Daniele 2:2 - Xitsonga (Bibele)

² Kutani hosi yi lerisa leswaku ku rhambiwa tintlhari, ni vabvumbi, ni vangoma, ni Vakalediya, va ta hlamusela hosi ku lorha ka yona. Kavaloko va ta, va yima emahlweni ka hosi.

BIBELE Mahungu Lamanene

² Kutani Nebukadnetsara a lerisa leswaku ku hlengeletiwa vangoma, ni vavhumbhi, ni vanyamusoro, ni Vakalediya, va ta entsindza ku ta n'wi hlamusela norho wa yena. Hiloko va ta va ta yima emahlweni ka yena.

Daniele 2:2 Referans Kwoze

Daniele 1:20

Kutani etimhakeni hinkwato ta vutlhari ni mano hosi yi va vutisaka tona, yi kuma leswaku va tlula eka khume tintlhari hinkwato, ni vangoma lava nga eku fumeni hinkwako ka yona.

Daniele 4:6

Ndzi kondza ndzi lerisa leswaku ku tisiwa emahlweni ka mina lava vutlhari hinkwavo va Babilona va ta ndzi funungulela norho wolowo.

Eksoda 7:11

Kambe Faro a vitana tintlhari ni vangoma; kutani na vona, hikuva a ti ri tintlhari ta Egipta, va endlisa sweswo hi vutlhari bya vona:

Genesa 41:8

Nimixo, moya wa Faro a wu tshukile; kutani a rhuma ku ya vitana vangoma hinkwavo va Egipta ni tintlhari ta kona. Kutani Faro a va hlavutela milorho ya yena, kambe a ku vanga na un'we wa vona la tivaka ku hlamusela swona eka Faro.

Daniele 5:7

Kutani hosi yi huwelela hi matimba leswaku ku tisiwa vangoma, ni Vakalediya ni va vungoma bya tinyeleti. Kutani hosi yi vulavula ni lava vutlhari va Babilona, yi ku: “Munhu, hambi a ri mani na mani, la nga ta hlaya leswi tsariweke la, la nga ta ndzi hlamusela swona, u ta ambexiwa nguvu ya xivunguvungu, u ta veheriwa ritlama ra nsuku enhan'wini, a nyikiwa ni xitshamo xa vunharhu eku fumeni ka mina.”

Daniele 2:10

Vakalediya va hlamula emahlweni ka hosi, va ku: “A ku na munhu emisaveni la nga tivaka ku humesa leswi komberiwaka hi hosi; na swona a ku na hosi, hambi yi ri leyikulu ni leya matimba leyi tshamaka yi lava, ni siku ni rin'we, xilo lexo tano eka mungoma ni loko ku ri ka ntlhari, kumbe ka Mukalediya.

Esaya 19:3

Moya wa Egipta wu ta titivala, ndzi ta herisa makungu ya vona, va ta ya hlahluva eka swikwembu swahava, ni ka vangoma, ni ka vona lava vutisaka vafi, ni ka vabvumbi.

Esaya 8:19

Loko va nga ku eka n'wina: “Vutisisani lava humesaka mimoya ya vafi, ni vabvumbi lava hlevetelaka, lava n'unun'utaka, mi ta ku: ‘Xana tiko a ri faneli ku vutisa Xikwembu xa rona xana? Xana ku nga vutisiwa vafi timhaka ta lava hanyaka xana?’ ”

Estere 1:13

Hilaha hosi yi vulavulaka ni lava vutlhari lava tivaka mikarhi (hikuva mhaka yihi ni yihi ya hosi a yi vulavurisiwa xisweswo emahlweni ka hinkwavo lava tivaka ku lerisa ni timfanelo);

Daniele 1:4

ti va timbhuri leti nga riki na xisandzu ni xivati, ta mimombo leyo saseka, leta vutlhari, leti humeleleke emahlweni hi tidyondzo, leti nga ni ku twisisa vutivi, leti lulameleke ku nghena entirhweni wa yindlu ya hosi, ti ta dyondzisiwa ririmi ni matsalwa ya Vakalediya.

Daniele 2:27

Daniele a hlamula emahlweni ka hosi, a ku: “Xihundla lexo hosi yi kombelaka nhlamuselo ya xona, a ku na munhu exikarhi ka tintlhari, ni loko ku ri eka lava bvumbhaka, kumbe eka lava dyondzeke, kumbe eka lava xiyaka tinyeleti, la nga tivaka ku xi tivisa hosi.

Daniele 3:8

Kwalaho, enkarhini wolowo, vanhu van'wana va Kalediya va tshinelela, va ta hehla Vayuda;

1 SAMIELE 6:2

Kutani Vafilista va vitana vaprista ni vangoma, va ku: “Hi ta endla yini hi areka ya Yehovha xana? Hi tiviseni mukhuva lowu hi nga ta yi tlherisela ekaya ka yona ha wona.”

Daniele 4:3

Swikombiso swa xona, kasi swonghasi! Ni masingita ya xona ma ni matimba wonghasi! Vuhosi bya xona i vuhosi Lebyi nga heriki, ni ku fuma ka xona ku tshama etinxakeni leti nga heriki.