Daniele 2:41 - Xitsonga (Bibele)

⁴¹ Loko swi ri leswi u swi voneke, yi nga mikondzo ni tintiho ta yona, byi ri vumba bya muvumbi, tlhelo rin'wana a yi ri ya nsimbhi; ku fuma kuloku ku ta va loku avaneke kambe ku ta va ni matimba ya nsimbhi, hikuva u vonile nsimbhi leyi hlanganisiweke ni vumba.

BIBELE Mahungu Lamanene

⁴¹ U vonile ni minkondzo ni swikunwana swa nsimbhi yo pfanganyisiwa ni vumba; leswi swi vula leswaku mfumo lowu wa vumune wu ta va wu avanile, kambe wa ha ta va ni matimbanyana, hilaha u voneke nsimbhi yi pfanganyisiwile ni vumba.

Daniele 2:41 Referans Kwoze

Nhlavutelo 17:12

Timhondzo ta khume leti u ti voneke, i tihosi ta khume leti nga siki kumaka vuhosi, kambe ti ta teka vuhosi swin'we ni xivandzana hi nkarhi wu ri wun'we.

Nhlavutelo 13:1

Kutani ndzi vona xivandza lexi humaka elwandle, xi ri ni timhondzo ta khume, ni tinhloko ta ntlhanu na timbirhi; etimhondzweni ta xona, xi rhwele tihari ta khume etinhlokweni ta xona, ku tsariwile mavito ya xisandzu.

Nhlavutelo 12:3

Kambe ku humelela singita rin'wana etilweni: I dragona leyikulu leyo tshwuka, yi nga ni tinhloko ta ntlhanu na timbirhi ni timhondzo ta khume; etinhlokweni ta yona a ku ri ni tihari ta ntlhanu na timbirhi.

Daniele 7:24

Timhondzo leta khume, i tihosi ta khume leti nga ta humelela eku fumeni koloko, kutani un'wana u ta humelela endzhaku ka tona, a nga fani na tin'wana, kutani u ta tsongahata tihosi tinharhu.

Daniele 7:7

“Endzhaku ka sweswo, loko ndzi languta eswivonweni swa vusiku, ndzi vona xivandza xa vumune lexi chavisaka, lexo leva, lexi hundzisaka hi matimba, xi ri ni meno lamakulu ya nsimbhi, a xi phorha xi tshovelela, xi kandziyela hi milenge leswi seleke; a xi nga fani ni swivandza swin'wana leswi xi rhangeleke emahlweni, kambe a xi ri ni timhondzo ta khume.

Daniele 2:40

Kutani ku fuma ka vumune ku ta va ni matimba kukotisa nsimbhi; kukotisa nsimbhi loko yi tshovelela, yi fayetela swilo hinkwaswo; hi sweswo u ta kotisa nsimbhi leyi fayaka, u ta tshovelela ni ku fayetela hinkwaswo.

Daniele 2:42

Loko ti ri tintiho ta mikondzo a ti ri ta nsimbhi leyi pfanganeke ni vumba; ku fuma loku, ku ta va ni matimba tlhelo rin'wana, kambe tlhelo rin'wana, ku ta va loku fayekaka.