Daniele 11:36 - Xitsonga (Bibele)

³⁶ “Kutani hosi yi ta endla hilaha yi rhandzaka hakona, yi ta tikurisa, yi titlakusa ehenhla ka swikwembu hinkwaswo, kutani yi ta hleva Xikwembu xa swikwembu hi swisandzu leswi hlamarisaka, yi ta khuluka ku ko ku fika ku hetisekeni ka vukari, hikuva lexi lerisiweke xi ta endlakala.

BIBELE Mahungu Lamanene

³⁶ “Mufumi wa tiko ú ta hamba a tiendlela hi ku rhandza, a tidzunisa, a tikurisa emahlweni ka xikwembu xin'wana ni xin'wana; ú ta vulavula swilo leswo biha ehenhla ka Xikwembu lexikulu. Eka hinkwaswo leswi a nga ta swi endla, ú ta humelela ku kondza nkarhi wa ku biwa wu fika, hikuva leswi bohiweke khale swi ta hetiseka.

Daniele 11:36 Referans Kwoze

2 Vatesalonika 2:4

la kanetaka ni la titlakuselaka ehenhla ka hinkwaswo leswi vuriwaka Xikwembu ni leswi khinsameriwaka, a ko a tshamisa kukota Xikwembu etempeleni ya Xikwembu, a ri karhi a tivula Xikwembu.

Daniele 8:19

Kutani a ku eka mina: “Languta, ndzi ta ku kombisa leswi nga ta humelela emakun'wini ya vukari, hikuva wu kona nkarhi lowu vekeriweke makumu.

Duteronoma 10:17

hikuva Yehovha, Xikwembu xa n'wina, Xikwembu xa swikwembu ni Hosi ya tihosi, i Xikwembu lexikulu, lexa matimba, ni lexi chavisaka, lexi nga yiki hi nghohe ya vanhu, lexi nga amukeriki tinyiko;

Daniele 11:16

Kutani loyi a rhambiweke ku ya lwa na yena, u ta endla hilaha a rhandzaka hakona, kutani a ku na munhu la nga ta n'wi tiyela; kutani u ta yima etikweni, ri ri tiko ro saseka, kutani ku onha ku ta va kona evokweni ra yena.

Daniele 2:47

Kutani hosi yi vulavula na Daniele, yi ku: “Kunene Xikwembu xa n'wina i Xikwembu xa swikwembu, ni Hosi ya tihosi, ni muhlavuteri wa swihundla, hikuva xi kotile ku ndzi hlavutela xihundla xexo.”

Esaya 14:13

U kanela embilwini ya wena, u ku: ‘Ndzi ta khandziya ehenhla, ndzi tlakusa xiluvelo xa mina ehenhla ka tinyeleti ta Xikwembu; ndzi tshamisa entshaveni ya nhlengeletano, emakun'wini ya n'walungu.

Nhlavutelo 10:7

kambe emasikwini ya rito ra ntsumi ya ntlhanu na mambirhi, loko yi ta yimba nanga hilaha xihundla xa Xikwembu xi nga ta hetiseka hilaha xi byeleke malandza ya xona ya vaprofeta hakona.

Esaya 10:25

Hikuva ku nga ha ri kungani, ku kariha ka mina ku ta hundza, ni vukari bya mina byi ta hambuka eka vona, byi va lovisa.

Pisalema 136:2

Dzunisani Xikwembu xa swikwembu, Hikuva tintswalo ta xona hi leti nga heriki!

Nhlavutelo 17:17

Hikuva Xikwembu xi nghenisile etimbilwini ta swona ku endla makungu ya xona hi ku pfumelelana, ni ku nyika xivandzana ku fuma ka vona, ku ko ku hetiseka marito ya Xikwembu.

Nhlavutelo 17:3

Kutani yi ndzi yisa emananga hi moya, kutani ndzi vona wansati la tshameke ehenhla ka xivandzana xa ribungu lexi teleke mavito ya xisandzu, lexi ngi xi ri ni tinhloko ta ntlhanu na timbirhi, ni timhondzo ta khume.

Nhlavutelo 12:14

Kutani wansati a nyikiwa timpapa timbirhi ta gama lerikulu, leswaku a hahela emananga exivandleni xa yena, laha a phameriwaka kona hi nkarhi wun'we, ni mikarhi mimbirhi, ni hafu ya nkarhi, a ri ekule ni nyoka.

Timhaka 4:28

ku endla hinkwaswo leswi voko ra wena ni makungu ya wena ma swi leriseke eku sunguleni leswaku swi ta humelela.

Yohane 6:38

Hikuva ndzi xikile hi le tilweni, ku nga ri ku endla ku rhandza ka mina, kambe ku endla ku rhandza ka la ndzi rhumeke.

Yohane 5:30

“Ndzi nga ka ndzi nga endli nchumu ndzi ri swanga; ndza avanyisa hilaha ndzi yingisaka hakona, kutani ku avanyisa ka mina ku lulamile, hikuva a ndzi lavi lexi rhandziwaka hi mina, kambe ndzi lava lexi rhandziwaka hi Tatana la ndzi rhumeke.

Daniele 12:7

Kutani ndzi twa munhu la ambaleke ntsembyana, la yimeke ehenhla ka mati ya nambu, loko a tlakusa voko ra yena ra xinene ni voko ra ximatsi ehenhla, a hlambanya hi La hanyaka hilaha ku nga heriki, a ku: “Ku sele nkarhi wun'we, ni mikarhi mimbirhi ku yisa exikarhi ka nkarhi wun'wana; kutani leswo hinkwaswo swi ta endlakala loko matimba ya tiko lero kwetsima ma tshoviwile hinkwawo.”

Daniele 11:3

Kutani ku ta pfuka hosi ya vurhenha leyi nga ta va ni matimba lamakulu, yi ta endla hilaha yi rhandzaka hakona.

Daniele 8:4

Ndzi vona khuna ri paletela vupeladyambu, ni le n'walungwini, ni le dzongeni, ku nga ri na xiharhi lexi nga ri tiyelaka, ku nga ri na munhu la nga lamulelaka ematimbeni ya rona; kutani ri endla hilaha ri rhandzaka hakona, ri ri karhi ri tinyika matimba.

Daniele 7:8

Kakuloko ndzi languta timhondzo toleto, ndzi vona rimhondzwanyana rin'wana ri humelela exikarhi ka timhondzo tin'wana, kutani timhondzo tinharhu ta leto sungula ti guriwa hi rona, kutani, vonani, rimhondzo lero a ri ri ni mahlo lama fanaka ni ya munhu, ni nomu lowu vulavulaka hi ku tikurisa.

Daniele 4:35

Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Esaya 46:10

Ndzi tivisa ka ha ri eku sunguleni leswi nga ta humelela eku heteleleni, ni leswi nga siki humelelaka, ndza swi bvumbha. Makungu ya mina ma ta tiya, kutani ndzi ta endla ku rhandza ka mina hinkwako.

Esaya 26:20

Yana, tiko ra mina, u nghena emakamareni ya wena, u pfala nyangwa endzhaku ka wena; tumbela nkarhinyana, vukari bya yena byi ko byi hundza.

Swivuriso 19:21

Meehleketo yo tala yi le mbilwini ya munhu, Kambe makungu ya Yehovha hi wona lama tiyeke.

Pisalema 33:10

Yehovha u onha makungu ya vamatiko; Wa endla mianakanyo ya matiko swahava.

Yoxuwa 22:22

“Xikwembu xa matimba, Xikwembu, Yehovha wa swi tiva, na yena Israele u ta swi tiva! Loko hi endlile sweswo ku pfuka Yehovha ni ku n'wi dyohela, u nga tshuki u hi ponisa namuntlha.

2 Vatesalonika 2:3

mi nga tshuki mi xisiwa niswitsongo hi munhu, hikuva swi fanele leswaku ku tlhelela endzhaku ku va kona eku sunguleni, ni ku humelela ka munhu wa xidyoho, n'wana wa ku lahleka,

2 Vatesalonika 2:8

Kutani enkarhini wolowo, ku ta humelela nala loyi Hosi yi nga ta n'wi heta hi moya wa nomu wa yona, kambe yi ta n'wi lovisa hi ku vonakala ka ku humelela ka yona.

Nhlavutelo 13:1

Kutani ndzi vona xivandza lexi humaka elwandle, xi ri ni timhondzo ta khume, ni tinhloko ta ntlhanu na timbirhi; etimhondzweni ta xona, xi rhwele tihari ta khume etinhlokweni ta xona, ku tsariwile mavito ya xisandzu.

Ezekiele 35:13

Mi tikukumuxele mina hi milomu ya n'wina, mi andzise marito ya n'wina eka mina; ndzi ma twile.

Daniele 5:19

Kutani hikwalaho ka vukulukumba lebyo ngi xi n'wi nyikile byona, vanhu va tinxaka hinkwato, ni va matiko hinkwawo, ni va tindzimi hinkwato, a va ri ni ku chava, va rhurhumela emahlweni ka yena; a tshama a dlaya loyi a rhandzaka ku n'wi dlaya, a hanyisa loyi a rhandzaka ku n'wi hanyisa, a tlakusa loyi a rhandzaka ku n'wi tlakusa, a tsongahata loyi a rhandzaka ku n'wi tsongahata.

Daniele 5:20

Kambe leswi mbilu ya yena yi kukumukeke, ni moya wa yena wu nga tikurisa hi ku tlurisa mpimo, u susiwile exiluvelweni xa yena xa vuhosi, a tekeriwa ni vukulukumba bya yena.

Daniele 11:37

A nga ka a nga hlayisi swikwembu swa vatata wa yena, ni loko xi ri xikwembu lexi tsakeriwaka hi vavasati, kutani a nga ka a nga vuri nchumu hi xikwembu xihi ni xihi, kambe u ta tikukumuxela swona hinkwaswo.

Esaya 10:5

Khombo eka Asiriya, nkhavi wa vukari bya mina! Nkhavi lowu ndzi wu vekaka evokweni ra yena, wu ta ndzi rihisela.

Esaya 10:23

Hikuva Hosi, Yehovha wa tinyimpi, u ta hetisa etikweni hinkwaro ku onha loku a ku kaneleke.

Esaya 14:14

Ndzi ta tlhandluka ehenhla ka mapapa, ndzi ko ndzi fana ni muungameri la tlakukeke.’

Esaya 30:33

Hikuva khale, tlhelo leri fanaka ni ra Tofete ri lunghisiwile, ku lunghiseriwele hosi xi ri xikhele lexi ahlameke, ni nhulu ya tihunyi leti nga ta n'wi hisa hi ndzilo, ni tihunyi to tala; ku hefemula ka Yehovha ku hisa ku kota nambu wa xivavula.

Esaya 57:9

U yile ehosini ni mafurha, u andzisile mirhi ya wena ya risuna, u rhumile ekule tintsumi ta wena, u tinyamisile ku yisa exivandleni xa vafi.

Ezekiele 28:2

“N'wana wa munhu, u nge eka hosi ya Tiri, u ku: Hosi Yehovha u ri: Hikuva mbilu ya wena yi titlakusile, u vule leswaku: ‘Ndzi xikwembu, ndzi tshame exitshan'weni xa Xikwembu, exikarhi ka malwandle,’ kambe u munhu, a ku Xikwembu, hambi u veke mbilu ya wena ku fana ni mbilu ya Xikwembu.

Zakariya 11:16

Hikuva ndzi ta pfuxa emisaveni, murisi loyi a nga taka a nga hlayisi tinyimpfu leti lovaka, a nga lavi leyi lahlekeke, leyi tshovekeke, a nga yi ongoli, ni leyi fambaka a nga ka a nga yi phameli, ntsena u ta dya nyama ya leti noneke, a ko a pandza ni swinyondzwana swa tona.