Daniele 11:24 - Xitsonga (Bibele)

²⁴ Exikarhi ka ku rhula, u ta nghena emaaveni ya tiko leri hundzisaka hi ku nona, kutani u ta endla leswi nga ka swi nga endliwangiki hi vatata wa yena ni vakokwa wa yena; u ta pambula leswi kumiweke enyimpini, ni xuma, ni rifuwo, kutani u ta endla makungu yo wisa makhokholo, kutani u ta endlisa sweswo ku yisa enkarhini lowu pimiweke.

BIBELE Mahungu Lamanene

²⁴ Loko vanhu va nga si ehleketa nchumu, ú ta ya etindhawini leti noneke ta tiko ra yena, kutani a endla leswi vatata wa yena va nga swi endlangiki: Ú ta teka swilo leswi a swi phangheke loko a hlasela, a avela vanghana va yena; ú ta endla ni makungu ya ku hlasela makhokholo man'wana, kambe sweswo swi ta va swa nkarhinyana ntsena.

Daniele 11:24 Referans Kwoze

Matewu 9:4

Kavaloko Yesu a tiva ku anakanya ka vona, a ku: “Mi anakanyela yini swo biha etimbilwini ta n'wina?

Daniele 7:25

U ta humesa marito ya ku lwa ni Muungameri-la-tlakukeke, u ta xanisa vahlawuriwa va Muungameri-la-tlakukeke, kutani a va ni makungu ya ku hundzula mikarhi ni nawu, kutani vahlawuriwa va ta nyiketiwa emavokweni ya yena hi nkarhi, ni mikarhi yin'wana, ni hafu ya nkarhi.

Ezekiele 38:10

“Hosi Yehovha u vulavula sweswo, a ku: Hi siku rero mianakanyo yi ta humelela embilwini va wena, u ta endla makungu layo biha.

Swivuriso 23:7

Hikuva hilaha xi anakanyaka embilwini ya xona, Xi tano, xi ta ku eka wena: “Dyana, u nwa!” Kambe mbilu ya xona a yi kona eka wena;

Swivuriso 19:6

Lavo tala va sasela munhu lonkulu; Na swona un'wana ni un'wana i nakulobye wa la hananaka.

Swivuriso 17:8

Tinyiko i ribye ra risima eka loyi a ti nyikaka. Hinkwako laha a nghenaka kona wa dzuneka.

Nehemiya 9:25

Va teka miti ya rirhangu ni tiko leri noneke va fuwa tindlu leti teleke xuma xa tinxakaxaka hinkwato ni swihlovo leswi ceriweke, ni tivhinya ni mitlhwari, ni mirhi yo tala leyi vekaka mihandzu, va dya, va xurha va nona, kutani va hanya eku tsakeni hinkwako hi tintswalo ta wena letikulu.

Vaavanyisi 9:4

Kutani va n'wi nyika tixikele ta 70 ta yindlu ya Baala-Beriti, kutani Abimeleke a hakela ha tona vanhu va swahava, va mikhuva leyo biha, leswaku va ta n'wi landzela.

Tinhlayo 13:20

ni misava, mi ta vona xana yi nonile kumbe yi ondzile; ni mirhi yi kona xana, kumbe ku hava? Tiyani, mi ta teka ni mihandzu ya tiko.” Kambe a wu ri nkarhi wa swirhangana swa vhinya.

Ezekiele 34:14

Ndzi ta ti risela evudyelweni lebyinene, ti va ti tshama etintshaveni leto tlakuka ta Israele; kona ti ta etlela evuriselweni lebyinene, ni le vudyelweni lebyi noneke, etintshaveni ta Israele.

Daniele 11:23

Hikuva u ta tsan'wa xinakulobye, kutani u ta avana na yena, a tirha hi mano, kutani u ta humesa nyimpi, a hlula hi vanhu va nga ri vangani.