Daniele 12:12 - Xitsonga (Bibele)

¹² Ku katekile la langutelaka, kutani a ya fika eka masiku ya 1 335.

BIBELE Mahungu Lamanene

¹² Ku ta kateka loyi a nga ta tiyisela, ku kondza ku hundza masiku ya 1 335.

Daniele 12:12 Referans Kwoze

Daniele 8:14

A ku eka mina: “Ma ta va masiku ya 2 300, loko ku hlayiwa madyambu ni mixo; kutani xikwetsimisiso xi ta basisiwa.”

Esaya 30:18

Hikwalaho Yehovha u ta mi langutela ku mi tsetselela, u ta tshinela a mi tsetselela, hikuva Yehovha i Xikwembu lexi lulameke, xi katekisa hinkwavo lava xi tshembaka!

Nhlavutelo 20:4

Kavaloko ndzi vona swiluvelo; kutani van'wana va tshamisa ehenhla ka swona, va nyikiwa matimba ya ku avanyisa. Ndzi vona ni mimoya ya lava tsemiweke tinhloko hikwalaho ka vumbhoni bya Yesu, ni hikwalaho ka rito ra Xikwembu, ni lava nga gandzelangiki xivandza, hambi xi ri xifaniso xa xona, ni lava nga amukelangiki mfungho wa xona emimombyeni ni le mavokweni ya vona; kutani va hanya, ni ku fuma na Kriste hi malembe ya khume ra madzana.

Varhoma 11:15

Hikuva loko ku tshiketiwa ka vona ku hundzukile ku hlanganisiwa ka misava, ku amukeriwa ka vona ku ta va yini, loko ku nga ri ku pfuka ka lava feke xana?

Nhlavutelo 11:2

Kambe loko ri ri rivala leri nga ehandle ka tempele, u ri siya u nga ri pimi, hikuva ri nyikiwile vamatiko; kutani va ta kandziyela muti lowo kwetsima hi tin'hweti ta mune wa makume na timbirhi.

Nhlavutelo 12:6

Kutani wansati a balekela emananga, laha a lunghiseriweke vutshamo hi Xikwembu, leswaku a phameriwa kona hi masiku ya 1 260.

Nhlavutelo 13:5

Kutani xi nyikiwa nomu lowu tidzunisaka hi leswikulu, lowu sandzaka; xi nyikiwa ni matimba ya ku tirha hi tin'hweti ta mune wa makume na timbirhi.

Ezekiele 4:6

Loko u ma hetile, u ta engeta u etlela hi rivambu ra xinene ra wena, sweswo u ta rhwala ku homboloka ka yindlu ya Yuda hi masiku ya mune wa makume. Siku rin'wana ni rin'wana ri ringanisa lembe.