Daniele 12:6 - Xitsonga (Bibele)

⁶ Kutani un'wana a ku eka munhu la ambaleke ntsembyana, a yimile ehenhla ka mati ya nambu: “Xana ku hela ka timhaka teto ta masingita ku ta ta rini?”

BIBELE Mahungu Lamanene

⁶ Kutani ndzi vulavula ni wanuna loyi a a yimile enambyeni a ambele swiambalo swa ntsembyani, ndzi ku: ‘Swilo leswi swo hlamarisa, swi ta teka nkarhi wo tani hi kwihi xana?’

Daniele 12:6 Referans Kwoze

Daniele 8:13

Kutani ndzi yingisa un'wana wa vahlawuriwa a vulavula; kutani muhlawuriwa un'wana a hlamula la nga sungula ku vulavula, a ku: “I mangani masiku lama hlayiweke eka xivono lexi ematshan'weni ya gandzelo ra masiku, ni le matshan'weni ya xidyoho lexi onhaka xana? Xikwetsimisiso ni mavandla swi ta hluriwa swi kandziyeriwa ku yisa kwihi?”

Ezekiele 9:2

Kutani, vonani, vavanuna va ntlhanu na un'we va ta hi ndlela ya nyangwa ya le henhla, tlhelo ra n'walungu; un'wana ni un'wana a tamele tlhari ra yena ra ku onha evokweni; exikarhi ka vona a ku ri ni munhu un'wana, a ambele nguvu ya ntsembyana, a a ri ni nkotloto wa mutsari, wu bohiwile exifungheni xa yena, kutani va nghena, va yima ekusuhi ni alitari ya koporo.

Daniele 8:16

Kutani ndzi twa rito ra munhu leri sukaka exikarhi ka nambu wa Ulayi, ri huwelela, ri ku: “Gabriele, n'wi hlavutelele leswi a swi voneke.”

Nhlavutelo 19:14

Mavandla ya le tilweni a ma n'wi landzelela, va khandziyile tihanci to basa, va ambele ntsembyana lowo vevuka lowo basa, lowu tengeke.

Nhlavutelo 15:6

Kutani tintsumi ta ntlhanu na timbirhi leti tameleke makhombo ya ntlhanu na mambirhi, ti huma etempeleni, ti ambele ntsembyana lowo saseka lowo vangama, ti tibohile eswifuveni hi mavamba ya nsuku.

Nhlavutelo 6:10

A va huwelela hi rito lerikulu, va ku: “Hosi yo kwetsima ya ntiyiso, u ta hlwela ku ri kungani ku avanyisa ni ku rihisa ngati ya hina eka lava akeke emisaveni xana?”

1 Petro 1:12

Kutani va kombisiwile leswaku a va titirhelanga, kambe va tirhele hina, etimhakeni leti mi ti byeriweke sweswi, hi lava mi dyondziseke hi Moya lowo Kwetsima lowu rhumiweke, wu huma etilweni, ti nga timhaka leti tintsumi ti navelaka ngopfu ku ti hlometela.

Vaefesa 3:10

leswaku vutlhari bya Xikwembu lebyi mikhuva ya byona yi nga tala hilaha ku nga hlayiwiki, byi kombisiwa sweswi hi Kereke, eka vakulukumba ni ka vafumi va le matilweni,

Pisalema 74:9

A ha ha voni swikombiso swa hina, A ka ha ri na muprofeta; Exikarhi ka hina, a ku na la tivaka leswaku ku ta yisa kwihi.

Matewu 24:3

Kuteloko a tshamile eNtshaveni ya Mitlhwari, vadyondzisiwa va yena va ta eka yena va ri swavo, va ku eka yena: “Hi byele nkarhi lowu swi nga ta humelela ha wona, ni lexi nga ta va xikombiso xa ku ta eka wena, ni xa ku hela ka misava.”

Marka 13:4

“Hi byele nkarhi lowu timhaka leti ti nga ta humelela ha wona, ni xikombiso xi ta va xihi xa nkarhi lowu hinkwaswo leswo swi nga ta hetisiwa ha wona?”

Daniele 12:5

Kutani, mina Daniele, ndzi languta, kutani vonani, vavanuna van'wana vambirhi a va yimile, un'wana entsungeni wa halenu wa nambu, un'wana entsungeni wa hase.

Daniele 12:8

Kutani mina ndzi yingisa, kambe a ndzi twisisanga, kutani ndzi ku: “Hosi yanga, timhaka teto ti ta helela kwihi?”