombisa leswi nga ta humelela endzhaku ka leswi.”

Nhlavutelo 1:19

Sweswi tsala timhaka leti u ti voneke ni leti nga kona sweswi, ni leti fanelaka ku ta endzhaku ka leti;

Luka 17:20

A vutisiwa hi Vafarisi leswaku ku fuma ka Xikwembu ku ta ta rini; kutani a va hlamula, a ku: “Ku fuma ka Xikwembu a ku ti hi ku twakala;

Matewu 24:35

Tilo ni misava swi ta hundza, kambe marito ya mina ma nga ka ma nga hundzi.

Matewu 21:24

Yesu a va hlamula, a ku: “Ndzi ta mi vutisa mhaka, na mina; loko mi ndzi byela yona, na mina ndzi ta mi byela matimba walawo ndzi endlaka swilo leswi ha wona:

Zakariya 12:3

Kambe hi siku rolero, ndzi ta endla ha Yerusalema ribye lero tika eka matiko hinkwawo; hinkwavo lava ri tlakulaka va ta vavisiwa, kutani matiko hinkwawo ya misava ma ta ri rhendzela.

Daniele 2:44

Emikarhini ya tihosi leti, Xikwembu xa matilo xi ta pfuxa ku fuma loku nga taka ku nga onhaki, ni siku ni rin'we, kutani vuhosi bya kona byi nga ka byi nga hundzeli eka tiko rin'wana; ku ta seletela ni ku herisa ku fuma kuloku hinkwako kambe kona ku ta va kona hilaha ku nga riki na makumu;

Daniele 2:24

Kavaloko Daniele a nghena eka Ariyoka, loyi hosi yi n'wi leriseke ku dlaya tintlhari ta Babilona; a fika, a ku eka yena: “U nga tshuki u lovisa tintlhari ta Babilona, ntsena ndzi nghenise emahlweni ka hosi, kutani ndzi ta tivisa hosi nhlamuselo ya norho.”

Pisalema 145:3

Yehovha u nkulukumba, u faneriwa hi ku vongiwa hinkwako; Vukulukumba bya yena a byi na ku pimiwa:

Pisalema 135:5

Ndzi tiva leswaku Yehovha i nkulukumba, Hosi ya hina yi kulukumba ngopfu ku tlula swikwembu hinkwaswo.

Pisalema 96:4

Hikuva Yehovha hi lonkulu, wa dzuneka ngopfu, Wa chavisa ku tlurisa swikwembu hinkwaswo;

Ntirho 36:26

Xikwembu i xikulu, kambe hi nga ka hi nga tivisisi vukulu bya xona; Ntsengo wa malembe ya xona a wu hlayiwi.

Nehemiya 9:32

“Kutani sweswi, Xikwembu xa hina Xikwembu lexikulu xa matimba, lexi chavisaka, lexi hlayisaka ntwanano ni tintswalo, mahlomulo ma nga tshuki ma va matsanana emahlweni ya wena lama hi humeleleke hina ni tihosi ta hina, ni tihosana ta hina ni vaprista va hina, ni vaprofeta va hina, ni vatata wa hina, ni tiko ra hina hinkwaro, ka ha ri emikarhini ya tihosi ta Asiriya ku ta fikela siku ra sweswi.

Nehemiya 4:14

Kutani ndzi languta ndzi yimile, ndzi ku eka vakulukumba, ni ka tihosana, ni ka van'wana va tiko: “Mi nga va chaveni; mi anakanya Hosi leyikulu leyi chavisaka, mi lwela vamakwenu ni vana va n'wina, ni vana va xisati va n'wina, ni vasati va n'wina, ni tindlu ta n'wina.”

1 TIKRONIKA 16:25

Hikuva Yehovha u nkulukumba, u fanele ku dzunisiwa, Wa chavisa ku tlurisa swikwembu hinkwaswo;

Daniele 2:28

Kambe xi kona Xikwembu ematilweni, lexi hlavutelaka swihundla, kutani xi tivisile hosi Nebukadnetsara leswi nga ta humelela emikarhini leyi nga ta ta. Norho wa wena, ni leswi u swi voneke, leswi tikombiseke enhlokweni ya wena ebyetlelweni bya wena, hi swo leswi:

Daniele 2:29

Kakuloko u etlele, wena hosi, u lo humeleriwa hi miehleketo ya leti nga ta endlakala emikarhini leyi nga ta ta; kutani loyi a kombisaka swihundla u ku tivisile leswi nga ta ta.

Daniele 8:25

Kutani hikwalaho ka ku tlhariha ka yena, mano ma ta kateka emavokweni ya yona, kutani yi ta tikurisa embilwini ya yona, yi va yi dlaya lavo tala lava tshameke hi ku tsaka, kutani yi ta pfukela Hosi ya tihosi matimba, kambe yi ta tshoviwa ku nga ri hi voko ra munhu.

Genesa 41:26

Tihomu letinene ta ntlhanu na timbirhi, i malembe ya ntlhanu na mambirhi; kutani min'oko leyinene ya ntlhanu na mimbirhi, i malembe ya ntlhanu na mambirhi; i norho wun'we.

Pisalema 2:9

U ta ma tshova hi nhonga ya nsimbhi, U ta ma fayetela kukotisa mbita ya muvumbi.”

Hagayi 2:22

ndzi lovisa matimba ya ku fuma ka matiko, ndzi andlala tigolonyi ni lava fambaka ha tona; tihanci ni vakhandziyi va tona va ta wa un'wana ni un'wana hi fumu ra warikwavo.