Daniele 11:40 - Xitsonga (Bibele)

⁴⁰ “Emikarhini ya makumu, hosi ya le dzongeni yi ta himana na yena, kutani hosi ya le n'walungwini yi ta wela ehenhla ka yena kukotisa xidzedze, hi tigolonyi ni lava khandziyeke tihanci, ni mabyatso layo tala; a ta nghena ematikweni a vavamela kukota nambu.

BIBELE Mahungu Lamanene

⁴⁰ “Eminkarhini ya makumu, mufumi wa le Egipta ú ta ya a ya lwa ni mufumi wa le Siriya, kambe yena ú ta n'wi hlanganisa ku fana ni xihuhuri. Ú ta n'wi tela hi makalichi ya nyimpi, ni vagadi va tihanci, ni tingalava leto tala. Ú ta ya nghena ni le matikweni man'wana a ma hlasela ku fana ni ndhambi ya mati lama hobomulanaka.

Daniele 11:40 Referans Kwoze

Daniele 11:35

Kutani exikarhi ka lava tlhariheke, van'wana va ta wa leswaku va ta ringetiwa, ni ku hlantswiwa, ni ku basisiwa, ku yisa emikarhini leyo hetelela, hikuva, na yona mhaka leyo, yi vekeriwe nkarhi lowu; vekiweke.

Daniele 11:10

“Kambe vana va yena va ta sungula ku lwa, va hlengeleta mavandla layo tala ngopfu; un'wana wa vona u ta fika a tata hinkwako, a tlhela a vuya, a tiyisa ku sivetela khokholo.

Esaya 5:28

Miseve ya vona ya kariha, mavurha ya vona ma kungiwile masondzo ya tihanci ta vona ma fana ni maribye, mavhilwa ya tigolonyi ta vona ma haha tanihi xidzedze.

Nhlavutelo 16:12

Ntsumi ya ntlhanu na yin'we yi chulula ximbitana xa yona enambyeni lowukulu wa Yufrata; kutani mati ya wona ma phya, leswaku ku lunghisiwa ndlela ya tihosi ta le vuxeni.

Zakariya 9:14

Yehovha u ta humelela a tlakuka ehenhla ka vona, nseve wa yena wu ta copiwa kukota rihati. Hosi Yehovha u ta yimba nanga, u ta famba a ri exidzedzeni lexi humaka edzongeni.

Daniele 12:4

“Kutani wena, Daniele, funengeta timhaka leto, u lemela buku leyi ku yisa enkarhini wa makumu; lavo tala va ta yi xiya, kutani ku tiva ku ta engeteleka.”

Ezekiele 38:4

Ndzi ta ku humesa, ndzi ta nghenisa swove etinhlayeni ta wena, ndzi ku humesa wena ni nyimpi ya wena hinkwayo, tihanci ni vakhandziyi va tona lava havaxeleke hinkwavo mahavelo ya vona hinkwawo; ntshungu lowukulu lowu tamelaka xitlhangu ni nhlungula, hinkwavo vatameri va ripanga;

Yeremiya 4:13

Langutani muonhi u tlhandluka kukotisa mapapa; tigolonyi ta yena ti kotisa xidzedze; tihanci ta yena ti tlula makoti hi ku tsutsuma; khombo ri le ka hina, hikuva ha borisiwa!

Esaya 21:1

Tanihi swidzedze swa dzonga leswi hungaka emananga, wa ta, u huma emisaveni leyi chavisaka.

Nhlavutelo 9:16

Vunyingi bya mavandla bya lava khandziyeke tihanci a byi ri bya madzana mambirhi ya timiliyoni (200 000 000), ndzi twile ntsengo wa tona.

Daniele 11:22

Mavandla lama taka, ma ta kukuretiwa hi yena, ma hluriwa, swin'we ni hosi yin'wana leyi endleke xinakulobye na yena.

Daniele 8:17

Kutani a tshinelela laha ndzi yimeke kona, kakuloko a ta, ndzi rhurhumela, ndzi wa hi mombo ehansi, kutani a ku eka mina: “Xiyaxiya, n'wana wa munhu, ku vona loku ku ta hetiseka eminkarhini ya makumu.”

Esaya 66:15

Hikuva, waswivo, Yehovha u ta ta ni ndzilo ni golonyi ya yena tanihi xihuhuri, ku halata vukari bya yena, byi va byi pfurha, ni ku chavisa ka yena, ma va malangavi ya ndzilo.

Daniele 11:7

“Kambe hluke rin'wana ra timitsu ta yena ri ta humelela exitshan'weni xa yena, u ta ta enyimpini, u ta nghena emakhokholweni ya hosi ya le n'walungwini, kutani a endla hi vona hilaha a rhandzaka ha kona, a va hlula.

Daniele 11:11

Kutani hosi ya le dzongeni yi ta kariha ngopfu, yi ta huma nyimpi ku ya lwa na yena, yi ri hosi ya le n'walungwini, yona yi ta rhamba mavandla lamakulu; kambe mavandla lawa ma ta nyiketiwa emavokweni ya yena.

Daniele 11:13

Hikuva hosi ya le n'walungwini yi ta hlengeleta kambe mavandla layo tala lama hundzisaka yo sungula, kutakuloko ku hundzile malembe man'wana, yi ta fika, yi ri ni nyimpi leyikulu ni vuhosi lebyo tala.

Daniele 11:25

Kutani u ta tinyika matimba, a tiyisa mbilu ku ya lwa ni hosi ya le dzongeni hi mavandla lamakulu; kutani hosi ya le dzongeni yi ta ya lwa hi nyimpi leyikulu leyi tlurisaka hi matimba, kambe yi nga ka yi nga tiyi, hikuva va ta endla hi mano ku n'wi onha.

Daniele 11:39

U ta endlisa sweswo ni xikwembu xin'wana emakhokholweni man'wana, kutani lava nga ta xi khongela, u ta va dzunisa ngopfu, a va veka eku fumeni ka lavo tala, a va avela matiko ku va khensa.

Daniele 12:9

A ku eka mina: “Famba, Daniele, hikuva timhaka leti ti ta sala ti funengetiwile, ti lemeriwile ku fikela enkarhini wa makumu.

Habakuku 3:14

Hi miseve ya wena, u tlhava tinhloko ta tinhenha ta yena, lava taka kukotisa xidzedze ku ta hi hangalasa, lava veke va tsakisisa ingi hiloko va dya swisiwana exihundleni.

Ezekiele 38:9

U ta khandziya, u fika kukotisa xidzedze, u ta fana ni papa leri nga ta funengeta misava, wena ni mitlawa ya wena hinkwayo, ni matiko layo tala hinkwawo lama nga na wena.